ព័ត៌មានជាតិ

ឧត្តមសេនីយ៍ហ៊ុន ម៉ាណែត ប្រគល់មី៥០០កេសជូនរដ្ឋបាលរាជធានីភ្នំពេញ ដើម្បីបន្តចាត់ចែងជួយដល់ប្រជាពលរដ្ឋពាក់ព័ន្ធកូវីដ-១៩

បានផុស

៥ years មុន

នៅ

ថ្ងៃព្រហស្បតិ៍ ៤ មីនា ២០២១

ដោយ

ភ្នំពេញ ៖ មីចំនួន៥០០កេស ដែលជាអំណោយរបស់លោកឧត្តមសេនីយ៍ហ៊ុន ម៉ាណែត មេបញ្ជាការរងកងយោធពលខេមរភូមិន្ទ និង ជាមេបញ្ជាការកងទ័ពជើងគោកនិងលោកស្រីពេជ ចន្ទមុន្នីត្រូវបានប្រគល់ជូនរដ្ឋបាលរាជធានីភ្នំពេញ ដើម្បីបន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធកូវីដ-១៩ ក្នុងព្រឹត្តិការណ៍សហគមន៍២០កុម្ភៈ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីនេះបានធ្វើឡើងនារសៀលថ្ងៃទី០៤ ខែមីនា ឆ្នាំ២០២១ ក្រោមវត្តមានលោកកើត ឆែ អភិបាលរងរាជធានីភ្នំពេញតំណាងឲ្យលោកឃួង ស្រេងអភិបាលនៃគណៈអភិបាលរាជធានីភ្នំពេញនិងលោក អ៊ុក ច័ន្ទវាសនាជំនួយការលោកឧត្តមសេនីយ៍ហ៊ុន ម៉ាណែត នៅសាលារាជធានីភ្នំពេញ។

លោកកើត ឆែ ក្នុងឱកាសនោះបានថ្លែងអំណរអរគុណយ៉ាងជ្រាលជ្រៅចំពោះលោកឧត្តមសេនីយ៍ដែលបានយកចិត្តទុកដាក់ជួយឧបត្ថម្ភគាំទ្រសកម្មភាពរបស់រដ្ឋបាលរាជធានីភ្នំពេញ ពិសេសក្នុងការបង្ការ ទប់ស្កាត់កូវីដ-១៩ ក្នុងព្រឹត្តិការណ៍សហគមន៍ ២០កុម្ភៈនេះ រហូតបានប្រគល់នូវអំណោយជាមីចំនួន៥០០កេសមកអោយរដ្ឋបាលរាជធានីភ្នំពេញ ដើម្បីបន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធនឹងព្រឹត្តិការណ៍សហគមន៍២០កុម្ភៈ។

លោក អ៊ុក ច័ន្ទវាសនា បានមានប្រសាសន៍លើកឡើងថា លោកឧត្តមសេនីយ៍ហ៊ុន ម៉ាណែតនិងលោកស្រីតែងយកចិត្តទុកដាក់ណាស់ចំពោះបងប្អូនប្រជាពលរដ្ឋក្រីក្រ ហើយដោយមើលឃើញសកម្មភាពរបស់លោកឃួង ស្រេង ដែលអនុវត្តការងារបានល្អ ពិសេសក្នុងស្ថានការណ៍ទប់ស្កាត់ជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈនេះ ទើបលោកឧត្តមសេនីយ៍និងលោកស្រី ប្រគល់នូវអំណោយជាមីចំនួន៥០០កេសមកអោយរដ្ឋបាលរាជធានីភ្នំពេញតែម្តង ដើម្បីអោយរដ្ឋបាលរាជធានី បន្តយកទៅចាត់ចែងជួយដល់ប្រជាពលរដ្ឋក្រីក្រ ពាក់ព័ន្ធនឹងព្រឹត្តិការណ៍សហគមន៍២០កុម្ភៈនេះ៕

ដោយ ៖ ស្រីរ័ត្ន