សន្តិសុខសង្គម
បុរសម្នាក់ ដេកស្លាប់ក្នុងថ្លុកឈាម សង្ស័យរថភ្លើងបុក
ប្រទះឃើញសពបុរសពោះម៉ាយម្នាក់ ដេកស្លាប់ក្នុងថ្លុកឈាម ដោយបែកក្បាល សង្ស័យត្រូវរថភ្លើងបុក ក្រោយពីផឹកស៊ីក្នុងភូមិចំនួន ៣ កន្លែង ស្រវឹងធ្លាក់ភ្នែក តែមិនព្រមចូលទៅសម្រាក។
ហេតុការណ៍នេះបង្កឲ្យមានការភ្ញាក់ផ្អើល កាលពីវេលាម៉ោង ១ យប់រំលងអធ្រាត្រ ឈានចូលថ្ងៃទី ២ ខែសីហា ឆ្នាំ ២០២៤ នៅតាមផ្លូវរថភ្លើង ភូមិភ្លើងឆេះរទេះលិច សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។
បុរសរងគ្រោះឈ្មោះ សារឿន មាន អាយុ ៣២ ឆ្នាំ ជាពោះម៉ាយ មានកូន ២ នាក់ មុខរបរកម្មករសំណង់ ទីលំនៅភូមិទួលត្រាច ឃុំទួលស្នួល ស្រុកក្រូចឆ្មារ ខេត្តត្បូងឃ្មុំ និងមកស្នាក់នៅក្នុងការដ្ឋានសំណង់ភូមិកើតហេតុខាងលើទើបបានរយៈពេល ២ សប្ដាហ៍ប៉ុណ្ណោះ។
ប្រជាពលរដ្ឋកន្លែងកើតហេតុ បានឲ្យដឹងថា នៅវេលាល្ងាចថ្ងៃទី ១ ខែសីហា ក្រោយពេលចេញពីធ្វើការសំណង់ បុរសរងគ្រោះ រួមជាមួយប្អូនប្រុសជីដូនមួយម្នាក់ទៀត បានជិះម៉ូតូ ១ គ្រឿង នាំគ្នាដើរផឹកស៊ីក្នុងភូមិចំនួន ៣ កន្លែង រហូតដល់ស្រវឹងធ្លាក់ភ្នែក ក៏នាំគ្នាទៅកោសជប់ម្ដុំជិតខ្លោងទ្វារវត្តស្ងួនពេជ្រ។ លុះកោសជប់រួច អត់ព្រមចូលទៅសម្រាកទេ បន្ទាប់មកក៏បានទិញស្រាបៀចំនួន ៤ កំប៉ុង និងបុកល្ហុង ១ កញ្ចប់ នាំគ្នាទៅអង្គុយផឹកស៊ីនៅលើផ្លូវរថភ្លើងត្រង់ចំណុចកើតហេតុនោះបន្តទៀត។
ប្រជាពលរដ្ឋដដែល បន្តថា រហូតដល់វេលាម៉ោង ១២ យប់ ថ្ងៃដដែល ប្អូនប្រុសជីដូនមួយជនរងគ្រោះ បានបបួលទៅកន្លែងស្នាក់នៅវិញ ប៉ុន្តែបុរសរងគ្រោះមិនព្រមទៅទេ ដោយប្រាប់ឲ្យប្អូនប្រុសជីដូនមួយទៅមុនទៅ ចាំគាត់ទៅតាមក្រោយ។ ពេលនោះ ប្អូនប្រុសជីដូនមួយជនរងគ្រោះ ក៏បានទៅមុនបាត់ទៅ។ រហូតដល់វេលាម៉ោង ១ យប់ រំលងអធ្រាត្រ ឈានចូលថ្ងៃទី ២ ខែសីហា ស្រាប់តែប្រទះឃើញជនរងគ្រោះដេកស្លាប់នៅក្នុងថ្លុកឈាម ដោយបែកក្បាល សង្ស័យត្រូវរថភ្លើងបុក ព្រោះនៅវេលាម៉ោងជាង ១២ យប់រំលងអធ្រាត្រនោះ មានរថភ្លើង ១ ខ្សែ បើកបរចេញពីភ្នំពេញ ទៅកាន់ខេត្តកំពត។
ក្រោយពេលកើតហេតុសាកសពបុរសខាងលើមិនត្រូវបានយកចេញពីកន្លែងកើតហេតុភ្លាមៗ នោះទេ រហូតដល់ព្រឹកថ្ងៃដដែល ក្រោយពីសមត្ថកិច្ចពិនិត្យរួចរាល់ទើបប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
អត្ថបទ ៖ សំណាង
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១៤ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ