ព័ត៌មានជាតិ

ស្ថាប័នធនាគារបង្ហាញនីតិវិធី ជួយស្តារឥណទានអតិថិជន ក្នុងស្ថានភាពមានសម្ពាធសេដ្ឋកិច្ច

បានផុស

១ year មុន

នៅ

ថ្ងៃសុក្រ ២៨ មីនា ២០២៥

ដោយ

ស្ថាប័នធនាគារបានបង្ហាញពីនីតិវិធី ដើម្បីជួយសម្រួលដល់អតិថិជនក្នុងការប្រើប្រាស់ឥណទាន ក៏ដូចជាជួយដោះស្រាយបញ្ហាឥណទានដែលខូចមិនដំណើរការ។

ថ្លែងនៅក្នុងវេទិកាពិភាក្សាក្នុងវិស័យហិរញ្ញវត្ថុស្តីអំពី «ការចូលរួមផ្សព្វផ្សាយចំណេះដឹងហិរញ្ញវត្ថុ និងប្រើប្រាស់ឥណទានប្រកបដោយការទទួលខុសត្រូវ» រៀបចំដោយ CBC រួមជាមួយក្លឹបអ្នកកាសែតកម្ពុជា លោក រ័ត្ន សោភ័ណ ប្រធានក្រុមប្រឹក្សាភិបាលសមាគមធនាគារនៅកម្ពុជា បានលើកពីការដាក់ចេញយន្តការជួយដល់អតិថិជន ក្នុងការស្តារឥណទានឡើងវិញ ស្របពេលដែលគោលនយោបាយរបស់រដ្ឋាភិបាល បានជំរុញឲ្យគ្រឹះស្ថានហិរញ្ញវត្ថុពិនិត្យលទ្ធភាពសម្របសម្រួលឲ្យពលរដ្ឋមានលទ្ធភាពទទួលបានឥណទាន ក្នុងពេលសេដ្ឋកិច្ចទទួលរងសម្ពាធ។

លោក រ័ត្ន សោភ័ណ បានគូសបញ្ជាក់ថា ដោយគិតពីគោលនយោបាយរបស់រដ្ឋាភិបាល តាមរយៈធនាគារជាតិ គ្រឹះស្ថានធនាគារបានរៀបចំនីតិវិធីសម្របសម្រួលក្នុងការរៀបចំឥណទានឡើងវិញ ដើម្បីរួមចំណែកជួយដោះស្រាយសម្ពាធហិរញ្ញវត្ថុកើតចេញពីវិបត្តិសេដ្ឋកិច្ច។

ការរៀបចំឥណទានឡើងវិញ គោលដៅចម្បងដើម្បីសម្រួលលំហូរសាច់ប្រាក់អតិថិជន។ នេះបើតាមលោក រ័ត្ន សោភ័ណ។ ពាក់ព័ន្ធប្រវត្តិបង់យឺត ធនាគារក៏បានសម្របសម្រួលមិនឲ្យមានការបញ្ចុះចំណាត់ថ្នាក់ឥណទាននោះដែរ។ បន្ថែមពីនេះ បើឥណទានខូចជាប់នៅ CBC ក៏បានបន្ថយរយៈកាលកំណត់ពី ៣ ឆ្នាំមកនៅត្រឹមតែ ២ ឆ្នាំ៕