ផឹក​ទឹក​ដាំឆ្អិន​ដែលទុក​ឲ្យ​ត្រជាក់​យូរ អាចកើត​មហារីក?

មានព័ត៌មានជាច្រើនដែលនិយាយថា ទឹកឆ្អិនទុកឲ្យត្រជាក់យូរ អាចបង្កើតអំបិលអាស៊ីតនីត្រាត ព្រមទាំងបំប្លែងទៅជាសារធាតុបង្កមហារីក? តើនេះជាការពីតឬយ៉ាងណា?

គ្មាន​មូលដ្ឋាន​វិទ្យាសាស្ត្រ​ណា​អាច​បញ្ជាក់​បាន​ថា ទឹក​ឆ្អិន​ដែល​ទុកឲ្យត្រជាក់​ក្នុង​រយៈពេល​យូរ​នាំឲ្យកើត​មហារីកឡើយ ។ ការផឹកទឹកឆ្អិនដែលទុកត្រជាក់ គឺមានប្រយោជន៍ដល់រាងកាយ ព្រោះបាក់តេរី និងប៉ារ៉ាស៊ីតត្រូវបានបំផ្លាញកំឡុងពេលដាំឲ្យពុះ។ ដំណើរការនេះមិនផលិតសារធាតុពុល ឬសារធាតុបង្កមហារីកទេ។

ទោះជាយ៉ាងណាក៏ដោយ ប្រសិនបើទឹកឆ្អិនទុកឲ្យវាត្រជាក់យូរពេក ក្នុងរយៈពេលច្រើនថ្ងៃ អតិសុខុមប្រាណអាចដុះឡើងវិញ ដែលបង្កផលប៉ះពាល់ដល់សុខភាព។ ដូច្នេះ យក​ល្អ​ប្រើ​តែ​ទឹក​ដាំពុះដែល​ត្រជាក់​ពេល​ថ្ងៃ ហើយ​ចៀសវាង​ទុក​ចោល​ពេញ​មួយ​យប់។

ជាពិសេសថែមទៀត កំហុសទូទៅមួយនៅក្នុងគ្រួសារជាច្រើនគឺការថាក់ទឹកថ្មី ចូលទៅកំសៀវទឹកថ្មី។ នេះអាចបង្កគ្រោះថ្នាក់ ដោយសារទឹកចាស់ មានហានិភ័យនៃការបំពុលមីក្រូសរីរាង្គ។ នៅពេលដែលទឹកថ្មីត្រូវបានបន្ថែម បាក់តេរីនៅក្នុងទឹកចាស់អាចលូតលាស់លឿន កាត់បន្ថយគុណភាពទឹក។ បើ​ទម្លាប់​នេះ​នៅ​តែ​បន្ត​ទៀត សុខភាព​នឹង​ប៉ះពាល់។

យ៉ាងណាមិញ ដើម្បី​ធានា​សុវត្ថិភាព អ្នក​គួរ​ដាំទឹកឲ្យបាន​គ្រប់គ្រាន់​សម្រាប់​ប្រើប្រាស់​ប្រចាំថ្ងៃ​។ ធុងទឹកគួរតែជាដបកែវដែលមានគម្របតឹង ហើយត្រូវលាងសម្អាតឲ្យបានទៀងទាត់ ដើម្បីការពារការចម្លងរោគបាក់តេរី៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖យោងតាមឱសថបុរាណចិនថា ជើងជាច្រកទ្វារដ៏សំខាន់ជួយអាយុវែង និងការពាររាងកាយពីជំងឺ