ព័ត៌មានអន្ដរជាតិ
កូរ៉េខាងជើង ព្រមានថា ខ្លួននឹងអនុវត្តសិទ្ធិការពារខ្លួនកាន់តែខ្លាំងក្លាជាងមុន
កូរ៉េខាងជើង បានព្រមាននៅថ្ងៃសុក្រទី១៧ខែមករាឆ្នាំ២០២៥នេះថា ខ្លួននឹងអនុវត្តសិទ្ធិការពារខ្លួនកាន់តែខ្លាំងក្លា ដោយបានថ្កោលទោសកូរ៉េខាងត្បូង សហរដ្ឋអាមេរិក និងជប៉ុនចំពោះការរៀបចំសមយុទ្ធដែនអាកាសរួមគ្នា ដែលមានការចូលរួមពីយន្តហោះទម្លាក់គ្រាប់បែក B-1B របស់អាមេរិក។
ក្រសួងការបរទេសកូរ៉េខាងជើង បានចេញសេចក្តីថ្លែងការណ៍ព្រមាននេះ ខណៈដែលប្រទេសទាំងបីបានធ្វើសមយុទ្ធដែនអាកាសត្រីភាគីរួមគ្នា ដែលពាក់ព័ន្ធនឹងយន្តហោះទម្លាក់គ្រាប់បែក B-1B របស់សហរដ្ឋអាមេរិកចំនួនពីរគ្រឿង កាលពីថ្ងៃពុធនៅលើឧបទ្វីបកូរ៉េ បន្ទាប់ពីការបាញ់បង្ហោះមីស៊ីលប៉ាលិស្ទិកល្បឿនលឿនជាងសំឡេង និងមីស៊ីលរយៈចម្ងាយខ្លីរបស់កូរ៉េខាងជើងនាពេលថ្មីៗ។
យោងតាមការចុះផ្សាយរបស់ KCNA ប្រធានការិយាល័យគោលនយោបាយបរទេសរបស់កូរ៉េខាងជើង បានសម្តែងការព្រួយបារម្ភ «យ៉ាងធ្ងន់ធ្ងរ» ដែលថា «ការបង្កហេតុ» ដោយសហរដ្ឋអាមេរិក និងសម្ព័ន្ធមិត្តរបស់ខ្លួនកំពុងបន្ថែមអស្ថិរភាពសន្តិសុខដល់ឧបទ្វីបកូរ៉េ។
មន្ត្រីកូរ៉េខាងជើងរូបនោះ បានបន្ថែមថា ក្រសួង «បញ្ជាក់ជាថ្មីម្តងទៀតថា ការអនុវត្តសិទ្ធិស្វ័យការពាររបស់កូរ៉េខាងជើង ដើម្បីការពារសិទ្ធិអធិបតេយ្យភាព និងផលប្រយោជន៍សន្តិសុខរបស់រដ្ឋ នឹងត្រូវធ្វើឡើងកាន់តែខ្លាំង» ស្របតាម «យុទ្ធសាស្ត្រប្រឆាំងដ៏តឹងតែងបំផុត» ក្នុងគោលបំណងទប់ស្កាត់នូវការបង្កហេតុខាងយោធាដោយសត្រូវរបស់ខ្លួន។
សមយុទ្ធត្រីភាគីចុងក្រោយបង្អស់ គឺសំដៅបង្កើនសមត្ថភាពរួមគ្នារវាងកូរ៉េខាងត្បូង អាមេរិក និងជប៉ុន ជុំវិញការវិវត្តនៃការគំរាមកំហែងនុយក្លេអ៊ែរ និងមីស៊ីលរបស់ទីក្រុងព្យុងយ៉ាង។
កូរ៉េខាងជើង បានបាញ់បង្ហោះនូវអ្វីដែលខ្លួនអះអាងថាជាមីស៊ីលប៉ាលិស្ទិករយៈចម្ងាយមធ្យមល្បឿនលឿនជាងសំឡេងកាលពីថ្ងៃទី៦ខែមករា អមដោយការបាញ់មីស៊ីលផ្លោងរយៈចម្ងាយខ្លីជាច្រើនគ្រាប់កាលពីថ្ងៃអង្គារ៕
ដោយ៖ ឈាង
ACU សម្រេចឃាត់ខ្លួន ព្រះរាជអាជ្ញារងខេត្តពោធិ៍សាត់ ក្រោយរកឃើញទទួលប្រាក់ពីមេការ Online Scam
ស្រុកបាណន់ មានគោលដៅទេសចរណ៍សំខាន់ ៤ ជាដែកឆក់ទាក់ទាញទេសចរទៅកម្សាន្តឥតដាច់
នាយករដ្ឋមន្ត្រីចាំផ្ទះថៃ កោះហៅឯកអគ្គរាជទូតពីកម្ពុជាក្នុងទង្វើដែលថៃបង្កហេតុជាន់មីនថ្មី
៦ ខែដើមឆ្នាំ ២០២៥ ខេត្តក្រចេះកើតករណីគ្រុនឈាម ៨១៥ ករណី និងស្លាប់ចំនួន ៤ ករណី
ពេទ្យសត្វខេត្ត ចុះបាញ់ថ្នាំសម្លាប់មេរោគជំងឺផ្តាសាយបក្សី បន្ទាប់ពីកុមារម្នាក់បានឆ្លង
ថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
ថៃលេងល្បិចថ្មី នៅប្រាសាទតាមាន់ធំ ដើម្បីបោកអន្តរជាតិ
ថៃ ប្រើលេសចំនួន២ ដើម្បីបញ្ជូនកម្លាំងបន្ថែមមកកាន់តំបន់រសើបនៅព្រំដែនជាប់កម្ពុជា
ថៃធ្វើបាន! សូម្បីម៉ូដសក់យុវជនខ្មែរ ក៏ថៃអះអាងថា ជារបស់ខ្លួនដែរ
តុលាការថៃ សម្រេចដាក់ពន្ធនាគារទាហាន ២ រូបដែលវាយសម្លាប់កូនទាហានខ្លួនឯង
-
ព័ត៌មានអន្ដរជាតិ៤ ថ្ងៃ agoព្រះអង្គម្ចាស់អារ៉ាប៊ីសាអូឌីត ដែលសន្លប់២០ឆ្នាំ ពេលនេះ សោយទិវង្គតហើយ
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីអប់រំថៃ ស្លៀកខោខូវប៊យរហែកជង្គង់ ពេលធ្វើគណអធិបតីអង្គប្រជុំ ត្រូវគេរិះគន់ពេញប្រទេស
-
ព័ត៌មានជាតិ៤ ថ្ងៃ agoអគ្គនាយកស៊ីម៉ាក់បង្ហាញរូបភាពទ័ពថៃជីកដីដាក់មីនខណៈនៅឡាំប៉ាចោទកម្ពុជា
-
ព័ត៌មានអន្ដរជាតិ៣ ថ្ងៃ agoមេភូមិភាគ២ថៃ ប្រកាសលែងចាំស្តាប់បញ្ជារដ្ឋាភិបាលក្រុងបាងកកទៀតហើយ រឿងឆ្លើយតបជាមួយកម្ពុជា
-
បច្ចេកវិទ្យា១ សប្តាហ៍ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ១៧ ម៉ោង agoថៃ បាក់មុខមិនស្ទើរ ក្នុងកិច្ចប្រជុំជាមួយអនុព័ន្ធយោធាអន្តរជាតិ ស្តីពីបញ្ហាទាហានខ្លួនជាន់មីន
-
ព័ត៌មានជាតិ២ ថ្ងៃ agoកម្ពុជាប្រាប់ថៃឱ្យបញ្ឈប់រាល់សកម្មភាពឯកតោភាគីនៅក្នុងតំបន់ជម្លោះ
-
ព័ត៌មានជាតិ២ ថ្ងៃ agoអាជ្ញាធរស្នើអ្នកបត់ជើងតូចនៅជិតច្រកចេញមុខប្រលានយន្តហោះ ចូលខ្លួនសុំទោសជាសាធារណៈ