ត្បិតកូវីដ១៩កំពុងរាតត្បាត តែពលរដ្ឋកម្ពុជាអាចទាញយកប្រយោជន៍ទាំងនេះពីមជ្ឈមណ្ឌលអាស៊ី

ដោយសារបញ្ហាកូវីដ១៩កំពុងរាតត្បាត ទើបមជ្ឈមណ្ឌលអាស៊ីនៃមូលនិធិជប៉ុនបានលើកកម្មវិធីនានារបស់ខ្លួនមកដាក់លើអនឡាញ ​បង្កភាពងាយស្រួលដល់ពលរដ្ឋក៏ដូចជាយុវជនកម្ពុជាអាចទទួលបានអត្ថប្រយោជន៍បានកាន់តែច្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជំងឺកូវីដ១៩ កំពុងកបង្អាក់សកម្មភាពជួបជុំសាធារណៈ និងព្រឹត្តិការណ៍ធំនានា មិនឲ្យដំណើរការបានឡើយ។ ​មូលហេតុនេះហើយ មជ្ឈមណ្ឌលអាស៊ីនៃមូលនិធិជប៉ុន បានពន្យា​កម្មវិធី មហោស្រព ពិធីបុណ្យ ក៏ដូចជាព្រឹត្តិការណ៍មួយចំនួនរបស់ខ្លួន។ យ៉ាងណាក្ដីកម្មវិធីខ្លះមិនមានការលើកពេលនោះទេ ប៉ុន្តែបានបង្វែរពីការប្រារព្ធក្នុងបន្ទប់ឬសាល ទៅជាកម្មវិធីលើអនឡាញជំនួសវិញ។

ជាក់ស្ដែង សិក្ខាសាលាគូររូប ការបង្រៀនភាសាជប៉ុន និងកម្មវិធីបង្រៀនសិល្បៈ។ល។ ដោយសារតែបែបនេះ យុវជនអាចចូលរួមសិក្ខាសាលា និងរៀនភាសាជប៉ុនបានកាន់ងាយស្រួលផងដែរ។ រីឯប៉ាម៉ាក់ក៏អាចចុះឈ្មោះកូនៗឲ្យចូលរៀនវគ្គនានានៅលើអនឡាញ បើទោះបីលោកអ្នកនៅឆ្ងាយពីរាជធានីភ្នំពេញក៏ដោយ។

ក្រៅពីនោះ មជ្ឈមណ្ឌលអាស៊ី មានកម្មវិធី Asia Center Lounge ដែលជាមហោស្រពភាពយន្តតូក្យូ បង្កើតឡើងដើម្បីបង្កភាពងាយស្រួលឲ្យប្រិយមិត្តចូលចិត្តមើលភាពយន្តមកទីកន្លែងនានា ចំណូលចិត្តកុនដូចគ្នា មានឱកាសបានជួបជជែក និង​ពិភាក្សាផ្លាស់ប្ដូរយោបល់អំពីភាពយន្ត ក្រោយទស្សនារឿងចប់។

សូមចុចទីនេះដើម្បីចូលរួមជាមួយ Asia Center Lounge

ទោះយ៉ាងណា ការាតត្បាតនៃវីរុសកូវីដ១៩មិនទាន់ស្ងប់ស្ងាត់ Asia Center Lounge បានប្ដូរពីជំនួបដោយផ្ទាល់មកជាជំនួបតាមអនឡាញ។ ជាពិសេសក្រោយពីមហោស្រពភាពយន្តជប៉ុនរៀងរាល់ឆ្នាំ ប្រិយមិត្តអ្នកស្នេហាកុនទាំងឡាយ អាចជួបផ្ដោះផ្ដង ផ្ដោះប្ដូរមតិគ្នាពីភាពយន្តដែលខ្លួនបានទស្សនានៅលើអនឡានដោយសេរីបានថែមទៀត៕

អត្ថបទ៖ សន្យា

ចុចអាន៖ ស្វែងយល់! បេសកម្មធំៗ ៣ របស់មជ្ឈមណ្ឌលអាស៊ីនៅកម្ពុជា