ព័ត៌មានអន្ដរជាតិ
ការលក់ឡាន Tesla ផលិតនៅចិន កើនឡើងជិត ២០ ភាគរយ នៅខែកញ្ញា
ទិន្នន័យពីសមាគមរថយន្តដឹកអ្នកដំណើរចិន (CPCA) បានបង្ហាញថា ការលក់ឡានរបស់ក្រុមហ៊ុនផលិតរថយន្តអគ្គិសនី តេស្លា (Tesla) ដែលផលិតក្នុងប្រទេសចិន បានកើនឡើងប្រមាណ ១៩,២ ភាគរយ នៅខែកញ្ញា បើធៀបនឹងរយៈពេលដូចគ្នាកាលពីឆ្នាំមុន។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ។
ការដឹកជញ្ជូនរថយន្តតេស្លា Model 3 និង Model Y ដែលផលិតនៅចិន បានកើនឡើង ១,៩ ភាគរយ បើធៀបនឹងខែសីហា។
ទោះបីជាយ៉ាងណាក៏ដោយ កំណើននៃចំនួនលក់របស់ក្រុមហ៊ុន តេស្លា នៅតែចាញ់គូប្រជែងក្នុងស្រុកចិនឆ្ងាយ។ នៅទូទាំងពិភពលោក ក្រុមហ៊ុនផលិតរថយន្តអគ្គិសនីចិន បានកត់ត្រាពីកំណើននៃការលក់រថយន្តអគ្គិសនី និងកូនកាត់ (ស៊ីភ្លើង និងសាំង) ប្រមាណ ៤៥,៥៦ ភាគរយ ក្នុងខែកញ្ញា ឆ្នាំលើឆ្នាំ ដោយលក់ដាច់នូវរថយន្តប្រមាណ ៤១៧ ៦០៣ គ្រឿង។
យ៉ាងណាមិញ វានៅតែស្ថិតនៅលើផ្លូវវិជ្ជមាន ដោយក្រុមហ៊ុន Tesla បានកត់ត្រាពីកំណើននៃការលក់រថយន្តរបស់ខ្លួនដែលផលិតក្នុងប្រទេសចិន ប្រមាណ ១២ ភាគរយ នៅចន្លោះខែកក្កដា-កញ្ញា (ត្រីមាសទី៣) ដែលវាជាកំណើនប្រចាំត្រីមាសលើកដំបូងក្នុងឆ្នាំនេះ។
គួរគូសបញ្ជាក់ថា នាពេលកន្លងមក ក្រុមហ៊ុន Tesla ដែលជារបស់មហាសេដ្ឋីលោក អេឡុន ម៉ាសក៍ បានបង្កើនយុទ្ធសាស្រ្តលើកទឹកចិត្តអតិថិជនដើម្បីជំរុញការលក់ រួមទាំងតាមរយៈគោលនយោបាយបង់រំលស់ដោយគ្មានការប្រាក់នៅក្នុងប្រទេសចិន ចំពេលមានការប្រកួតប្រជែងដណ្ដើមទីផ្សារកាន់តែខ្លាំងទូទាំងសកល ជាពិសេសពីក្រុមហ៊ុនចិន៕
-
ព័ត៌មានជាតិ១ សប្តាហ៍ agoពិធី “រៀបមង្គលការលេង” មួយគូ នៅវត្តបឹងត្រាវ ប្រមូលថវិកាសាងសង់វត្ត អបអរបុណ្យចូលឆ្នាំខ្មែរ
-
ព័ត៌មានជាតិ៦ ថ្ងៃ ago៦ថ្ងៃក្នុងព្រឹត្តិការណ៍ «នគរសង្ក្រាន្ត» មន្ទីរសុខាភិបាលរាជធានីភ្នំពេញ បានពិនិត្យ និងព្យាបាលជូនពលរដ្ឋជាង២ពាន់នាក់
-
ព័ត៌មានអន្ដរជាតិ៣ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៤ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៣ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoបដិសេធមិនឱ្យ សម រង្ស៊ី ចូលរួមការជួបជុំសមាគមខ្មែរនៅប៉ារីស គឺដើម្បីបញ្ចៀសការភ្ជាប់ជាមួយបុគ្គលនេះកំពុងជាប់ទោស
-
សន្តិសុខសង្គម២ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៥ ថ្ងៃ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង