ព័ត៌មានអន្ដរជាតិ
ស្រ្តីអង់គ្លេសម្នាក់ស្លាប់ដោយសារផឹកទឹក ក្នុងពេលដែលគ្រូពេទ្យរវល់ចុចទូរស័ព្ទ
ស្រ្តីជនជាតិអង់គ្លេសម្នាក់បានស្លាប់ភ្លាមៗដោយសារតែផឹកទឹកច្រើន ពេលចូលសម្រាកពេទ្យ។ ក្រោយការពិនិត្យបានរកឃើញថា គិលានុបដ្ឋាយិកាកំពុងរវល់លេងទូរស័ព្ទដៃ ហើយមិនយកចិត្តទុកដាក់ចំពោះអ្នកជំងឺ។
នៅថ្ងៃទី២៣ ខែវិច្ឆិកា គេហទំព័រ Daily Mail បានរាយការណ៍ថា Michelle Whitehead ដែលជាស្រ្តីជនជាតិអង់គ្លេសមានកូនពីរនាក់បានស្លាប់ភ្លាមៗ បន្ទាប់ពីផឹកទឹកច្រើនពេក ពេលកំពុងសម្រាកព្យាបាលនៅមន្ទីរពេទ្យនៅ Nottinghamshire ដោយសារតែនាងបង្ហាញសញ្ញានៃការថប់បារម្ភ និងឆាប់ខឹង ។
ក្នុងអំឡុងពេលដែលនាងនៅក្នុងមន្ទីរពេទ្យសម្រាកព្យាបាលជំងឺ ស្រ្តីមានកូនពីររូបនេះបានផឹកទឹកច្រើន មុនពេលធ្លាក់ចូលទៅក្នុងស្ថានភាពសន្លប់។ ក្រោយមកទើបខាងមន្ទីពេទ្យប្រកាសថានាងបានបាត់បង់ជីវិតហើយ។
ទោះបីជាយ៉ាងណាក៏ដោយ ការស៊ើបអង្កេតរបស់សេវាសុខភាពសាធារណៈ Nottinghamshire (NHS) បានកំណត់ថា តាមពិតឧប្បត្តិហេតុអាចបញ្ចៀសបាន ប្រសិនបើគិលានុបដ្ឋាយិកាយកចិត្តទុកដាក់បន្ថែមទៀតអំពីអ្នកជំងឺ ខណៈតាមការស៊ើបអង្កេតបានរកឃើញថា គិលានុបដ្ឋាយិកាកំពុងលេងទូរសព្ទ ទើបបណ្ដាលឲ្យរឿងនេះកើតឡើង ទោះបីជាទូរស័ព្ទចល័តត្រូវបានហាមឃាត់នៅក្នុងបន្ទប់អ្នកជំងឺក៏ដោយ ។
មន្ត្រីជំនាញដែលធ្វើការស៊ើបអង្កេតនេះក៏បាននិយាយថា អ្នកស្លាប់បានផឹកទឹកច្រើន ។ ប៉ុន្តែដោយសារគិលានុបដ្ឋាយិកាដែលបំពេញកាតព្វកិច្ចមិនបានមើលថែ គេមិនដឹងថាតើអ្នកស្លាប់បានផឹកទឹកប៉ុន្មានក្នុងអំឡុងពេល១០នាទីដែលគិលានុបដ្ឋាយិកាកំពុងបំពេញបេសកកម្មនោះទេ។ លោកក៏បានសម្តែងការព្រួយបារម្ភថា បើមិនមានការកែតម្រូវទេ អាចនឹងមានមនុស្សស្លាប់ច្រើនជាងនេះ។
យ៉ាងណាមិញ ស្វាមីរបស់សពបានផ្ដល់បទសម្ភាសន៍ថា ប្រពន្ធគាត់នឹងនៅមានជីវិត ប្រសិនបើក្រុមគ្រូពេទ្យមើលថែភរិយាគាត់បានល្អជាងនេះ ប៉ុន្តែទម្រាំដល់ពេលដែលមន្ត្រីដឹងថាមានអ្វីខុសឆ្គងនោះ វាហួសពេលទៅហើយ។
បើយោងតាមការិយាល័យអាហារូបត្ថម្ភបញ្ចាក់ថា ការពុលទឹកគឺបណ្តាលមកពីការផឹកទឹកច្រើនពេក បណ្តាលឲ្យមានជាតិទឹកច្រើននៅក្នុងឈាម និង hyponatremia dilutional ដែលធ្វើឲ្យឈឺក្បាល រមួលក្រពើ ប្រកាច់ ឬខ្សោយសាច់ដុំ ក្អួតចង្អោរ ហើម និងប៉ះពាល់ដល់កោសិកាខួរក្បាល ដែលអាចមានគ្រោះថ្នាក់ និងឈានដល់ការស្លាប់ចំពោះក្រុមដែលមានហានិភ័យខ្ពស់នៃការពុលទឹក ៕
ប្រែសម្រួល៖ សាង ស្រីល័ក្ខ
ចុចអាន៖ស្ត្រីអាយុ ១០៤ឆ្នាំ ទម្លាយអាថ៌កំបាំងនៃសុខភាពល្អ មិនមែនជាការហាត់ប្រាណជាប្រចាំឡើយ
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច១ សប្តាហ៍ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ១ សប្តាហ៍ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានអន្ដរជាតិ៥ ថ្ងៃ agoមេ Scammer និងជាឧក្រិដ្ឋជន នៃបណ្តាញជួញដូរមនុស្សអន្តរជាតិ ត្រូវចាប់បាននៅ ថៃ