ចរាចរណ៍

យុវជន ៣ នាក់ ជិះម៉ូតូគេចពីក្មេងស្ទាវ ១ ក្រុម ដេញវាយ ជ្រុលបុកម៉ូតូ ១ គ្រឿងទៀត របួសធ្ងន់-ស្រាល ៥ នាក់

បានផុស

២ years មុន

នៅ

ថ្ងៃព្រហស្បតិ៍ ២ មករា ២០២៥

ដោយ

យុវជនចំនួន ៣ នាក់ ជិះម៉ូតូគេចពីក្រុមក្មេងស្ទាវ ១ ក្រុមទៀត ដេញវាយ ក៏ជ្រុលបុកម៉ូតូ ១ គ្រឿង ដែលជិះដោយប្ដីប្រពន្ធ ២ នាក់ បណ្ដាលឲ្យដួលអូសបុកចូលក្រោមគ្រែផ្ទះប្រជាពលរដ្ឋ រងរបួសធ្ងន់-ស្រាល ចំនួន ៥ នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះបានកើតឡើងកាលពីវេលាម៉ោង ៣ និង ៥០ នាទី យប់រំលងអធ្រាត្រ ឈានចូលថ្ងៃទី ២ ខែមករា ឆ្នាំ ២០២៥ ចំណុចផ្លូវ ៤៣០ កែងផ្លូវ ៤៣២ សង្កាត់ទំនប់ទឹក ខណ្ឌបឹងកេងកង។

តាមប្រភពព័ត៌មាន បានឲ្យដឹងថា មុនពេលកើតហេតុគេឃើញប្ដីប្រពន្ធ ២ នាក់ ជិះម៉ូតូម៉ាក គុបជ្រុង ពណ៌ស្លែ ពាក់ស្លាកលេខ ភ្នំពេញ 1AW 8616 ធ្វើដំណើរតាមបណ្ដោយផ្លូវ ៤៣២ ទិសដៅពីលិចទៅកើត លុះមកដល់ចំណុចកើតហេតុ ស្រាប់តែមានយុវជន ៣ នាក់ ជិះម៉ូតូម៉ាកហុងដាឌ្រីម ពណ៌ខ្មៅ ពាក់ស្លាកលេខ ភ្នំពេញ 1JY 6982 បោះពួយតាមបណ្ដោយផ្លូវ ៤៣០ ទិសដៅពីជើងទៅត្បូង យ៉ាងលឿន ក៏ជ្រុលបុកនឹងម៉ូតូគុបជ្រុង បណ្ដាលឲ្យដួលខ្ទាតប្ដីប្រពន្ធ ២ នាក់ រងរបួសក្បាល ត្រូវដឹកតាមម៉ូតូកង់បីយកទៅសង្គ្រោះនៅមន្ទីរពេទ្យ។

ដោយឡែកខាងម៉ូតូហុងដាឌ្រីម បានដួលអូសប្រហែល ២០ ម៉ែត្រ បុកចូលក្រោមគ្រែនៅមុខផ្ទះប្រជាពលរដ្ឋ រងការខូចខាត ព្រមទាំងធ្វើឲ្យអ្នកទាំង ៣ របួសដៃ និងជើងដើរមិនរួច ត្រូវដឹកតាមម៉ូតូកង់បីយកទៅសង្គ្រោះនៅមន្ទីរពេទ្យដូចគ្នា។

ករណីនេះដែរ ភាគីខាងម៉ូតូយុវជន បានឲ្យដឹងថា ពួកគេបានជិះម៉ូតូរត់គេចពីក្រុមក្មេងស្ទាវ ១ ក្រុមទៀត មានគ្នាជាង ១០ នាក់ ពីម្ដុំស្តុបបូកគោមក ហើយភ័យស្លន់ស្លោ ក៏ជ្រុលបុកនឹងម៉ូតូគុបជ្រុងដែលជិះដោយប្តីប្រពន្ធ ២ នាក់ តែម្ដង។

ក្រោយពេលកើតហេតុ នៅសល់តែមធ្យោបាយ ត្រូវបានសមត្ថកិច្ចជំនាញវាស់វែងយកទៅរក្សាទុកនៅអធិការដ្ឋាននគរបាលខណ្ឌបឹងកេងកង ដើម្បីរង់ចាំដំណោះស្រាយ៕

អត្ថបទ ៖ សុខា