ព័ត៌មានជាតិ

គម្រោងសាងសង់ស្ពានឆ្លងទន្លេទៅអរិយក្សត្រ វិវឌ្ឍន៍ដល់ណាហើយ?

បានផុស

២ years មុន

នៅ

ថ្ងៃចន្ទ ២២ មករា ២០២៤

ដោយ

លោក ផន រីម អ្នកនាំពាក្យក្រសួងសាធារណការនិងដឹកជញ្ជូនបានបញ្ជាក់មកកាន់ «កម្ពុជាថ្មី» នាព្រឹកថ្ងៃទី ២២ ខែមករា នេះថា គម្រោងសាងសង់ស្ពានមិត្តភាពកម្ពុជា-កូរ៉េ ភ្ជាប់ពីចំណុចផ្សាររាត្រីឆ្ពោះទៅតំបន់អរិយក្សត្រឆ្លងកាត់ទន្លេសាបនិងទន្លេមេគង្គ នឹងបញ្ចប់នីតិវិធីនានានៅអំឡុងត្រីមាសទី ១ ឆ្នាំ២០២៤ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ផន រីម ដែលទើបទទួលតំណែងជាទីប្រឹក្សា និងជាអ្នកនាំពាក្យក្រសួងសាធារណការនិងដឹកជញ្ជូនបានបញ្ជាក់ថា នីតិវិធីនានានឹងបញ្ចប់នៅអំឡុងត្រីមាសទី១ ឆ្នាំ២០២៤ ខណៈការជ្រើសរើសក្រុមហ៊ុនសាងសង់នឹងត្រូវអនុម័តនៅចុងឆ្នាំ ២០២៤។

ស្ពានមិត្តភាពកម្ពុជា-កូរ៉េ ដែលមានតម្លៃជិត ៣០០ លានដុល្លារអាមេរិកភ្ជាប់ពីចំណុចផ្សាររាត្រីឆ្ពោះទៅតំបន់អរិយក្សត្រត្រូវបានចុះហត្ថលេខារវាងរាជរដ្ឋាភិបាលនៃកម្ពុជា និងរដ្ឋាភិបាលនៃសាធារណរដ្ឋកូរ៉េកាលពីថ្ងៃទី០៩ ខែធ្នូ ឆ្នាំ២០២២ កន្លងទៅ។

យ៉ាងណាមិញ បើតាមអ្នកនាំពាក្យក្រសួងសាធារណការនិងដឹកជញ្ជូន ពាក់ព័ន្ធគម្រោងបើកការដ្ឋានស្ថាបនាផ្លូវការនៅពុំទាន់កំណត់ពេលវេលាជាក់លាក់នៅឡើយទេ បន្ទាប់ពីបញ្ចប់នីតិវិធីរៀបចំប្លង់លម្អិតរួច នឹងអនុម័តលើការជ្រើសរើសក្រុមហ៊ុនសាងសង់នៅចុងឆ្នាំ២០២៤ ។

គួរជម្រាបថា តាមរយៈគម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ ជ្រោយចង្វារ-អរិយក្សត្រ) នឹងជួយជំរុញឲ្យតម្លៃអចលនទ្រព្យនៅតំបន់នោះហក់ឡើង ជាពិសេសនឹងប្រែក្លាយតំបន់ម្ខាងនៃដងទន្លេនៃតំបន់អរិយក្សត្រទៅជាទីក្រុងរណបថ្មី ខណៈទីនោះកំពុងមានការអភិវឌ្ឍលើហេដ្ឋារចនាសម្ព័ន្ធរួមទាំងគម្រោងបុរីជាច្រើន៕

សេចក្ដីជូនដំណឹង៧ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា