កីឡា
យុវជនឆ្នើម Endrick បានសម្រេចក្តីស្រមៃចូលរួមក្លិបយក្ស Real Madrid
ខ្សែប្រយុទ្ធវ័យក្មេង Endrick បានសម្រេចក្ដីស្រមៃរបស់ខ្លួនតាំងពីក្មេងសម្រាប់ការចូលរួមជាមួយក្លិបអធិរាជស Real Madrid ដែលនឹងបង្ហាញខ្លួនជាផ្លូវការនៅខែកក្ដដា ឆ្នាំ២០២៤ នៅពេលរូបគេមានវ័យ១៨ឆ្នាំ។
កីឡាករ Endrick បាននិយាយថា ៖«វាជាទំនួលខុសត្រូវខ្ពស់ដែលខ្ញុំត្រូវទទួល។ វាជាការប្រកួតប្រជែងដ៏អស្ចារ្យ។ ខ្ញុំពិតជារំភើបសម្រាប់ការពាក់អាវ Real Madrid ក្នុងនាមជាកីឡាករ និងរីករាយជាមួយអ្នកគាំទ្រ។ នេះជាក្តីសុបិនរបស់ខ្ញុំតាំងពីក្មេង។ ខ្ញុំដឹងថា ខ្ញុំនៅតែមានបញ្ហាប្រឈមជាច្រើនតាំងពីខ្ញុំនៅក្រុម Palmeiras តែខ្ញុំអាចសម្របខ្លួនបានជាមួយពួកគេ។ យ៉ាងហោចណាស់ជួយក្រុមរបស់ខ្ញុំឱ្យឈរនៅលើកំពូលតារាង។ ពិតណាស់ ខ្ញុំក៏បានគិតពីរឿងក្រោយពេលខ្ញុំផ្លាស់ទៅ Real Madrid»។
កីឡាករវ័យក្មេងភាគច្រើនមានក្តីស្រមៃលេងឲ្យក្លិប Real Madrid ដោយសារក្លិបនេះមានប្រវត្តិសាស្រ្តដ៏អស្ចារ្យ។ Endrick ត្រូវចូលរូមជាមួយក្លិប Real Madrid នៅខែកក្ដដា ឆ្នាំ២០២៤ ជាពេលរូបគេមានអាយុ១៨ឆ្នាំ។ ខ្សែប្រយុទ្ធវ័យក្មេងរូបនេះអាចនឹងទទួលបានឱកាសបង្ហាញខ្លួនលើទីលានឆាប់ៗ ខណៈបច្ចុប្បន្នតំបន់ប្រយុទ្ធរបស់ក្លិបកំពុងខ្វះខាត បន្ទាប់ពីតារាឆ្នើម Benzema បានផ្លាស់ទៅលីគអារ៉ាប៊ីសាអ៊ូឌីត។
ស្ថិតក្នុងវ័យត្រឹម១៧ឆ្នាំ Endrick មានសមត្ថភាពដ៏គួរឲ្យចាប់អារម្មណ៍ដោយត្រូវបានកោះហៅចូលក្រុមជម្រើសជាតិប្រេស៊ីលសម្រាប់ការប្រកួតជម្រុះជើងឯកពិភពលោក World Cup និងបានជួយឲ្យក្លិប Palmeiras ឈ្នះជើងឯកលីគកំពូលប្រេស៊ីលឆ្នាំ២០២៣។
កីឡាករ Endrick បានបន្ថែមថា ៖«កាលពីខ្ញុំនៅតូច ខ្ញុំអាចបញ្ជាក់បានថា ខ្ញុំមិនខ្លាចនរណាទេ។ រឿងចាប់ផ្តើមតាំងពីខ្ញុំនៅក្មេងម្ល៉េះ។ ខ្ញុំគ្រាន់តែចង់លេងបាល់ទាត់។ ខ្ញុំយល់ច្បាស់ណាស់អំពីរឿងនោះ។ ខ្ញុំមិនខ្លាចនរណា និងអ្វីៗទាំងអស់»។
ខ្សែប្រយុទ្ធ Endrick នឹងត្រូវចាប់ដៃគូជាមួយមិត្តរួមជាតិប្រេស៊ីលគឺកីឡាករ Vinicius និង Rodrygo។ ចាប់ពីឆ្នាំ២០២២មក រូបគេបានបង្ហាញខ្លួនលើទីលានឲ្យ Palmeiras បាន៣៨លើក និងរកបាន១៤គ្រាប់៕
ប្រែសម្រួល៖ ផា រតនា
ប្រភព៖ Marca
-
ព័ត៌មានជាតិ៣ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ១ សប្តាហ៍ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានជាតិ១៩ ម៉ោង agoស្ថានទូតអូស្ត្រាលីប្រចាំកម្ពុជាឆ្លើយតបនឹងហេតុការណ៍ទាហានថៃផ្ទុះអាវុធកាលពីថ្ងៃទី២៩ ខែមេសា
-
ព័ត៌មានជាតិ២ ថ្ងៃ agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៧ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៤ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន
-
ព័ត៌មានអន្ដរជាតិ៥ ថ្ងៃ agoចាប់ខ្លួនបានហើយ! ខ្មាន់កាំភ្លើង ដែលប៉ុនប៉ងបាញ់ប្រហារលោក ត្រាំ នៅសេតវិមាន