រុស្ស៊ីអះអាងថា វ៉ាក់សាំង Sputnik V មានប្រសិទ្ធភាពប្រឆាំងវីរុសបំប្លែងខ្លួនអង់គ្លេស

រដ្ឋមន្ត្រីក្រសួងសុខាភិបាលរុស្ស៊ីលោក Mikhail Murashko បានប្រាប់អ្នកយកព័ត៌មានថា វ៉ាក់សាំងការពារជំងឺកូវីដ១៩របស់រុស្ស៊ីឈ្មោះ Sputnik V បានបង្ហាញ ប្រសិទ្ធភាពប្រឆាំងនឹងវីរុសបំប្លែងខ្លួនអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកនិយាយថា “អ្នកជំនាញរបស់យើង បានស្រាវជ្រាវពីសកម្មភាពបន្សាបទឹកនៅក្នុងឈាមរបស់អ្នកស្ម័គ្រចិត្តដែលបានចាក់វ៉ាក់សាំង Sputnik V ប្រឆាំងនឹងវីរុស SARS-CoV-2 បំប្លែងខ្លួនរបស់អង់គ្លេស។ ការស្រាវជ្រាវបានបញ្ជាក់ថា កម្រិតនៃការបន្សាបអង់ទីគ័រទៅនឹងវីរុសបំប្លែងខ្លួនអង់គ្លេសមិនខុសគ្នាពីកម្រិតនៃការបន្សាបអង់ទីគ័រទៅនឹងវីរុសដើម SARS-CoV-2 ឡើយ”។

លោកនិយាយថា “ដូច្នេះ វ៉ាក់សាំង Sputnik V អាចការពារប្រឆាំងនឹងវីរុសបំប្លែងខ្លួនអង់គ្លេសជាមួយប្រសិទ្ធភាពមិនខុសពីវីរុសបំប្លែងខ្លួនធម្មតានោះទេ”។

វ៉ាក់សាំង Sputnik V ត្រូវបានបង្កើតឡើងដោយមជ្ឈមណ្ឌលស្រាវជ្រាវរោគរាតត្បាតនិងមីក្រូជីវសាស្រ្តសហព័ន្ធ Gamaleya។

វ៉ាក់សាំងនេះត្រូវបានចុះបញ្ជីនៅក្នុងប្រទេសរុស្ស៊ីកាលពីថ្ងៃទី១១ខែសីហាឆ្នាំ២០២០ ដោយបានក្លាយជាវ៉ាក់សាំងការពារជំងឺកូវីដ១៩ ដែលត្រូវបានអនុម័តដំបូងគេនៅលើពិភពលោក៕

ប្រែសម្រួលដោយ៖ Vann Vann

ប្រភព៖ Tass

ចុចអាន៖ មីយ៉ាន់ម៉ាអនុម័តវ៉ាក់សាំង Sputnik V របស់រុស្ស៊ី ទោះមានវិបត្តិនយោបាយក្រោយរដ្ឋប្រហារ

ចុចអាន៖ ក្រុមហ៊ុន Sputnik V បញ្ចុះបញ្ចូលឲ្យក្រុមហ៊ុន AstraZeneca រួមវ៉ាក់សាំងកូវីដជាមួយគ្នា