កម្ពុជាទទួលបានទុនវិនិយោគជាង ២,៨៦ ពាន់លានដុល្លារពីប្រទេសចិននៅឆ្នាំ ២០២៤

ប្រទេសចិនបានរក្សាដំណែងជាប្រទេសវិនិយោគធំជាងគេ ក្នុងរយៈពេល ៨ ឆ្នាំ ជាប់ៗ​គ្នា​របស់​កម្ពុជា​កម្ពុជា។ នៅឆ្នាំ ២០២៤ ការវិនិយោគរបស់ចិននៅកម្ពុជាឈានដល់ ២,៨៦ ពាន់លាន​ដុល្លារ​​​អាមេរិក ស្មើនឹង ៤៣% នៃការទាក់ទាញ​វិនិយោគបរទេសសរុបរបស់កម្ពុជា។

លោក លីវ ស៊ាវគ័ង ប្រធានសមាគសារព័ត៌មានកម្ពុជា-ចិន បានលើកឡើងនៅក្នុងវេទិកា​ស្ដីពី​ទំ​នាក់​​​ទំនងកម្ពុជា-ចិនក្នុងបរិបទថ្មីនៅថ្ងៃទី ០៧ ខែមេសា ឆ្នាំ ២០២៥​ថា ទំនាក់ទំនងភាពជា​ដៃគូ​យុទ្ធសាស្ត្រគ្រប់ជ្រុងជ្រោយកម្ពុជា-ចិន និង​​គោល​​គំនិតនៃសហគមន៍វាសនារួមកម្ពុជា-ចិន បាន​នាំ​មកនូវសុខមាលភាពពិតប្រាកដដល់ប្រជាជនកម្ពុជា។

លោក ប៉ែន សុវិជាតិ រដ្ឋលេខាធិការក្រសួងពាណិជ្ជកម្មមាន ប្រសាសន៍ថា ទំនាក់ទំនង​កម្ពុជា-ចិន គឺជាសហគមន៍រួមវាសនាតែមួយ សំដៅដល់ការចែករំលែកទាំងទស្សន និងការរីក​ចម្រើន​ទាំង​ប្រភពសន្តិសុខ និងវប្បធម៌។

កម្ពុជា-ចិន បានចុះហត្ថលេខាពាណិជ្ជកម្មសេរី (FTA) និងបានអនុវត្តដោយជោគជ័យកន្លងមក ឃើញ​មាន​តួលេខរីក​ចម្រើនជាបន្តបន្ទាប់ ដែលតួលេខនេះ បង្ហាញថា ការចុះហត្ថលេខា​ពាណិជ្ជ​កម្មសេរី រវាងកម្ពុជា-ចិន ជាសក្ខីភាពមួយនឹងបន្តរីក​ចម្រើន​បន្តទៀតនៅក្នុងថ្ងៃអនាគត។

យោងតាមក្រសួងពាណិជ្ជកម្ម នៅក្នុងឆ្នាំ ២០២៤ ទំហំពាណិជ្ជកម្មទ្វេភាគីកម្ពុជា-ចិន​សម្រេច​បានជាង ១៥ ពាន់លានដុល្លារ កើនឡើង ២៣,៨៤% ធៀបនឹងឆ្នាំ ២០២៣។

ក្នុង​នោះ​កម្ពុជានាំទំនិញទៅចិន មានតម្លៃ ១,៧៥ ពាន់លានដុល្លារ កើន១៨,៤% ភាគរយ និង​ទំ​និញ​​ចិន​នាំចូល​មកកម្ពុជា​តម្លៃ ១៣,៤៣ ពាន់លានដុល្លារ កើន ២៤,៦ ភាគរយ៕

អត្ថបទ៖ ឡេង ដេត