ព័ត៌មានអន្ដរជាតិ
លោក Zelensky៖ អ៊ុយក្រែន រៀបចំអភិវឌ្ឍខែលការពារ ដើម្បីទប់ទល់មីស៊ីលប្រភេទថ្មីរបស់រុស្ស៊ី
លោក Volodymyr Zelensky បាននិយាយកាលពីថ្ងៃសុក្រថា អ៊ុយក្រែនកំពុងធ្វើការលើការអភិវឌ្ឍខែលការពារដែនអាកាស ដើម្បីទប់ទល់នឹង «ហានិភ័យថ្មី» បន្ទាប់ពីប្រទេសរុស្ស៊ីបានដាក់ពង្រាយមីស៊ីលរយៈចម្ងាយមធ្យមថ្មីនៅក្នុងសង្រ្គាមដែលមានអាយុកាល ៣៣ខែ។
នៅក្នុងសុន្ទរកថាវីដេអូពេលយប់ មេដឹកនាំអ៊ុយក្រែន បានលើកឡើងថា ការធ្វើតេស្តអាវុធថ្មីសម្រាប់គោលបំណងភេរវកម្មនៅក្នុងប្រទេសមួយផ្សេងទៀតគឺជា «ឧក្រិដ្ឋកម្មអន្តរជាតិ» ហើយបានចេញការអំពាវនាវថ្មីមួយឲ្យមាន «ការឆ្លើយតបយ៉ាងធ្ងន់ធ្ងរ» ពីទូទាំងពិភពលោក ដើម្បីរារាំងរុស្ស៊ីពីការពង្រីកសង្រ្គាមឲ្យកាន់តែធំ។
លោក Zelensky បានប្រាប់ថា៖ «រដ្ឋមន្ត្រីក្រសួងការពារជាតិអ៊ុយក្រែន កំពុងរៀបចំកិច្ចប្រជុំជាមួយដៃគូរបស់យើងរួចហើយ ទាក់ទងនឹងប្រព័ន្ធការពារដែនអាកាសថ្មី ដែលមានសមត្ថភាពការពារអាយុជីវិតពីហានិភ័យថ្មីៗ។ នៅពេលដែលនរណាម្នាក់ចាប់ផ្តើមប្រើប្រាស់ប្រទេសផ្សេងទៀតមិនត្រឹមតែសម្រាប់ភេរវកម្មប៉ុណ្ណោះទេ ប៉ុន្តែថែមទាំងសម្រាប់ការសាកល្បងមីស៊ីលថ្មីរបស់ពួកគេតាមរយៈអំពើភេរវកម្មនោះ នេះច្បាស់ជាឧក្រិដ្ឋកម្មអន្តរជាតិ»។
លោកបានបន្ថែមថា ពិភពលោកចាំបាច់ត្រូវបង្កើត «ការឆ្លើយតបដ៏ធ្ងន់ធ្ងរមួយ ដើម្បីឲ្យ (ប្រធានាធិបតីរុស្ស៊ី លោក វ្ល៉ាឌីមៀរ) ពូទីន ពិតជាភ័យខ្លាចក្នុងការពង្រីកសង្រ្គាម និងមានអារម្មណ៍ថាមានផលវិបាកពិតប្រាកដនៃសកម្មភាពរបស់គាត់»។
ទន្ទឹមនោះ លោក Zelensky ក៏បានអំពាវនាវឲ្យប្រជាជនអ៊ុយក្រែនមានការប្រុងប្រយ័ត្នចំពោះការវាយប្រហាររបស់រុស្ស៊ីជាបន្តបន្ទាប់។
លោកបានថ្លែងថា៖ «គ្មានវិធីផ្សេងទៀតក្នុងសង្គ្រាមទេ។ យើងត្រូវតែដឹងថា “សមមិត្ត” ពូទីន នឹងបន្តព្យាយាមបំភិតបំភ័យយើង។ នោះហើយជារបៀបដែលគាត់បានកសាងអំណាចរបស់គាត់ទាំងអស់»៕
ដោយ៖ ឈាង
ចុចអាន៖ ពូទីន បញ្ជាឲ្យផលិតមីស៊ីលទ្រង់ទ្រាយធំ ហើយថាគ្មាននរណាលើលោកអាចបញ្ឈប់វាបានឡើយ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
កីឡា៩ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ