ជីវិតកម្សាន្ដ

អតីតគូស្នេហ៍ ដេននី ក្វាន់ ទទូចឲ្យអ្នកពាក់ព័ន្ធទៅធ្វើតេស្តនិងធ្វើចត្តាឡីស័ក

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ភ្នំពេញ ៖ អតីតអ្នកដឹកនាំសម្តែងនិងធ្លាប់ជាគូស្នេហ៍តារាស្រីអ្នកនាង ដេននី ក្វាន់ គឺលោក ចាន់ មករា ដែលបច្ចុប្បន្នក៏ជាថៅកែលក់រថយន្តCMRបានប្រកាសអំពាវនាវអ្នកដែលពាក់ព័ន្ធជាមួយលោកត្រូវទៅធ្វើតេស្តសំណាកនិងធ្វើចត្តាឡីស័ក១៤ថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកាសរបស់លោក ចាន់ មករា នេះស្របពេលដែលលោកបានធ្វើតេស្តរកឃើញឆ្លងជំងឺកូវីដ-១៩ និងត្រូវបានក្រុមគ្រូពេទ្យដឹកយកទៅព្យាបាលកាល ពីថ្ងៃម្សិលមិញ។ លោក ចាន់ មករា បានស្នើដោយទទូចថា ខ្ញុំសូមបន់ស្រន់ឲ្យអ្នកដែលពាក់ព័ន្ធជាមួយខ្ញុំដោយផ្ទាល់ឬដោយប្រយោល ជៀសឆ្ងាយពីជំងឺកូវីដនេះ។

លោក ចាន់ មករាបានលើកឡើងទៀតថា ចំណែកបងប្អូនដែលបានប្រាស្រ័យពាក់ព័ន្ធជាមួយខ្ញុំហើយដាច់ខាតត្រូវតែតេស្តកូវីដនិងធ្វើចត្តាឡីស័កដោយខានតែបាន។ សូមបញ្ជាក់ថា កាលពីថ្ងៃទី១៤ខែ មីនាម្សិលមិញលោក ចាន់ មករាបានរៀបរាប់សារថាអរគុណពុកម៉ែបងប្អូនជាច្រើនដែលស្រលាញ់រាប់អានបានឆាតនិងខលមកខ្ញុំពេលខ្លះមិនបានលើកនិងតបឆាត។

លោកបន្តថា ខ្ញុំសូមបញ្ជាក់ជម្រាបជូនបងប្អូនថា ឥឡូវនេះស្ថានភាពជំងឺរបស់ខ្ញុំបានធូរស្បើយច្រើនតាមរយៈការយកចិត្តទុកដាក់ពីក្រុមគ្រូពេទ្យទាំងអស់ និងការរៀបចំបាយទឹកម្ហូបអាហារកន្លែងស្នាក់នៅសម្រាប់អ្នកជំងឺពិតជាមានផាសុកភាព។ ទាំងអស់នេះធ្វើឲ្យខ្ញុំមិនភ្លេចគុណក្រោមការដឹកនាំយក ចិត្តទុកដាក់របស់សម្តេចតេ ជោ ហ៊ុន សែន ពិតជាឪពុកប្រកបដោយព្រហ្មវិហារធម៌។ ខ្ញុំនឹងរឹងមាំ ដើម្បីយកឈ្នះជំងឺដ៏អាក្រក់មួយនេះ សូមពុកម៉ែបងប្អូនចូលរួមការពារប្រុងប្រយ័ត្នឲ្យបានខ្ពស់ ព្រោះជំងឺនេះវាឆ្លងលឿនណាស់៕

ដោយ ៖ ចាន់រ៉ា