ព័ត៌មានអន្ដរជាតិ
យោធាតៃវ៉ាន់ ថា យន្តហោះចម្បាំងចិនប្រើពេលតែ៥នាទីអាចហោះដល់ការិយាល័យប្រធានាធិបតីនៅតៃប៉ិ
យន្តហោះចម្បាំងរបស់ចិនចំនួនពីរគ្រឿង កំពុងហោះហើរនៅរយៈចម្ងាយត្រឹមតែ ៧៦គីឡូម៉ែត្រប៉ុណ្ណោះ ដែលនៅកៀកក្បែរទីក្រុង Keelung របស់តៃវ៉ាន់។ ក្នុងន័យនេះ វាអាចបញ្ជាក់បានថា យន្តហោះចិនប្រើពេលប្រមាណតែ៥នាទីអាចមកដល់ទីតាំងការិយាល័យប្រធានាធិបតីនៅតៃប៉ិបាន។ នេះបើយោងតាមការព្រមានរបស់លោក Chang Yen-ting ឧត្ដមសេនីយ៍ឯកកងទ័ពអាកាសដែលចូលនិវត្តន៍របស់តៃវ៉ាន់ កាលពីថ្ងៃទី២១ ខែមេសាកន្លងទៅ។
លោក Chang បានបន្តថា ចំពោះយន្តហោះចម្បាំងតៃវ៉ាន់វិញ ទាល់តែប្រើពេលយ៉ាងហោចណាស់ក៏៦នាទីដែរទើបអាចហោះចេញទៅទប់ស្កាត់យន្តហោះចម្បាំងរបស់កងទ័ពរំដោះប្រជាជនចិន ហើយវាក៏ជាការបញ្ជាក់ផងដែរថា តៃវ៉ាន់មានពេលតិចតួចបំផុត ដើម្បីរៀបចំប្រយុទ្ធបើមានការឈ្លានពានពីមហាយក្សចិន។
ពាក់ព័ន្ធនឹងបញ្ហាដែលលោក Chang បានព្រមាន, លោក Chiu Kuo-cheng រដ្ឋមន្ត្រីក្រសួងការពារជាតិតៃវ៉ាន់ បាននិយាយកាលពីថ្ងៃទី២៤ ខែមេសា ថា យោធាតៃវ៉ាន់តែងមានប្រព័ន្ធភ្នាក់ងារសម្ងាត់ ឃ្លាំមើល និងឈ្លបការណ៍នៅប្រចាំការជានិច្ច ដែលនេះគឺជាការត្រៀមទប់ស្កាត់ជាមុនចំពោះការវាយប្រហារណាមួយកើតឡើង។
លោករដ្ឋមន្ត្រី បានបញ្ជាក់ទៀតថា ការលើកឡើងរបស់លោក Chang ពិតជាមិនខុសនោះទេ។ លោកថា បើគ្មានវិធានការទប់ស្កាត់ទាន់ពេលនោះទេ វាជាការពិតណាស់ដែលយន្តហោះចម្បាំងចិនអាចហោះមកដល់ការិយាល័យប្រធានាធិបតីត្រឹមពេល ៣ ទៅ ៥នាទីប៉ុណ្ណោះ។
គួររំឮកថា បច្ចុប្បន្ន យោធាតៃវ៉ាន់កំពុងរៀបចំសមយុទ្ធរយៈពេល៨ថ្ងៃ រាប់ចាប់ពីថ្ងៃទី១៩ ដល់ថ្ងៃទី២៦ ខែមេសា មុនការធ្វើសមយុទ្ធបាញ់គ្រាប់ផ្ទាល់ ដែលនឹងប្រព្រឹត្តឡើងចាប់ពីថ្ងៃទី២២ ដល់ថ្ងៃទី២៦ ខែកក្កដាខាងមុខ។ សមយុទ្ធដែលតៃវ៉ាន់ដាក់ឈ្មោះថា “Han Kuang” ត្រូវបានធ្វើឡើងជាប្រចាំគិតចាប់តាំងពីឆ្នាំ១៩៨៤មកម៉្លេះ ក្នុងគោលបំណងបង្កើនការត្រៀមទុកមុនក្នុងករណីមានការឈ្លានពានពីចិន៕
ដោយ៖ ឈាង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះឯកជនមួយនៅអាមេរិក បណ្តាលឱ្យមនុស្សក្នុងយន្តហោះ ស្លាប់ទាំងអស់
-
ព័ត៌មានជាតិ៤ ថ្ងៃ agoថ្ងៃទី១៦មិថុនា រដ្ឋបាលភ្នំពេញរកមិនឃើញបទល្មើស ONLINE SCAMS និងទំនិញនាំចូលពីប្រទេសថៃខុសច្បាប់ទេ
-
សន្តិសុខសង្គម៥ ថ្ងៃ agoត្រួតពិនិត្យទីតាំងខុនដូ ១ កន្លែង រកឃើញជនជាតិវៀតណាម ៦ នាក់ ពាក់ព័ន្ធ Online Scams នៅខណ្ឌ ៧ មករា
-
ព័ត៌មានអន្ដរជាតិ២ ថ្ងៃ agoអង់គ្លេសនឹងបញ្ជូនដ្រូន ១៥០ ០០០គ្រឿង និងប្រព័ន្ធរ៉ាដាជាង ៣៥០ ទៅអ៊ុយក្រែន ដោយយកលុយរុស្ស៊ីដែលបង្កកបង់ថ្លៃ
-
ព័ត៌មានអន្ដរជាតិ៥ ថ្ងៃ agoយន្តហោះទម្លាក់គ្រាប់បែកនុយក្លេអ៊ែរ អាមេរិក B-52 ធ្លាក់នៅ កាលីហ្វ័រញ៉ា ស្លាប់សមាជិកអាកាសយានិក ៨នាក់
-
ព័ត៌មានជាតិ៧ ថ្ងៃ agoអាជ្ញាធរខណ្ឌទួលគោក បន្តចុះត្រួតពិនិត្យទីតាំងលក់គ្រឿងទេស ត្រី សាច់បង្កក៤ទីតាំងបន្ថែមទៀត
-
ព័ត៌មានជាតិ៥ ថ្ងៃ agoក្រុមហ៊ុន Visa បានធ្វើបច្ចុប្បន្នភាពផែនទីសុវត្ថិភាពលើប្រព័ន្ធទូទាត់ប្រាក់ ដើម្បីបន្តកសាងទំនុកចិត្ត និងពង្រឹងភាពធន់ នៃប្រព័ន្ធទូទាត់តាមរយៈឌីជីថលនៅកម្ពុជា
-
ព័ត៌មានអន្ដរជាតិ៥ ថ្ងៃ agoទីបំផុត ថៃ ព្រមទៅ UN ដោយជ្រើសរើសអ្នកជំនាញ ២រូប ដើម្បីតតាំងជាមួយកម្ពុជា ក្រោមយន្តការ UNCLOS