រដ្ឋមន្ត្រីកសិកម្ម ស្នើឱ្យអៀរឡង់ផ្តល់កម្ចី ការប្រាក់ទាប សម្រាប់សហគមន៍កសិកម្មទំនើប

លោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានស្នើឱ្យភាគីអៀរឡង់ ពិចារ​​ណាបង្កើនជំនួយ ODA តាមរយៈការផ្តល់ជំនួយជាកម្ចីការប្រាក់ទាប និងការប្រើ​ប្រាស់​បច្ចេកវិទ្យាទំនើបសម្រាប់សហគមន៍កសិកម្មទំនើប  ដែលជាតម្រូវការ​សម្រាប់​ការផលិតរួមគ្នា ដើម្បីកាត់បន្ថយថ្លៃដើម និងជួយឲ្យផលិតផលកសិកម្ម​ទទួលបានតម្លៃ​បន្ថែមខ្ពស់ ទ្រទ្រង់ការប្រែប្រួលអាកាសធាតុ និងជំរុញការនាំចេញកសិកម្មផងដែរ។

លោករដ្ឋមន្ត្រី ឌិត ទីណា បានលើកឡើងក្នុងជំនូបជាមួយលោក Noel Grealish រដ្ឋមន្រ្តីក្រសួងកសិកម្ម ចំណីអាហារ និងសមុទ្រនៃសាធារណរដ្ឋអៀរឡង់ នៅថ្ងៃទី ១៧ ខែមីនា ឆ្នាំ ២០២៥។

លោករដ្ឋមន្ត្រី បានបង្ហាញការគាំទ្រចំពោះការផ្តល់ អាហារូបករណ៍សម្រាប់​ការសិក្សានៅប្រទេសអៀរឡង់។ សិស្ស និងនិស្សិតដែលទទួលអាហារូបករណ៍ នឹងទទួលបានឱកាសក្នុងការពង្រឹង សមត្ថភាព ផ្នែកភាសា កុំព្យូទ័រ និងទំនាក់ទំនង។

លោករដ្ឋមន្ត្រី ក៏បានណែនាំឱ្យផ្តល់ អាហារូបករណ៍ សម្រាប់គ្រូបង្រៀន ដែលជាជនបង្គោលក្នុងការបណ្តុះបណ្តាលធន​ធានមនុស្សបន្ថែម និងមានផលវិជ្ជា មាននៃការអភិវឌ្ឍ។

លើសពីនេះ លោករដ្ឋមន្ត្រី ក៏បានផ្តោតលើការផ្លាស់ប្តូរសិស្ស-និស្សិត ដើម្បីធានាថា ធនធានមនុស្សមានសមត្ថភាព និងសម្របសម្រួលជាមួយតម្រូវការបច្ចុប្បន្ន៕