ព័ត៌មានអន្ដរជាតិ
អ្នកស្លាប់ព្រោះរញ្ជួយដីនៅទីបេ កើនឡើងដល់ ១២៦នាក់ របួស ១៨៨នាក់
មនុស្សសរុបចំនួន ១២៦នាក់ ត្រូវបានគេអះអាងថាបានបាត់បង់ជីវិត និង១៨៨នាក់ផ្សេងទៀតបានរងរបួស បន្ទាប់ពីគ្រោះរញ្ជួយដីកម្រិត៧,១រ៉ិចទ័រ បានវាយប្រហារតំបន់ទីបេ នៃប្រទេសចិន កាលពីព្រឹកថ្ងៃអង្គារទី៧ខែមករាឆ្នាំ២០២៥។
យោងតាមការចុះផ្សាយរបស់សារព័ត៌មាន Xinhua ភូមិចំនួន៣៧ និងប្រជាជនប្រមាណ ៦ ៩០០នាក់ បានរងផលប៉ះពាល់នៅក្នុងគ្រោះរញ្ជួយដីដ៏កាចសាហាវមួយនេះ។
រដ្ឋាភិបាលតំបន់ទីបេ បានប្រកាសថា ការស្ទង់មតិបឋមបង្ហាញថា ផ្ទះចំនួន ៣ ៦០៩ខ្នង បានដួលរលំ ដោយបន្ថែមថា អ្នកជាប់គាំងខ្លួនចំនួន ៤០៧នាក់ត្រូវបានជួយសង្គ្រោះ ហើយអ្នកស្រុកដែលរងផលប៉ះពាល់ជាង ៣ម៉ឺននាក់ត្រូវបានបម្លាស់ប្ដូរទីលំនៅ។
ការស្វែងរកជនរងគ្រោះដែលជាប់គាំងខ្លួននៅកំពុងបន្ត ហើយក្រុមអ្នកជួយសង្រ្គោះក៏កំពុងប្រជែងគ្នានឹងពេលវេលា ដើម្បីរៀបចំតង់សម្រាប់អ្នកដែលផ្លាស់ប្តូរទីលំនៅ ខណៈសីតុណ្ហភាពត្រូវបានគេព្យាករថានឹងធ្លាក់ចុះដល់ដក ១៧អង្សាសេ។
សូមបញ្ជាក់ថា តំបន់ទីបេ ស្ថិតនៅលើខ្សែបណ្តោយនៃផ្ទាំងតិចតូនិកឥណ្ឌានិងអឺរ៉ូស៊ី ដែលតែងកើតមានសកម្មភាពរញ្ជួយយ៉ាងញឹកញាប់។
ជាក់ស្តែង ការរញ្ជួយដីកម្រិតធ្ងន់៧.៨រ៉ិចទ័រ នៅក្បែរទីក្រុង កដ្ឋមណ្ឌូ នៃប្រទេសនេប៉ាល់ បានសម្លាប់មនុស្សជិត ៩ ០០០នាក់ និងរបួសជាង ២០ ០០០នាក់៕
ដោយ៖ ឈាង
ចុចអាន៖ រកឃើញមនុស្សស្លាប់កើនដល់ ៥៣នាក់ ក្នុងគ្រោះរញ្ជួយដីកម្រិតធ្ងន់នៅ ទីបេ
-
សេចក្ដីជូនដំណឹង៥ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៧ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ៧ ថ្ងៃ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ
-
ព័ត៌មានជាតិ១ សប្តាហ៍ agoផ្លូវទៅតំបន់អេកូទេសចរណ៍អារ៉ែង ឈានទៅចាក់ក្រាលកៅស៊ូស្ទើរបញ្ចប់ ១០០%