ជីវិតកម្សាន្ដ
អតីតមិត្តប្រុស Barbie ទម្លាយអារម្មណ៍ដ៏ឈឺចាប់មួយ ក្រោយតួ សាន់ឆាយ ទទួលមរណភាព
កាលពីពេលថ្មីៗនេះ Vic Chou បានចូលរួមក្នុងព្រឹត្តិការណ៍មួយនៅតៃវ៉ាន់ នៅពេលដែលតារាសម្ដែងប្រុសបានបង្ហាញខ្លួនភ្លាម ស្រាប់តែក្លាយជាចំណុចកណ្តាលនៃការចាប់អារម្មណ៍សម្រាប់ប្រព័ន្ធផ្សព្វផ្សាយ និងត្រូវគេសួរសំណួរជាបន្តបន្ទាប់អំពីការស្លាប់របស់អតីតមិត្តស្រីគឺ Barbie Hsu ភ្លាមៗ។
បន្ទាប់ពីក្រុមអ្នកកាសែតចោទសួរអំពីរការស្លាប់របស់តួសាន់ឆាយ តារាចម្រៀងនិងសម្ដែងវ័យ៤៣ឆ្នាំបាននិយាយទាំងទឹកមុខក្រៀមក្រំថា «ខ្ញុំក៏មានអារម្មណ៍ចង់រំលឹកដល់នរណាម្នាក់ដែរ។ ប៉ុន្តែប្រសិនបើខ្ញុំនិយាយអំពីរឿងនេះនៅមុខប្រព័ន្ធផ្សព្វផ្សាយឬនិយាយច្រើនពេក វាឈឺចាប់ណាស់សម្រាប់ខ្ញុំ។ ខ្ញុំសង្ឃឹមថា អ្នករាល់គ្នានឹងផ្តោតលើអ្នកដែលត្រូវការការយកចិត្តទុកដាក់ មិនមែនខ្ញុំទេ»។
តួតៃវ៉ាន់រូបនេះបាននិយាយបន្ថែមទៀតថា «មនុស្សគ្រប់រូបនឹងមានអារម្មណ៏ ប៉ុន្តែអារម្មណ៍របស់គ្រួសារគឺសំខាន់បំផុត។ គ្រាន់តែខ្វល់ពីពួកគេកាន់តែច្រើន ហើយយើងជាអ្នកនៅខាងក្រៅ មិនសមនឹងនិយាយអ្វីឡើយ»។
Barbie Hsu និង Vic Chou បានសម្តែងរួមគ្នាក្នុងរឿង «Meteor Garden» ក្នុងឆ្នាំ ២០០២។ រហូតដល់ឆ្នាំ ២០០៤ នៅពេលដែលពួកគេបានសម្តែងរួមគ្នាក្នុងរឿង Mars ដែលស្នេហារបស់ពួកគេបានរីកដុះដាលឡើង។ ក្រោយមកនៅឆ្នាំ ២០០៦ ដែលបន្ទាប់ពីរយៈពេលនៃការណាត់ជួបដោយសម្ងាត់គូស្នេហ៍នេះបានប្រកាសជាសាធារណៈជាផ្លូវការតែម្ដង។
នៅពេលនោះ Barbie Hsu និង Vic Chou ក៏ត្រូវបានគេនិយាយថា កំពុងពិចារណារៀបការផងដែរ។ ស្នេហារបស់ពួកគេទទួលបានការគាំទ្រយ៉ាងសាទរពីមហាជន។ ប៉ុន្តែ យ៉ាងណានៅពេលដែលតារាប្រុស ខូចចិត្តចំពោះការស្លាប់របស់អតីតមិត្តស្រី Beatrice Hsu នាង Barbie បានទុកការងាររបស់នាងមួយឡែក ដើម្បីមើលថែ និងលើកទឹកចិត្តមិត្តប្រុសរបស់នាង។ គេគិតថាចំណងស្នេហ៍នេះនឹងទទួលបានលទ្ធផលល្អ ប៉ុន្តែនៅឆ្នាំ ២០០៨ តួសាន់ឆាយ និង Vic Chou បានប្រកាសចែកផ្លូវគ្នាធ្វើឲ្យមហាជនសោកស្ដាយ។ នៅពេលនោះ សំណួរជាបន្តបន្ទាប់អំពីមូលហេតុនៃការបែកគ្នារបស់គូស្នេហ៍ត្រូវបានផ្សព្វផ្សាយពេញបណ្ដាញសង្គម។
មានពាក្យចចាមអារ៉ាមថា គ្រួសាររបស់ Barbie Hsu មិនគាំទ្រស្នេហារវាងកូនស្រីរបស់ពួកគេ និង Vic Chou ទេ។ ប្រភពមួយទៀតបានឲ្យដឹងថា អ្នកទាំងពីរបានបែកគ្នាដោយសារតែមិនចុះសម្រុងគ្នាលើបញ្ហាអាពាហ៍ពិពាហ៍។ បន្ទាប់ពីបែកគ្នាសាន់ឆាយបានរៀបការជាមួយអ្នកជំនួញ Wang Xiaofei ។ ចំណែកលោក Vic Chou វិញ ក្រោយប៉ុន្មានថ្ងៃមក តារាសម្ដែងបានសម្រេចចិត្តរៀបការជាមួយតារាស្រី Reen Yu តែម្ដង៕
អត្ថបទ៖ សាង ស្រីល័ក្ខ
ចុចអាន៖ត្រូវគេចាប់អារម្មណ៍រឿងសម្រស់ធ្លាក់ Song Hye Kyo បញ្ចាក់យ៉ាងពេញអត្ថន័យ
-
ព័ត៌មានជាតិ២ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានជាតិ១ សប្តាហ៍ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ៧ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៦ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ១ សប្តាហ៍ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ២៣ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៦ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ
-
ព័ត៌មានជាតិ៣ ថ្ងៃ agoអាជ្ញាធរទាត់ចោលព័ត៌មានដែលផ្សាយថា ថៃបានឈ្លានពានចូលទឹកដីខ្មែរនៅខេត្តប៉ៃលិន