ព័ត៌មានជាតិ
អាជ្ញាធរឃុំព្រែកដំបូក ព្រះសង្ឃ រួមនឹងប្រជាពលរដ្ឋនាំគ្នាដាំកូនឈើនៅលើផ្ទៃដីជាង២ហិចតា
កំពង់ចាម ៖ អាជ្ញាធរឃុំព្រែកដំបូក ស្រុកស្រីសន្ធរ សហការគ្នា ជាមួយព្រះសង្ឃ ប្រជាពលរដ្ឋនាំគ្នាដាំកូនឈើជាច្រើនប្រភេទ ប្រមាណជិត៣ពាន់ដើម លើផ្ទៃដីជាង២ហិចតា ស្ថិតនៅឃុំព្រែកដំបូក ស្រុកស្រីសន្ធរ ខេត្តកំពង់ចាម ដើម្បីបរិស្ថាននៅតំបន់ពណ៌បៃតង។
ជាក់ស្តែងនៅថ្ងៃទី១៨ ខែមិថុនា ឆ្នាំ២០២៤ ព្រះសង្ឃតាមបណ្តាលវត្ត បងប្អូនប្រជាពលរដ្ឋ រួមនឹងសិស្សានុសិស្សជាច្រើនអង្គនាក់ បាននាំគ្នាដាំកូនឈើ ព្រោះព្រៃឈើជាសម្បត្តិធម្មជាតិ ដ៏មានសារៈសំខាន់ ក្នុងការរក្សានូវលំនឹងបរិស្ថាន ដែលមានមុខងារជាច្រើន។ ព្រះវិសុទ្ធមុនី រស់ លឹមខូយ ព្រះរាជាគណៈថ្នាក់កិត្តិយសព្រះធម្មធរគុណខេត្តកំពង់ចាម និងជាព្រះគ្រូសិរិវិជ្ជាព្រះអនុគុណស្រុកស្រីសន្ធរ បានមានថេរៈដីកាថា ការចូលរួមដាំកូនឈើនៅពេលនេះ គឺដើម្បីបំផុសស្មារតីក្មេងៗជំនាន់ រួមនឹងប្រជាពលរដ្ឋនៅតាមមូលដ្ឋាននេះទាំងមូលចេះថែរក្សាដាំកូនឈើ និងស្រឡាញ់ធម្មជាតិ ព្រោះព្រៃឈរបៃតង គឺបានផ្តល់ជម្រកសត្វ និងបរិស្ថានជុំវិញស្រស់បំព្រងផង។
ព្រះវិសុទ្ធមុនី រស់ លឹមខូយ បានបញ្ជាក់ទៀតថា ការសប្បាយរីករាយ ខណៈដែលបានចូលរួមធ្វើសកម្មសង្គមមួយនេះ ដើម្បីចូលរួមចំណែកក្នុងការថែរក្សាធនធានធម្មជាតិផង និងជួយលើកកម្ពស់បរិស្ថាននៅតំបន់នេះឱ្យកាន់តែស្អាតជាងនេះទៀត ពោលគឺមានដើមឈើធំតូចដុះជុំវិញមានផ្ទៃពណ៌បៃតងស្រស់បំព្រង និងជួយការស្រូបយកអាកាសបរិសុទ្ធបន្ថែមទៀត។
ទន្ទឹមនឹងនេះដែរ លោក ចាយ ញាណរ៉ាដាន ដែលជាអ្នកផ្តួចផ្តើមរៀបចំកម្មវិធីដាំកូនឈើនៅក្នុងបរិវេណក្រោយវត្តពោធិវ័ន ហៅវត្តអំពិល ស្ថិតនៅឃុំព្រែកដំបូក ស្រុកស្រីសន្ធរ បានបញ្ជាក់ប្រាប់ថា៖ សកម្មភាពនាំគ្នាដាំកូនឈើនៅតាមទីសាធារណៈ វត្តអារាម បង្កើតសួនដើម ប្រែក្លាយទៅជាតំបន់បៃតង ដើម្បីឱ្យមានភាពទាក់ទាញដល់ភ្ញៀវទេសចរណ៍មកលេងកម្សាន្តក្នុងបរិវេណវត្តទីអារាមមួយនេះ ដោយស្រូបកខ្យល់អាកាសបរិសុទ្ធ និងជួយស្រួលដល់ការប្រែប្រួល អាកាសធាតុ ផ្តល់ម្លប់ ស្រូបយកខ្យល់អុកស៊ីហ្សែន ក្នុងការរស់នៅ និងតម្រូវការប្រកបដោយសេចក្តីសុខទៀតផង៕
អត្ថបទនិងរូបភាព ៖ ឡេក ចាន់ពេជ្រ
-
ព័ត៌មានអន្ដរជាតិ១ សប្តាហ៍ agoអាល្លឺម៉ង់ ក្តៅខ្លាំង ដល់ថ្នាក់រលាយផ្លូវរថភ្លើងអគ្គិសនី និងប្រេះហើប ផ្លូវល្បឿនលឿន
-
កីឡា១ សប្តាហ៍ agoលោក ពេជ្រ សុផាន់ រំលឹកគុណរបស់លោក អេ ភូថង ដែលធ្លាប់ជួយខ្លួនអំឡុងឆ្នាំ២០១៤ ធ្លាក់ដល់ទាល់ច្រកអស់ផ្លូវដើរ
-
សេដ្ឋកិច្ច១ ថ្ងៃ agoអ្នកជំនាញ៖ វិស័យអចលនទ្រព្យនៅកម្ពុជាមិនទាន់មានសញ្ញាងើបឡើងវិញរហូតដល់បច្ចុប្បន្ននេះ
-
ព័ត៌មានជាតិ៦ ថ្ងៃ agoដើម្បីបញ្ចៀសការកកស្ទះ អាជ្ញាធរខណ្ឌពោធិ៍សែនជ័យ និងក្រុមហ៊ុនកាណាស៊ីធី ចុះរុះរើរបងពង្រីកផ្លូវបន្ថែម
-
ព័ត៌មានជាតិ៦ ថ្ងៃ agoឱកាសសិស្សនិស្សិត! អាហារូបករណ៍ទេពកោសល្យឌីជីថលតេជោ ៦០០កន្លែង កំពុងបើកទទួលពាក្យ
-
ព័ត៌មានអន្ដរជាតិ១ ថ្ងៃ agoតើឥណ្ឌាពិតជាខ្នងបង្អែកដ៏រឹងមាំ របស់អ៊ីស្រាអែល ដូចអ្វីដែលលោក ណេតាន់យ៉ាហ៊ូ អួតអាងមែនទេ?
-
កីឡា១ សប្តាហ៍ agoតំបន់ប្រយុទ្ធបារាំងកំពុងពេញសាច់ល្អ ខណៈ Mbappé តាមស្មើគ្រាប់បាល់ Messi
-
ព័ត៌មានជាតិ១ សប្តាហ៍ agoចាប់ពីពេលនេះពលរដ្ឋដែលត្រូវធ្វើ ឬបន្តអត្តសញ្ញាណបណ្ណមិនចាំបាច់ត្រលប់ទីលំនៅឋានដើមឡើយ