ជីវិតកម្សាន្ដ

ប្លង់ប្រាសាទតាព្រហ្ម លើកមុខមាត់បទចម្រៀង ៣ ឆ្នាំមុនរបស់ Taylor Swift ផ្ទុះល្បីម្ដងទៀត

បានផុស

២ years មុន

នៅ

ថ្ងៃចន្ទ ១១ មីនា ២០២៤

ដោយ

Marjorie គឺជាបទចម្រៀងដែលច្រៀងដោយអ្នកចម្រៀងប៉ុបដ៏ល្បីល្បាញរបស់អាមេរិកគឺ Taylor Swift ដែលជាអាល់ប៊ុមដែលមានចំណងជើងថា evermore ធ្លាប់ចេញផ្សាយវីដេអូផ្លូវការលើបណ្ដាញ Youtube កាលពីថ្ងៃទី១១ ខែធ្នូ ឆ្នាំ២០២០ បើគិតមកដល់ពេលនេះមានរយៈពេលជាង៣ឆ្នាំហើយ។

ក្នុងនោះអ្វីដែលពិសេស គឺក្នុងវីដេអូបទរបស់តារាចម្រៀងអាមេរិកវ័យ៣៤ឆ្នាំរូបនេះ បានរំលេចប្លង់ប្រាសាទបុរាណខ្មែរដ៏ល្បីខ្ទរខ្ទារមួយគឺប្រាសាទតាព្រហ្ម ដែលជាស្នាព្រះហស្តព្រះបាទជ័យវរ្ម័នទី៧ ក្នុងរមណីយដ្ឋានអង្គរ ស្ថិតក្នុងខេត្តសៀមរាប ប្រទេសកម្ពុជា។

ថ្វីបើយ៉ាងនេះក្ដី តាមពិតទៅ Marjorie គឺជាឈ្មោះរបស់លោកយាយរបស់ Taylor Swift គឺលោកស្រី Marjorie Finlay ជាអ្នកចម្រៀងអូប៉េរ៉ារបស់អាមេរិកដ៏លេចធ្លោមួយរូប ហើយលោកស្រីធ្លាប់បានទៅទស្សនាប្រាសាទបុរាណខ្មែរគឺប្រាសាទតាព្រហ្ម កាលពីសម័យមុនសង្គ្រាមស៊ីវិលនៅកម្ពុជា នៅដើមពាក់កណ្តាលទសវត្សរ៍ឆ្នាំ ១៩៦០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លើសពីនេះទៀតដែរ អាល់ប៊ុម evermore គឺជាការឧទ្ទិសដល់ជីដូនរបស់នាង Marjorie Finlay ដែលបានទទួលមរណភាពក្នុងឆ្នាំ ២០០៣ និងរួមបញ្ចូលទាំងការច្រៀងគាំទ្រពីជីដូន Taylor Swift ក្នុងដំណើរកម្សាន្តរបស់គាត់ទៅកាន់ប្រទេសកម្ពុជាមុនសម័យសង្គ្រាម។ អ្វីដែលធ្វើឲ្យផ្ទុះសារជាថ្មីម្ដងទៀតនោះគឺលោកយាយ Marjorie ត្រូវបានគេជឿថាជាបុគ្គលដែលជាក់ឥទ្ធិពលបំផុតក្នុងជីវិតរបស់ Taylor រហូតធ្វើឲ្យនាងក្លាយជាអ្នកចម្រៀងប៉ុបដ៏ល្បីល្បាញលើពិភពលោកដូចសព្វថ្ងៃ។

សូមជម្រាបជូនដែរថា លោកយាយ Marjorie Finlay កើតនៅថ្ងៃទី0៥ ខែតុលា ឆ្នាំ១៩២៨ និងបានស្លាប់កាលពីឆ្នាំ២០០៣ នៅពេលដែល Taylor Swift មានអាយុ១៤ឆ្នាំប៉ុណ្ណោះ។ មរណភាពរបស់លោកយាយបានធ្វើឲ្យនាងមានការសោកស្ដាយ និងជាការបាត់បង់យ៉ាងធំធេងបំផុតក្នុងជីវិត។ ទើបក្រោយមក តារាប៉ុបរូបនេះបានសម្រេចនិពន្ធបទចម្រៀងដាក់ឈ្មោះយាយ ហើយឧទ្ទិសដល់គាត់ដែលបានចែកឋានអស់រយៈពេលជាយូរមកហើយ៕