ព័ត៌មានអន្ដរជាតិ
អ៊ីស្រាអែលលក់ប្រព័ន្ធការពារដែនអាកាសនិងមីស៊ីលតម្លៃជិត៦០០លានដុល្លារដល់ស្លូវ៉ាគី
ប្រទេសស្លូវ៉ាគីនៅតំបន់បាល់កង់ក្នុងអឹរ៉ុបខាងកើត បានឈានដល់ការចុះកិច្ចព្រមព្រៀងតម្លៃ៥៨២លានដុល្លារ ក្នុងការនាំយកប្រព័ន្ធមីស៊ីលនិងប្រព័ន្ធការពារដែនអាកាសពីប្រទេសអ៊ីស្រាអែល ខណៈពេលដែលតំបន់អឺរ៉ុបខាងកើតប្រឈមសង្គ្រាមកាន់តែស្មុគស្មាញ។
ប្រព័ន្ធមីស៊ីល Barak MX រួមបញ្ចូលជាមួយប្រព័ន្ធការពារដែនអាកាស របស់ប្រទេសអ៊ីស្រាអែល បានស្ថិតនៅក្នុងកិច្ចព្រមព្រៀងដើម្បីផ្គត់ផ្គង់ដល់ប្រទេសស្លូវ៉ាគី ដោយត្រូវបានគេចាត់ទុកថា ជាការនាំចេញសព្វាវុធក្នុងវិស័យការពារជាតិដ៏ធំបំផុតមិនធ្លាប់មានរវាងប្រទេសទាំងពីរ។
ប្រព័ន្ធមីស៊ីល Barak MX ត្រូវបានគេរចនាឡើងដើម្បីប្រយុទ្ធប្រឆាំងចំពោះការគំរាមកំហែងច្រើនប្រភេទរួមទាំងពីយន្តហោះ ឧទ្ធម្ភាគចក្រ យន្តហោះគ្មានមនុស្សបើក (ដ្រូន) និងប្រភេទមីស៊ីលច្រើនបែបយ៉ាងផ្សេងទៀត ដោយភាគីស្លូវ៉ាគីចាត់ទុកថា វាជាផ្នែកដ៏សំខាន់ក្នុងការពង្រឹងប្រព័ន្ធការពារដែនអាកាសរបស់ខ្លួន។
តាមសេចក្តីរាយការណ៍ ប្រព័ន្ធការពារដែនអាកាស Barak MX អាចស្ទាក់ចាប់មីស៊ីលមានចម្ងាយឆ្ងាយរហូតដល់១៥០គីឡូម៉ែត្រ ដែលជាផ្នែកនៃការការពារដែនអាកាសដ៏សំខាន់។
ប្រព័ន្ធមីស៊ីលនេះផលិតដោយ ឧស្សាហកម្មអវកាសអ៊ីស្រាអែល (IAI) ហើយការផ្គត់ផ្គង់ប្រព័ន្ធនេះនឹងរំពឹងផ្តល់ដល់ស្លូវ៉ាគីត្រឹមចុងឆ្នាំ២០២៥។
ការអនុវត្តបានជោគជ័យនៃកិច្ចព្រមព្រៀងនេះត្រូវបានគេរំពឹងថា នឹងពង្រឹងគោលជំហររបស់អ៊ីស្រាអែលជាប្រទេសនាំចេញប្រព័ន្ធការពារជាតិឈានមុខ និងលើកកម្ពស់ហេដ្ឋារចនាសម្ព័ន្ធសន្តិសុខជាតិរបស់ស្លូវ៉ាគី៕
-
ព័ត៌មានជាតិ៦ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៥ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានអន្ដរជាតិ៦ ថ្ងៃ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានអន្ដរជាតិ៦ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១ សប្តាហ៍ agoមន្រ្តីបរិស្ថានស្នើពលរដ្ឋកុំបរិភោគត្រីងាប់ និងផ្អាកប្រើប្រាស់ទឹកព្រែកត្រែង នៅស្រុករតនៈមណ្ឌល ខេត្តបាត់ដំបង
-
ព័ត៌មានជាតិ៤ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
សន្តិសុខសង្គម៤ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ១ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន