ព័ត៌មានអន្ដរជាតិ

WHO គ្រោងកាត់បន្ថយថវិកាជាង៤០០លានដុល្លារ ក្រោយអាមេរិកដកខ្លួនចេញ

បានផុស

១ year មុន

នៅ

ថ្ងៃពុធ ៥ កុម្ភៈ ២០២៥

ដោយ

អង្គការសុខភាពពិភពលោក (WHO) អាចកាត់បន្ថយថវិកាសម្រាប់ឆ្នាំ២០២៦-២០២៧ ប្រហែល៤០០លានដុល្លារ បន្ទាប់ពីសហរដ្ឋអាមេរិកបានជូនដំណឹងអំពីការដកខ្លួនចេញពីស្ថាប័នអន្តរជាតិមួយនេះ។ នេះបើយោងតាមការចេញផ្សាយរបស់ទូរទស្សន៍ជាតិជប៉ុនNHKនៅថ្ងៃទី៥ខែកុម្ភៈនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សហរដ្ឋអាមេរិកគឺជាម្ចាស់ជំនួយដ៏ធំបំផុតរបស់ WHO ប៉ុន្តែក្នុងថ្ងៃកាន់តំណែងដំបូងរបស់ លោកត្រាំ កាលពីខែមុន លោកបានចុះហត្ថេលខាលើបទបញ្ជាប្រតិបត្តិមួយដែលតម្រូវឲ្យដកសហរដ្ឋអាមេរិកចេញពីទីភ្នាក់ងាររបស់អង្គការសហប្រជាជាតិ(UN) ព្រមជាមួយកិច្ចព្រមព្រៀងអាកាសធាតុទីក្រុងប៉ារីស និងបន្តការហាមឃាត់ការផ្តល់មូលនិធិដល់ទីភ្នាក់ងារអង្គការសហប្រជាជាតិទទួលបន្ទុកជនភៀសខ្លួនប៉ាឡេស្ទីន UNRWA។

ពាក់ព័ន្ធបញ្ហានេះប្រទេសជាសមាជិករបស់អង្គការសុខភាពពិភពលោកកំពុងពិភាក្សាអំពីផែនការសម្រាប់ថវិកា និងបញ្ហាផ្សេងទៀតនៅក្នុងកិច្ចប្រជុំក្រុមប្រឹក្សាប្រតិបត្តិ ដែលសន្និសីទនេះ បានចាប់ផ្តើមកាលពីថ្ងៃចន្ទនៅទីក្រុងហ្សឺណែវ ប្រទេសស្វីស។

អង្គការសុខភាពពិភពលោកបានពន្យល់ថា ការចាកចេញរបស់អ្នករួមចំណែកផ្នែកហិរញ្ញវត្ថុដ៏ធំបំផុតនឹងធ្វើឲ្យអង្គការនេះមិនអាចដំណើរតាមវិធីសាស្រ្តដែលមានពីមុននោះទេ។ WHO ស្នើកាត់បន្ថយថវិការយៈពេលពីរឆ្នាំមកត្រឹម ៤.៩ ពាន់លានដុល្លារ។ លើសពីនេះមានការព្រួយបារម្ភថា ការចាកចេញរបស់សហរដ្ឋអាមេរិកពី WHO នឹងប៉ះពាល់ដល់សមត្ថភាពរបស់អង្គការក្នុងការដោះស្រាយជំងឺឆ្លងនៅក្នុងប្រទេសកំពុងអភិវឌ្ឍន៍ និងឆ្លើយតបទៅនឹងស្ថានភាពផ្សេងៗទៀត។

លោក Tedros Adhanom Ghebreyesus អគ្គនាយក WHO បានណែនាំដល់បុគ្គលិករបស់ទីភ្នាក់ងារនេះ ឱ្យផ្អាកការជ្រើសរើសបុគ្គលិក កាត់បន្ថយការចំណាយលើការធ្វើដំណើរ និងចាត់វិធានការផ្សេងទៀតដើម្បីកាត់បន្ថយការចំណាយ។

នៅដើមដំបូងនៃកិច្ចប្រជុំ លោក Tedros បានអំពាវនាវម្តងទៀតឱ្យទីក្រុងវ៉ាស៊ីនតោនពិចារណាឡើងវិញនូវផែនការរបស់ខ្លួនក្នុងការដកខ្លួនចេញ ព្រោះWHO គឺមិនលំអៀង និងបម្រើប្រទេសនិងប្រជាជនទាំងអស់។ ការអត្ថាធិប្បាយនេះហាក់ដូចជាការឆ្លើយតបទៅនឹងការថ្លែងរបស់លោក ត្រាំ ព្រោះលោកត្រាំថា ទីភ្នាក់ងាររបស់អង្គការសហប្រជាជាតិបានចូលរួមជាមួយប្រទេសចិន។

សូមបញ្ជាក់ថា មូលហេតុដែល លោក ត្រាំ ដកសហរដ្ឋអាមេរិកចេញពីក្រុមប្រឹក្សាសិទ្ធិមនុស្សអង្គការសហប្រជាជាតិ មិនមែនជាលើកទីមួយទេ ព្រោះនៅក្នុងអាណត្តិដំបូងរបស់គាត់កាលពីឆ្នាំ២០១៨ លោក ត្រាំ ក៏បានដកសហរដ្ឋអាមេរិកពីក្រុមប្រឹក្សាសិទ្ធិមនុស្សអង្គការសហប្រជាជាតិផងដែរ ក្រោមហេតុផលអង្គការនេះភាពលំអៀង៕

អត្ថបទ៖ ប៊ុន សុភាព

សេចក្ដីជូនដំណឹង៥ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា