ព័ត៌មានជាតិ

សម្តេច ម៉ែន សំអន ៖ ស្ត្រី គឺជាត្បូងពេជ្រដ៏មានតម្លៃបំផុតសម្រាប់រួមចំណែកសង្គមជាតិ

បានផុស

១ year មុន

នៅ

ថ្ងៃអង្គារ ២៥ មីនា ២០២៥

ដោយ

សម្តេចកិត្តិសង្គហបណ្ឌិត ម៉ែន សំអន ប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍ បានថ្លែងថា ស្ត្រី គឺជាត្បូងពេជ្រដ៏មានតម្លៃបំផុតសម្រាប់រួមចំណែកសង្គមជាតិមិនអាចខ្វះបានឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចកិត្តិសង្គហបណ្ឌិត ម៉ែន សំអន ថ្លែងបែបនេះ ខណៈពេលអញ្ជើញដឹកនាំកិច្ចប្រជុំវឌ្ឍនភាពរបស់សមាគមនារី នៅវិមាន ៧ មករា កាលពីព្រឹកថ្ងៃទី ២៤ ខែមីនា ឆ្នាំ ២០២៥។

របៀបវារៈ នៃអង្គប្រជុំមានដូចតទៅ ៖ ១.មតិបើកកិច្ចប្រជុំដោយ សម្តេចប្រធាន។ ២. អានរបាយការណ៍លទ្ធផលកិច្ចប្រជុំកាលពីថ្ងៃទី ១២ ខែកុម្ភៈ ឆ្នាំ ២០២៥ ដោយលោកស្រី មាន សំអាន។៣.អានពង្រាងសេចក្ដីសម្រេចសមាសភាពគណៈកម្មការរៀបចំសន្និបាតដោយ លោកស្រី មាន សំអាន។ ៤.អានរាយការណ៍សមាសភាពដំណើរទស្សនកិច្ចនៅទីក្រុងដាណាង ប្រទេសវៀតណាម ដោយលោកស្រី មៀង សុធារី។ ៥.ពិភាក្សា និងមតិបូកសរុបកិច្ចប្រជុំរបស់ សម្តេចប្រធាន។

ជាចុងក្រោយ ថ្នាក់ដឹកនាំ និងសមាជិកា នៃសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ ក៏បានគោរពជូន សម្តេចកិត្តិសង្គហបណ្ឌិត ម៉ែន សំអន ឧត្ដមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសដ៏ឧត្ដុង្គឧត្ដមថ្លៃថ្លា ព្រះករុណាជាម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គបានសព្វ ព្រះរាជហឫទ័យ ត្រាស់បង្គាប់ដំឡើងឋានន្តរសក្ដិ ថ្នាក់ «នាយឧត្ដមសេនីយ៍ផុតលេខផ្កាយមាស ៥ នៃកងយោធពលខេមរភូមិន្ទ»៕

អត្ថបទ ៖ វិមាន