ម្ដាយ Naphat គំរាមប្ដឹងអ្នកកាសែតផ្សាយបំភ្លើសថា គាត់ជាអ្នកបំបែកកូនប្រុសពី Baifern

ម្ដាយរបស់ Naphat គឺតារាសម្ដែង Pimpaka Siangsomboon ឬហៅកាត់ថា Mae Moo បានគំរាមប្ដឹងដល់គ្រប់អ្នកសារព័ត៌មានដោយចាត់មេធាវីលោក James Ronnotis ការពារក្ដីឲ្យរូបគាត់ បន្ទាប់ពីមានពាក្យចចាមអារ៉ាមថា គាត់ជាអ្នកបំបែកទំនាក់ទំនងរបស់កូនប្រុសនិង Baifern។

ពាក្យចចាមអារ៉ាមអំពីការបញ្ចប់ទំនាក់ទំនងរវាងលោក Naphat និង Baifern Pimchanok បណ្តាលឲ្យមាននិន្នាការយ៉ាងខ្លាំងលើពិភពអ៉ិនធើណេតក្នុងប្រទេសថៃ។ ស្របពេលដែលឥលូវនេះ ក៏​គ្មាន​ភាគីណា​​ម្នាក់ ចេញ​មុខ​បកស្រាយ​ពី​រឿង​ដែល​កើត​ឡើង​ថា តើព័ត៌មានទាំងពិតឬយ៉ាងណា?

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាក៏ដោយ កាលពី២៥ ខែមិថុនា មេធាវី James បានបង្ហោះសារមួយតាមរយៈហ្វេសប៊ុកថា យើងកំពុងរៀបចំឯកសារតាមការចាត់តាំងដោយ Mae Moo ដើម្បីចាត់វិធានការប្រឆាំងនឹងគ្រប់ប្រព័ន្ធផ្សព្វផ្សាយដែលផ្សព្វផ្សាយព័ត៌មានមិនពិត រហូតបង្កការខូចខាតដល់រូបគាត់ និងទទួលបានទទួលមតិប្រមាថមើលងាយបែបស្អប់ខ្ពើម។

ជាមួយគ្នានេះដែរ អតីតតារាសម្ដែងរូបនេះបានព្រលយថា ដោយសារតែរូបគាត់ទ្រាំពុំបាននឹងពាក្យប្រមាថជេរស្ដីថា គាត់គឺជាដើមហេតុដែលបង្កឲ្យកូនប្រុសនិង Baifern បែកគ្នា។ ដូច្នេះទើប Mae Moo បានសម្រេចចាត់វិធានការទប់ស្កាត់ឲ្យមេធាវីការពាររឿងក្ដីមួយនេះ។ គាត់ក៏បញ្ចាក់ទៀតថា​ ​​​ការ​បង្ហាញ​ព័ត៌មាន​មិនពិត​​ដែល​ធ្វើ​ឲ្យខូច​ខាតដល់គាត់និងក្រុមគ្រួសារជាអំពើថោកទាប រហូតដល់​ភ្លេច​ក្រម​សីលធម៌ជាអ្នកសាព័ត៌មាន។ ជាពិសេស​បញ្ហា​គ្រួសារ​ជា​រឿង​រសើប អ្នកគួរតែពិនិត្យមើលការពិតពីអ្នកដែលចាប់ផ្តើមរឿងគ្រប់ទិដ្ឋភាពទាំងអស់ មុនពេលបង្ហាញព័ត៌មានទៅដល់ដៃសារណជន។

គួរបញ្ចាក់ដែរថា រឿងរ៉ាវដ៏រសើបរវាងគូស្នេហ៍ Baifern និង Naphat បែកគ្នាគឺជា​ពាក្យ​ចចាមអារ៉ាមមួយកំពុងតែត្រូវបានទស្សនិកជនជាច្រើនតាមដានយ៉ាងដិតដល់ ខណៈម្នាក់ៗបានបន់ស្រន់សុំកុំឲ្យក្លាយជាការពិត។ ព្រោះ Nai-Baifern ជាគូស្នេហ៍ដែលស័ក្តិសមបំផុត ប៉ុន្តែពួកគេចង់លើកទឹកចិត្តអ្នកទាំងពីរក្នុងពេលតែមួយ។​ អ្វី​ដែល​​អាច​ធ្វើ​បាន​ គឺ​គ្រាន់​តែ​រង់​ចាំ​ពេល​វេលា​ឲ្យគូស្នេហ៍នេះចេញ​មក​បើក​ចំហ​ឲ្យបាន​ច្បាស់​ដោយ​ខ្លួន​ឯង​ថាតើនេះគឺជារឿងពិតឬគ្រាន់តែជាពត៌មានចចាមអារ៉ាម៕

អត្ថបទ៖ សាង ស្រីល័ក្ខ

ចុចអាន៖ធ្លាយ​ពាក្យ​ចចាមអារ៉ាមថា Baifern និង Naphat បែកគ្នាហើយ