ព័ត៌មានជាតិ

ខឹងសុំស្រលាញ់មិនបាន យុវតី២នាក់ ត្រូវបុរសម្នាក់វាយឲ្យរបួសធ្ងន់

បានផុស

៥ years មុន

នៅ

ថ្ងៃពុធ ១៧ កុម្ភៈ ២០២១

ដោយ

យុវជនម្នាក់ បានប្រើអំពើហិង្សាលើក្មេងស្រី២នាក់បងប្អូនបង្កើត បណ្តាលឲ្យរងរបួសធ្ងន់ បន្ទាប់ពីសុំស្នេហាលើរូបនាងមិនបាន ត្រូវបាននគរបាលមូលដ្ឋានចាប់វាយខ្នោះ។ ការឃាត់ខ្លួនយុវជនខាងលើនេះ នៅវេលាម៉ោង២ រំលងអធ្រាត្រ ឈានចូលថ្ងៃទី១៧ ខែកុម្ភៈ ឆ្នាំ២០២១ ត្រង់ចំណុចចម្ការស្វាយចន្ទីមួយកន្លែង ស្ថិតនៅក្នុងភូមិធួយអំពិល ឃុំចាអ៊ុង ស្រុកអូរជុំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមនគរបាលស្រុកអូរជុំបានឲ្យដឹងថា ជនសង្ស័យឈ្មោះ ហេវ ត្រង់ត្រៀវ ភេទប្រុស អាយុ២០ឆ្នាំជនជាតិគ្រឹង មុខរបរមិនពិតប្រាកដ រស់នៅភូមិ/ឃុំកើតហេតុខាងលើ ជនបង្កបានយកដំបងឈើជ្រុងវាយទៅលើជនរងគ្រោះ បណ្តាលឲ្យរងរបួសធ្ងន់ ចំក្បាលទាំងពីរនាក់បងប្អូនបង្កើត។ ជនរងគ្រោះទាំងពីរនាក់បងប្អូន ទី១. ឈ្មោះ ក្លង ជូច ភេទស្រី អាយុ១៤ឆ្នាំ ជនជាតិគ្រឹង មុខរបរ ជាសិស្ស រស់នៅភូមិ/ឃុំកើតហេតុខាងលើ បណ្តាលឲ្យរបួសធ្ងន់ចំក្បាល, ទី២. ឈ្មោះ ក្លង ដូច ភេទស្រី អាយុ១១ឆ្នាំ ជនជាតិគ្រឹង មុខរបរជាសិស្ស របួសធ្ងន់ចំក្បាលដូចគ្នា។

ផ្តើមមូលហេតុនៃការបង្កហិង្សានេះ កាលពីថ្ងៃទី៦ ខែមករា ឆ្នាំ២០២១ បានសុំស្រលាញ់ជនរងគ្រោះ ប៉ុន្តែជនរងគ្រោះមិនព្រមស្រលាញ់ធ្វើឲ្យជនបង្កខឹងសម្បាយ៉ាងខ្លាំង ក៏ប្រើអំពើហិង្សាទៅ។ ក្រោយពីធ្វើសកម្មភាពរួច កម្លាំងជំនាញ និងកម្លាំងប៉ុស្តិ៍រដ្ឋបាលឃុំចាអ៊ុង បានធ្វើការចុះស្រាវជ្រាវតាមរកជនបង្ក ពេលស្រាវជ្រាវរកឃើញក៏បាននាំខ្លួនជនបង្កមកអធិការដ្ឋាននគរបាលស្រុកអូរជុំ ដើម្បីរៀបចំកសាងសំណុំរឿងបញ្ជូនទៅតុលាការចាត់ការតាមនីតិវិធី។បច្ចុប្បន្នជនរងគ្រោះទាំង២នាក់បងប្អូន ត្រូវបានអាណាព្យាបាលយកទៅព្យាបាលនៅមន្ទីរពេទ្យបង្អែកខេត្តរតនគិរី៕

អត្ថបទ៖ វុទ្ធឦសាន

សូមចុចអាន៖ ឃាត់ខ្លួននាយករងការិយាល័យប្រឆាំងការជួញដូរមនុស្សទៅតុលាការក្រោយប្រើហិង្សាលើស្ត្រីម្នាក់នៅព្រៃវែង

Related Topics:ខេត្តរតនគិរី

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា