មិនត្រូវការឧបករណ៍ជំនួយ កីឡាករវ័យ៥១ឆ្នាំ ដណ្ដើមបានមេដាយប្រាក់ ផ្ញើប្រទេសជាតិយ៉ាងរំភើយ…

កាលពីថ្មីៗនេះ កីឡាករជនជាតិទួគីវ័យ៥១ឆ្នាំមួយរូប លោក Yusuf Dikeç​ បានធ្វើឲ្យអ្នកទស្សនាជុំវិញពិភពលោកមានការភ្ញាក់ផ្អើល និងចាប់អារម្មណ៍ជាខ្លាំងទៅលើរូបលោក ដែលលោកដណ្ដើមបានមេដាយប្រាក់ពីការប្រកួតបាញ់កាំភ្លើងខ្លីយ៉ាងងាយ ដោយមិនប្រើឧបករណ៍ជំនួយនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីគួរឲ្យចាប់អារម្មណ៍ទៀតនោះគឺ សកម្មភាពនៃការប្រកួតរបស់លោកគឺមានភាពទាក់ទាញយ៉ាងខ្លាំង ដោយលោកចូលប្រកួតបាញ់កាំភ្លើងខ្លីខ្យល់នេះ ដោយមិនប្រើឧបករណ៍ជំនួយដែលកីឡាករត្រូវការជានិច្ចក្នុងការប្រកួត ដែលមានដូចជា ឧបករណ៍ការពារត្រចៀក ឧបករណ៍ឡេនពិសេសជំនួយឲ្យភ្នែកផ្ដោតលើគោលដៅ ជាដើម។

ពិសេស លោក Dikeç​ បានបង្ហាញសកម្មភាប្រកួតដែលធ្វើឲ្យទស្សនិកជនមើលភ្លឹក ដោយឈរបាញ់កាំភ្លើងខ្លី ប្រើដៃម្ខាងខាងស្ដាំ ចំណែកឯដៃខាងឆ្វេងលូកហោប៉ៅយ៉ាងសង្ហារ ធ្វើដូចជាធម្មតាមិនមានសម្ពាធអ្វីសោះ។

យ៉ាងណាមិញ កីឡាករចំណាស់រូបនេះ បានយកឈ្នះក្នុងការប្រកួតលំដាប់ថ្នាក់អូឡាំពិច ដោយទទួលបានចំណាត់ថ្នាក់លេខ២ ស្ពាយមេដាយប្រាក់យកទៅផ្ញើអ្នកស្រុកយ៉ាងងាយស្រួល ធ្វើឲ្យមហាជនទូទាំងពិភពលោកចំហមាត់តែម្ដង។

មិនតែប៉ុណ្នោះ យោងតាមប្រភពពីបណ្ដាញសង្គមបានឲ្យដឹងថា មុននឹងឈានចូលការប្រកួតលោក Dikeç​ ទើបតែមានជម្លោះជាមួយអតីតភរិយា ហើយការប្រកួតមួយនេះ លោកចង់ធ្វើឲ្យរូបនាងដឹងថា នាងគិតខុសហើយ។

រូបលោក ក៏បាននិយាយដែរថា លោកមិនដែលគិតថា ខ្លួននឹងមកដល់ចំណុចនេះ លោកគ្រាន់តែចង់ចំណាយពេលចុងសប្ដាហ៍ជាមួយកូនៗតែប៉ុណ្នោះ។ លើសពីនោះ គេបាននិយាយថា កីឡាករប្រុសរូបនេះ គ្រាន់តែបង្ហាញខ្លួនចូលប្រកួតរួច ដើរចេញមកក្រៅ សួររកកន្លែងជក់បារីធ្វើព្រងើយ។

បន្ទាប់ពីឈ្នះការប្រកួត លោកបានឈរដោយទឹកមុខស្មើ ហើយប្រកាសក្ដែងៗថា Sharon បើអ្នកកំពុងតែមើល យើងចង់ប្រាប់ថា ឲ្យឆ្កែយើងមកវិញ។ ម៉្យាងទៀត លោក Yusuf Dikeç​ បាននិយាយនៅក្នុងកិច្ចសម្ភាសន៍ក្រោយពេលឈ្នះការប្រកួតថា លោកមិនចាំបាច់ត្រូវការហ្វឹកហាត់នោះទេ គឺលោកជាអ្នកជំនាញបាញ់កាំភ្លើងខ្លី ដោយធម្មជាតិ៕