ព័ត៌មានអន្ដរជាតិ

ការស្ទង់មតិ៖ ពាក់កណ្ដាលនៃក្រុមហ៊ុនអាមេរិកនៅចិន ព្រួយបារម្ភពីជម្លោះពាណិជ្ជកម្ម ខ្ពស់បំផុតក្នុងរយៈពេល ៥ ឆ្នាំ

បានផុស

១ year មុន

នៅ

ថ្ងៃព្រហស្បតិ៍ ២៣ មករា ២០២៥

ដោយ

ជាងពាក់កណ្ដាលនៃក្រុមហ៊ុនអាមេរិកនៅក្នុងប្រទេសចិន ដែលជាកម្រិតខ្ពស់បំផុតក្នុងរយៈពេល ៥ ឆ្នាំ បានព្រួយបាម្ភកាន់តែខ្លាំងអំពីភាពកាន់តែតានតឹងនៃជម្លោះពាណិជ្ជកម្មទ្វេភាគីរវាងចិន និងសហរដ្ឋអាមេរិក។ នេះបើតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ដែលស្រង់ទិន្នន័យស្ទង់មតិរបស់សភាពាណិជ្ជកម្មអាមេរិកប្រចាំប្រទេសចិន (AmCham)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្ទង់មតិដែលចេញផ្សាយនាថ្ងៃព្រហស្បតិ៍នេះ បានបង្ហាញថា ៥១ ភាគរយ នៃក្រុមហ៊ុនអាមេរិកដែលបានឆ្លើយតបនៃការស្ទង់មតិ មានមានការព្រួយបារម្ភអំពីការកាន់តែធ្លាក់ចុះនៃទំនាក់ទំនងរវាងសហរដ្ឋអាមេរិក និងចិន នាពេលអនាគត។

របាយការណ៍ស្ទង់មតិនេះ ចុះផ្សេងក្រោយលោកប្រធានាធិបតីអាមេរិក ដូណាល់ ត្រាំ ឡើងកាន់ស្បថចូលកាន់តំណែងកាលពីថ្ងៃចន្ទ ជាមួយនឹងការគំរាមកំហែងកាន់តែខ្លាំងលើការដាក់ពន្ធគយលើប្រទេសផ្សេងៗ រួមទាំងចិន។

ប្រធាន AmCham ប្រចាំចិន លោក Alvin Liu បានលើកឡើងថា៖ «ទំនាក់ទំនងដែលប្រកបដោយស្ថិរភាព និងការស្ថាបនា គឺជាមូលដ្ឋាននៅក្នុងទំនាក់ទំនងសេដ្ឋកិច្ច និងពាណិជ្ជកម្ម ដែលមានសារៈសំខាន់មិនត្រឹមតែសម្រាប់ភាពរុងរឿងនៃប្រទេសទាំង២របស់យើងប៉ុណ្ណោះទេ ប៉ុន្តែក៏សម្រាប់ស្ថិរភាពសេដ្ឋកិច្ចពិភពលោកផងដែរ»។

ការស្ទង់មតិរបស់ AmCham China រកឃើញថា ភាពតានតឹងផ្នែកភូមិសាស្ត្រនយោបាយ ភាពមិនច្បាស់លាស់នៃគោលនយោបាយផ្សេងៗ និងជម្លោះពាណិជ្ជកម្ម គឺជាក្តីកង្វល់ដ៏ធំរបស់ធុរកិច្ចអាមេរិកនៅក្នុងប្រទេសចិន។

គួរគូសបញ្ជាក់ថា អាណត្តិមុនរបស់លោក ត្រាំ ត្រូវបានគេកំណត់ថាជា ការផ្ទុះឡើងនៃសង្រ្គាមពាណិជ្ជកម្មរវាងសហរដ្ឋអាមេរិក និងចិន និងការធ្លាក់ចុះជាទូទៅនៃសុច្ឆន្ទៈការទូតរវាងប្រទេសទាំង២។ ហើយបញ្ហានេះ មិនសូវជាមានភាពប្រសើរឡើងនោះទេ ក្រោយអតីតប្រធានាធិបតី លោក ចូ បៃដិន ឡើងកាន់តំណែងបន្ទាប់ក្នុងខែមករា ឆ្នាំ ២០២១។

កាលពីថ្ងៃអង្គារ លោក ត្រាំ បាននិយាយថា រដ្ឋបាលរបស់លោកកំពុងពិភាក្សាអំពីពន្ធគយ ១០ ភាគរយ លើទំនិញនាំចូលរបស់ចិន ដែលអាចនឹងត្រូវអនុវត្តចាប់ពីថ្ងៃទី ១ ខែកុម្ភៈ ដោយសារតែតួនាទីរបស់ចិនលើខ្សែចង្វាក់ផ្គត់ផ្គង់ហ្វេនតានីល ដែលជាថ្នាំញៀនសម្លាប់ពលរដ្ឋអាមេរិកជាច្រើននាក់ក្នុងមួយឆ្នាំៗ៕

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា