ព័ត៌មានជាតិ

គិតត្រឹមឆ្នាំ ២០២១ កម្ពុជាចុះកិច្ចព្រមព្រៀងពាណិជ្ជកម្មសេរីក្រោមក្របខណ្ឌអាស៊ាន និងអាស៊ានបូកដៃគូសរុបចំនួន ០៧

បានផុស

១ year មុន

នៅ

ថ្ងៃអាទិត្យ ២៤ មីនា ២០២៤

ដោយ

គិតត្រឹមឆ្នាំ ២០២១ កម្ពុជាបានផ្សារភ្ជាប់កិច្ចព្រមព្រៀងពាណិជ្ជកម្មសេរីសរុបទាំងក្រោមក្របខណ្ឌអាស៊ាន និងអាស៊ានបូកដៃគូចំនួន ០៧ ដែលបានចុះហត្ថលេខា និងចូលជាធរមានក្នុងនោះរួមមាន កិច្ចព្រមព្រៀងពាណិជ្ជកម្មសេរីអាស៊ាន អាស៊ាននិងជប៉ុន អាស៊ាននិងចិន អាស៊ាននិងកូរ៉េ អាស៊ានជាមួយអូស្ត្រាលីនិងណូវែលហ្សេឡង់ អាស៊ាននិងឥណ្ឌា និងអាស៊ាននិងហុងកុង។ នេះបើតាមឯកសារផែនការមេគ្រប់ជ្រុងជ្រោយស្តីពីប្រព័ន្ធដឹកជញ្ជូនអន្តរមធ្យោបាយ និងភស្តុរភារកកម្មកម្ពុជា (២០២៣-២០៣៣)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីកិច្ចព្រមព្រៀងពាណិជ្ជកម្មក្រោមក្របខណ្ឌអាស៊ាន និងអាស៊ានបូកដៃគូ កម្ពុជាក៏បានចូលរួមចរចានិងចុះហត្ថលេខាលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) និងកិច្ចព្រមព្រៀងពាណិជ្ជកម្មសេរីកម្ពុជានិងចិន ដែលបានចូលជាធរមាននៅថ្ងៃ ទី០១ ខែមករា ឆ្នាំ២០២២។ កម្ពុជាក៏បានចុះហត្ថលេខាលើកិច្ចព្រមព្រៀងពាណិជ្ជកម្មសេរីកម្ពុជានិងកូរ៉េ នៅថ្ងៃទី២៦ ខែតុលា ឆ្នាំ២០២១ និងបានចូលជាធរមាននៅថ្ងៃទី០១ ខែធ្នូ ឆ្នាំ២០២២។

បន្ថែមពីនេះ កម្ពុជាក៏បានចុះហត្ថលេខាជាមួយអេមីរ៉ាតអារ៉ាប់រួម លើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយកាលពីថ្ងៃទី០៨ ខែមិថុនា ឆ្នាំ២០២៣។

កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ កិច្ចព្រមព្រៀងពាណិជ្ជកម្មសេរីកម្ពុជានិងចិន និងកិច្ចព្រមព្រៀងពាណិជ្ជកម្មសេរីកម្ពុជានិងកូរ៉េ ជាគោលនយោបាយពាណិជ្ជកម្មអន្តរជាតិអាទិភាពចម្បងមួយរបស់កម្ពុជា ក្នុងការពង្រឹង និងពង្រីកទីផ្សារនាំចេញរបស់កម្ពុជា។ ក្នុងន័យនេះ កិច្ចព្រមព្រៀងពាណិជ្ជកម្មសេរីទាំងនេះនឹងបន្ថែមសក្តានុពលដល់កំណើនពាណិជ្ជកម្មអន្តរជាតិរបស់កម្ពុជា ពិសេសជំរុញការនាំចេញដែលតម្រូវឱ្យមានការអភិវឌ្ឍប្រព័ន្ធដឹកជញ្ជូននិងឡូជីស្ទីកកាន់តែមានប្រសិទ្ធភាព៕