Connect with us

ព័ត៌មានអន្ដរជាតិ

ឈ្មួញកណ្ដាលនៅចិន សប្បាយចិត្តកើបលុយពីការជួល Apple Vision Pro ឱ្យអតិថិជនសាកល្បងប្រើ

បានផុស

នៅ

ឧបករណ៍ Apple Vision Pro ដែលជាផលិតផលថ្មីរបស់ក្រុមហ៊ុនបច្ចេកវិទ្យាយក្សអាមេរិក Apple បន្ទាប់ពីបានប្រកាសចេញលក់ជាផ្លូវការនៅសហរដ្ឋអាមេរិក កាលពីថ្ងៃទី២ ខែកុម្ភៈ ឆ្នាំ២០២៤ រួចមក វាបានក្លាយជាចំណុចក្ដៅគគុកបំផុតនៅក្នុងពិភពបច្ចេកវិទ្យា ។ ទន្ទឹមគ្នានេះ សម្រាប់មតិអ្នកប្រើប្រាស់ទូទៅបានលើកឡើងថា Apple Vision Pro គឺជាឧបករណ៍បច្ចេកវិទ្យា AR និង VR ដ៏ចម្លែក និងអស្ចារ្យបំផុត ឆ្លុះបញ្ចាំងពីភាពរីកចម្រើននៃបច្ចេកវិទ្យារបស់មនុស្សជាតិនៅថ្ងៃអនាគត ។

រូបថតដោយ÷ EAP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ សម្រាប់ទីផ្សារប្រទេសចិន នៅមិនទាន់ទទួលបាន សិទ្ធិលក់ Apple Vision Pro នៅឡើយទេ ដូច្នេះជាឱកាសសម្រាប់ឈ្មួញកណ្ដាលមួយចំនួនបាននាំយក Apple Vision Pro ទៅដាក់ជួលដើម្បីឱ្យអ្នកប្រើប្រាស់អាចសាកល្បងទទួលយកបទពិសោធន៍ថ្មីនៃបច្ចេកវិទ្យា AR និង VR ដ៏អស្ចារ្យនេះមុនគេ ។

យោងតាមការផ្សាយរបស់សារព័ត៌មាន SCMP នៅថ្ងៃអង្គារ នេះបានឱ្យដឹងថា តួយ៉ាងក្រុមហ៊ុន Vision Space ដែលមានមូលដ្ឋាននៅទីក្រុងប៉េកាំង បានបើកហាងជាច្រើនកន្លែង ហើយអនុញ្ញាតឱ្យអតិថិជនសាកល្បងវ៉ែនតា Apple Vision Pro ក្នុងតម្លៃ ៩៨យន់ ( ១៣.៦០ដុល្លារ ) ក្នុងមួយម៉ោង។

ជាមួយគ្នានេះ នាយកប្រតិបត្តិក្រុមហ៊ុន លោក Song Lei បាននិយាយថា ហាងដ៏ធំបំផុតដែលមានទីតាំងនៅមជ្ឈមណ្ឌលផ្សារទំនើប Hopson One ក្នុងទីក្រុងប៉េកាំង បានទទួលអតិថិជនច្រើនជាង ១០.០០០០ នាក់ ចាប់តាំងពីថ្ងៃទី ៤ ខែកុម្ភៈមករហូតដល់បច្ចុប្បន្ន។ លោកបន្ថែមថា សម្រាប់ថ្ងៃចុងសប្តាហ៍គឺជាពេលវេលាដ៏មមាញឹកបំផុត ប៉ុន្តែទោះជាយ៉ាងណានៅតែមានអតិថិជនស៊ូទ្រាំតម្រង់ជួរដើម្បីជួល Apple Vision Pro ។

នៅក្នុងការផ្សាយពាណិជ្ជកម្ម តម្លៃជួល Apple Vision Pro មានចាប់ពី ៨៨ យន់( ១៣.៦០ដុល្លារ ) ក្នុងមួយម៉ោង និង ១.៥០០ យន់(២០៨ ដុល្លារ) ក្នុងមួយថ្ងៃ។ ហាងខ្លះក៏ទាមទារប្រាក់កក់យ៉ាងតិច ៣០.០០០ យន់ (៤.១៧០ដុល្លារ) ផងដែរ ហើយអ្នកជួលក៏នឹងមានជម្រើសក្នុងការទិញ Apple Vision Pro យកទៅប្រើក្រោយពេលសាកល្បងក៏បានដែរ ។

ទោះយ៉ាងណាក៏ដោយ យោងតាម SCMP បានឱ្យដឹងដែរថា អ្នកជួល Apple Vision Pro នៅប្រទេសចិន ប្រហែលជាមិនមានពេលច្រើនដើម្បីរកប្រាក់ចំណូលទៀតទេ ព្រោះកាលពីដើមខែកុម្ភៈ នាយកប្រតិបត្តិក្រុមហ៊ុន Apple លោក Tim Cook បានបញ្ជាក់ថា ឧបករណ៍នេះនឹងត្រូវដាក់លក់ក្នុងប្រទេសចិនឆាប់ៗនេះ។ ទន្ទឹមគ្នានេះ គេហទំព័រព័ត៌មានហិរញ្ញវត្ថុ Wallstreetcn.com ក៏បានរាយការណ៍ផងដែរថា Apple Vision Pro នឹងត្រូវចេញលក់នៅប្រទេសចិនមុនខែឧសភា ហើយខណ:ពេលនេះ ដំណើរការចុះឈ្មោះជាមួយក្រសួងឧស្សាហកម្ម និងបច្ចេកវិទ្យាព័ត៌មានគឺ ជិតរួចរាល់ហើយ ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group
កីឡា៣៧ នាទីutes មុន

ក្រុម​កីឡាម៉ូតូ​ទឹក​កម្ពុជា​ ដណ្ដើម​បាន​មេដាយ​៥គ្រឿង​ នៃ​ការប្រកួតនៅ​ឯ​ប្រទេសបែលហ្ស៊ិក

សេចក្ដីជូនដំណឹង១ ម៉ោង មុន

វីតាល់ និងមីជាតិ នាំស្បៀងអាហារ  និងសម្ភារចាំបាច់ប្រចាំថ្ងៃជូនជនភៀសសឹក ១,៨០០ គ្រួសារ នៅស្រុកអូរជ្រៅខេត្តបន្ទាយមានជ័យ

ព័ត៌មានជាតិ៣ ម៉ោង មុន

រដ្ឋបាលរាជធានីនាំយកអំណោយជាង១០០មុខ ជូនវិរៈកងទ័ពជួរមុខ និងពលរដ្ឋភៀសសឹកនៅមណ្ឌលសុវត្ថិភាពវត្តពោធិ៍ ៥០០០ដើម

ជីវិតកម្សាន្ដ៣ ម៉ោង មុន

HyunA លុប​រូបអាក្រាតកាយ ក្រោយ​​អ្នក​គាំទ្របង្ហាញក្ដីបារម្ភ​ខ្លាំង

ព័ត៌មានជាតិ៤ ម៉ោង មុន

កម្ពុជា ថ្កោលទោសយោធាថៃប្រើប្រាស់ផ្សែងពុលអំឡុងពេលជម្លោះ ថាជាអំពើរំលោភសិទ្ធិមនុស្សធ្ងន់ធ្ងរ

ព័ត៌មានអន្ដរជាតិ៥ ម៉ោង មុន

មេភូមិភាគ២ថៃ ចេញឃ្លិបថា នៅមានជីវិត តែវីដេអូដូចខុសប្រក្រតី និងចម្លែក

ព័ត៌មានអន្ដរជាតិ៨ ម៉ោង មុន

​​[វិភាគ] តើ​យោធា​​​​ក្រោម​បង្គាប់​ស្តេច​ថៃ​ ប្រុងយក​ដី​​កម្ពុជា​ ​ធ្វើ​ដង្វាយ​​ខួប​កំណើត​ស្តេចរាមាទី១០ ដែលលើក​បន្តុប​ខ្លួនឬ?​

ព័ត៌មានអន្ដរជាតិ៤ ម៉ោង មុន

អ្នកស្លាប់ក្នុងការបាញ់ប្រហារនៅបាងកកកើនដល់៦នាក់ ខណៈខ្មាន់កាំភ្លើងជាជនជាតិថៃ

ព័ត៌មានអន្ដរជាតិ១១ ម៉ោង មុន

ថៃ បន្តប្រព្រឹត្តឧក្រិដកម្មសង្គ្រាមតាមរយៈការទម្លាក់អាវុធគីមី លើកម្ពុជា

ព័ត៌មានជាតិ៨ ម៉ោង មុន

ក្រសួងការងារ អំពាវនាវទៅម្ចាស់ម៉ាក អ្នកបញ្ជាទិញ និងអ្នកប្រើប្រាស់ផលិតផលថៃ​លើពិភពលោក ការពារសិទ្ធិពលករខ្មែរ ខណៈកំណើន នៃហិង្សាដែលប្រព្រឹត្តដោយក្រុមជ្រុលនិយមថៃ

Sokha Hotels

ព័ត៌មានពេញនិយម