សេដ្ឋកិច្ច

ការលក់រថយន្តរបស់ក្រុមហ៊ុន Tesla នៅចិន ធ្លាក់ចុះនៅខែឧសភា

បានផុស

២ years មុន

នៅ

ថ្ងៃអង្គារ ៤ មិថុនា ២០២៤

ដោយ

ទិន្នន័យពីសមាគមរថយន្តដឹកអ្នកដំណើរចិន (CPCA) បានបង្ហាញនៅថ្ងៃអង្គារនេះថា ការលក់រថយន្តអគ្គិសនីនៅចិនរបស់ក្រុមហ៊ុនផលិតរថយន្តអាមេរិក Tesla បានធ្លាក់ចុះ ៦,៦ ភាគរយក្នុងខែឧសភា បើធៀបនឹងរយៈពេលដូចគ្នាកាលពីឆ្នាំមុន ដោយលក់បានចំនួន ៧២ ៥៧៣ គ្រឿង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ការលក់នៃរថយន្តម៉ាក Model 3 និង Model Y ដែលផលិតនៅចិន បានកើនឡើង ១៦,៧ ភាគរយ បើធៀបនឹងខែមេសា។

ផ្ទុយទៅវិញ ការលក់របស់ក្រុមហ៊ុនគូប្រជែងក្នុងស្រុកចិន BYD បានកើនឡើងកប់ពពក ដោយក្រុមហ៊ុននេះ លក់បានរថយន្តចំនួន ៣៣០ ៤៨៨ គ្រឿង ដោយកើនឡើង ៣៨,២ បើធៀបនឹងរយៈពេលដូចគ្នាកាលពីឆ្នាំមុន។ ម៉ាកឡានដែលលក់ដាច់ជាងគេ រួមមានរថយន្តអគ្គិសនីស៊េរី Dynasty និង Ocean និងរថយន្តកូនកាត់ (ប្រើឥន្ធនៈ និងបញ្ជូលអគ្គិសនី)។

គួរគូសបញ្ជាក់ថា ការធ្លាក់ចុះនៃការលក់រថយន្តរបស់ក្រុមហ៊ុន Tesla នៅប្រទេសចិន ដែលជាទីផ្សារលក់យន្តដ៏ធំបំផុតនេះ កើតឡើងខណៈការប្រកួតប្រជែងជាមួយក្រុមហ៊ុនក្នុងស្រុកចិនផ្ទាល់កាន់តែតានតឹង។

តួលេខបង្ហាញពីការធ្លាក់ចុះនេះ ចេញផ្សាយក្រោយ លោក អេឡុន ម៉ាសក៍ ដែលជាស្ថាបនិក និងជានាយកប្រតិបត្តិរបស់ក្រុមហ៊ុន Tesla បានថ្លែងកាលពីចុងខែឧសភាថា លោកប្រឆាំងនឹងវិធានការដាក់ពន្ធរបស់សហរដ្ឋអាមេរិកលើមុខទំនិញនាំចូលពីចិន ដែលធ្វើឱ្យខូចទ្រង់ទ្រាយទីផ្សារ។ លើសពីនេះ លោកបានបន្តនាពេលនោះថា ក្រុមហ៊ុន Tesla រក្សាការប្រកួតប្រជែងរបស់ខ្លួនយ៉ាងល្អ នៅលើទីផ្សារលក់រថយន្តចិន ដោយគ្មានការយកពន្ធ និងការរើសមុខក្រុមហ៊ុន៕

Related Topics:ក្រុមហ៊ុន TESLA

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា