ព័ត៌មានជាតិ

ចុះយកសំណាកអ្នកពាក់ព័ន្ធនឹងអ្នកជំងឺកូវីដចំនួន១៨នាក់ នៅស្ទឹងមានជ័យ២

បានផុស

៥ years មុន

នៅ

ថ្ងៃចន្ទ ១៥ មីនា ២០២១

ដោយ

ភ្នំពេញ ៖ នៅវេលាម៉ោង១៦និង៥០នាទីរសៀល ថ្ងៃទី១៥ខែមីនានេះ ក្រុមគ្រូពេទ្យស្ម័គ្រចិត្តសម្តេចតេជោ បានចុះទៅយកសំណាកអ្នកពាក់ព័ន្ធជំងឺកូវីដ១៩ ខណៈដែលអ្នកវិជ្ជមានកូវីដ ត្រូវបាននាំយកទៅព្យាបាលកាលពីព្រឹកថ្ងៃទី១៥ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមប្រភពពីលោកវរសេនីយ៍ឯក ម៉េង វិមានតារ៉ា អធិការនគរបាលខណ្ឌមានជ័យបានប្រាប់កម្ពុជាថ្មីថា ទីតាំងដែលក្រុមគ្រូពេទ្យចុះយកសំណាកអ្នកដែលពាក់ព័ន្ធនារសៀលថ្ងៃនេះ គឺស្ថិតនៅផ្ទះគ្មានលេខផ្លូវលំក្រុម៩ភូមិឫស្សី សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។

ក្នុងនោះមនុស្សដែលត្រូវមកសំណាកមានចំនួន១៨នាក់ ក្នុងនោះមានស្រី១១នាក់។ លោកអធិការបានបញ្ជាក់ថា អ្នកពាក់ព័ន្ធទាំង១៨នាក់ ខាងលើនេះ ធ្លាប់ធ្វើការជាមួយអ្នកជំងឺកូវីដ១៩នៅខារ៉ាអូខេមួយកន្លែងក្នុងខណ្ឌទួលគោក។

លោកអធិការបានសំណូមពរដល់បងប្អូនប្រជាពលរដ្ឋ ដែលរស់នៅក្បែរលំនៅខាងលើសូមកុំមកអង្គុយលេងជាមួយអ្នកដែលគ្រូពេទ្យឲ្យសោះព្រោះអាចប្រឈមនិងឆ្លងជំងឺខ្លាំងណាស់។ បើមិនចាំបាច់សូមកុំចេញពីផ្ទះ៕

ដោយ ៖ នរា