ព័ត៌មានអន្ដរជាតិ

អតីតរដ្ឋមន្ត្រីដឹកជញ្ជូនសិង្ហបុរីសារភាពកំហុសនៅមុខតុលាការកំពូល

បានផុស

២ years មុន

នៅ

ថ្ងៃអង្គារ ២៤ កញ្ញា ២០២៤

ដោយ

អតីតរដ្ឋមន្ត្រីដឹកជញ្ជូនរបស់ប្រទេសសិង្ហបុរី លោក S. Iswaran បានសារភាពកំហុស (Plead guilty) នៅមុខតុលាការកំពូលនៅព្រឹកថ្ងៃទី២៤ខែកញ្ញានេះ ចំពោះការទទួលយកវត្ថុមានតម្លៃចំនួនបួនករណី និងករណីរារាំងដំណើរការនៃប្រព័ន្ធយុត្តិធម៌។ បទចោទចំនួន៣៥ត្រូវបានអាននៅចំពោះមុខលោក S. Iswaran មុនការទទួលសារភាពកំហុសចំពោះបទចោទចំនួន៥។

អតីតរដ្ឋមន្ត្រីដឹកជញ្ជូនសិង្ហបុរី លោក S. Iswaran ដើរចូលតុលាការនៅថ្ងៃទី២៤ខែកញ្ញា។ snipping from ST

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បទចោទ៣០នឹងត្រូវបានយកមកពិចារណាដំណើរការក្តី។ នៅក្នុងដំណើរការរឿងក្តីពុករលួយដ៏ល្បីល្បាញនិងកម្ររបស់ប្រទេសដែលមានសេដ្ឋកិច្ចរីកចម្រើនបំផុតនៅអាស៊ីអាគ្នេយ៍។

យោងការចេញផ្សាយភ្លាមៗពីដំណើរការសវនាការនោះ សារព័ត៌មាន The Straits Times បានឱ្យដឹងថា រាល់បទចោទពាក់ព័ន្ធប្រព្រឹត្តអំពើពុករលួយមិនមានទៀតឡើយ។ ខណៈពេលនេះដំណើរការសវនាការរឿងក្តីនេះកំពុងបន្តនៅតុលាការ អយ្យការអមតុលាការនឹងបន្តនីតិវិធី៤ករណីនៃការទទួលបានវត្ថុមានតម្លៃ ក្នុងនាមមន្ត្រីរាជការ តាមមាត្រា១៦៥ នៃក្រមព្រហ្មទណ្ឌ និងមួយករណីនៃការរារាំងដល់ដំណើរនៃយុត្តិធម៌តាមមាត្រា ២០៤A(ក) នៃក្រមព្រហ្មទណ្ឌ។

មេធាវីរបស់ Iswaran លោក Davinder Singh មានប្រសាសន៍ថា៖៖«កូនក្តីរបស់ខ្ញុំនឹងចាត់វិធានការជាក់លាក់មួយ ដោយមើលឃើញថា ព្រះរាជអាជ្ញាលែងបន្តដំណើរការរឿងក្តីជាមួយបទចោទប្រកាន់ក្រោមច្បាប់ការពារអំពើពុករលួយទៀតហើយ»។ នេះមានន័យថា គាត់ត្រូវបានគេរំពឹងថានឹងសារភាពទោសកំហុស។

កាលដើមឆ្នំា២០២៤ អតីតរដ្ឋមន្ត្រីក្រសួងដឹកជញ្ជូនសិង្ហបុរី លោក S. Iswaran ដែលតុលាការកាត់ទោសពីបទពុករលួយ បានបង្ហាញពីភាពគ្មានទោសពៃរ៍របស់លោក ដោយប្រគល់ប្រាក់បៀវត្សរ៍ និងប្រាក់ឧបត្ថម្ភរបស់សភាដល់សមាជិកសភាវិញ ដែលលោកបានទទួលពីការចាប់ផ្តើមការស៊ើបអង្កេតក្នុងខែកក្កដាឆ្នាំ២០២៣។

នៅក្នុងលិខិតលាលែងពីតំណែងរបស់ S. Iswaran ទៅកាន់នាយករដ្ឋមន្ត្រី Lee ចុះថ្ងៃទី១៦ ខែមករា ២០២៤ លោក Iswaran បាននិយាយថា ការិយាល័យស៊ើបអង្កេតការអនុវត្តអំពើពុករលួយបានចោទប្រកាន់គាត់ពីបទល្មើសផ្សេង។ លោកបានបញ្ជាក់ជាថ្មីម្តងទៀតអំពីការច្រានចោលការចោទប្រកាន់មកលើរូបលោក ហើយបាននិយាយថា វាពិតជាត្រឹមត្រូវសម្រាប់លោកក្នុងការលាលែងពីមុខតំណែងផ្សេងៗរបស់លោក។

នៅក្នុងលិខិតដាច់ដោយឡែកមួយចុះថ្ងៃទី១៧ ខែមករា២០២៤ លោក Iswaran បានប្រាប់នាយករដ្ឋមន្ត្រី កាលនោះ គឺ លោក Lee Hsien Loong អំពីផែនការរបស់គាត់ក្នុងការប្រគល់ប្រាក់បៀវត្សរ៍ និងប្រាក់ឧបត្ថម្ភសមាជិកសភាឡើងវិញ។ Iswaran បានឈប់សម្រាកតាំងពីថ្ងៃទី ១២ ខែកក្កដាឆ្នាំ២០២៣៕

Related Topics:ប្រទេសសិង្ហបុរី