ព័ត៌មានជាតិ
នាវាកងស្វ័យការពារជើងទឹកជប៉ុន២គ្រឿងនឹងចូលចតរយៈពេល៣ថ្ងៃនៅកំពង់ផែស្វយ័តក្រុងព្រះសីហនុ
បើមិនមានការប្រែប្រួលទេនោះ នៅថ្ងៃទី២២ខែកុម្ភៈខាងមុខនេះ នាវាកងស្វ័យការពារជើងទឹកជប៉ុន ចំនួន ២គ្រឿង (មានឧទ្ធម្ភាចក្រ) នឹងចូលចតនៅកំពង់ផែស្វយ័តក្រុងព្រះសីហនុ រយៈពេល៣ថ្ងៃ។
តាមប្រភពព័ត៌មានពីមន្ត្រីកងទ័ពជើងទឹកមូលដ្ឋានសមុទ្ររាម បានឲ្យដឹងថា នាវាស្វ័យការពារជប៉ុននេះ នឹងចូលចតនៅកំពង់ផែស្វយ័តក្រុងព្រះសីហនុចាប់ពីថ្ងៃទី ២២-២៤ ខែកុម្ភៈ ឆ្នាំ២០២៤។ តាមកម្មពិធីនៃការចូលចតនេះ នឹងមានរៀបចំពិធីហ្វឹកហ្វឺនរួមគ្នា និងកម្មពិធីលេងកីឡា ជាដើម។
លើសពីនេះទៀត គណៈប្រតិភូលើនាវា ក៏មានគម្រោងចូលជួបសម្តែងការគួរសមជាមួយ លោក គួច ចំរើន អភិបាលខេត្តព្រះសីហនុ មេបញ្ជាការមូលដ្ឋានសមុទ្ររាម និងមន្ត្រីជាន់ខ្ពស់ក្រសួងការពារជាតិផងដែរ។
មន្ត្រីដដែលបានឲ្យដឹងទៀតថា ប្រធានប្រតិភូលើនាវានេះ ដឹកនាំដោយ លោក វរ:នាវីឯក យូណាជីហារ៉ ម៉ាកូតូ មេបញ្ជាការកងពលធំទី១ ហ្វឹកហ្វឺន ស្វ័យការពារជប៉ុន មានលក្ខណៈបច្ចេកទេសនាវាកងស្វ័យការពារជើងទឹកជប៉ុន។
នាវាកងស្វ័យការពារជើងទឹកជប៉ុន១ ឈ្មោះ (DDG-172) TV-3521 SHIMAKAZE ទម្ងន់ផ្ទុក ៤.៦៥០តោន មានបណ្ដោយ១៥០ ម៉ែត្រ ទទឹង ១៦,៤ ម៉ែត្រ ជម្រៅទឹក ៤,៨ម៉ែត្រ នាវិកសរុប ចំនួន ២៦០នាក់ ដឹកនាំដោយមេបញ្ជាការ លោក វរនាវីទោ កានីម៉ារូ រីយូហៃ។
ចំណែក នាវាទី២ ឈ្មោះ DD-114 SUZUNAMI ទម្ងន់ ៤.៦៥០តោន បណ្ដោយ ១៥១ម៉ែត្រទទឹង ១៧,៤ម៉ែត្រ ម្រៅទឹក ៥,៣ម៉ែត្រ នាវិកសរុប ចំនួន១៧៥នាក់ ដឹកនាំដោយមេបញ្ជាការ លោក វរនាវីទោ គីណូហ្សីតា យូតាកា៕
អត្ថបទ៖ ស៊ុយ ចាន់ធា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង