ព័ត៌មានអន្ដរជាតិ

ស្លាប់មនុស្ស ៥០នាក់ក្នុងហេតុការណ៍ឆេះនិងលិចទូកឈើនៅកុងហ្គោ

បានផុស

១ year មុន

នៅ

ថ្ងៃព្រហស្បតិ៍ ១៧ មេសា ២០២៥

ដោយ

ទូកមួយបានក្រឡាប់បន្ទាប់ពីមានភ្លើងឆេះនៅភាគពាយ័ព្យនៃសាធារណរដ្ឋប្រជាធិបតេយ្យកុងហ្គោ (DRC) បណ្តាលឲ្យមនុស្សយ៉ាងហោចណាស់ ៥០នាក់ស្លាប់ និងរាប់រយនាក់បាត់ខ្លួន។ នេះបើយោងតាមការចេញរបស់សារព័ត៌មាន Al Jazeera នៅថ្ងៃទី១៧ខែមេសានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះ បានកើតឡើងកាលពីយប់ថ្ងៃអង្គារលើដងទន្លេកុងហ្គោ ខណៈការស្វែងរកអ្នកបាត់ខ្លួនកំពុងបន្តជាមួយនឹងក្រុមជួយសង្គ្រោះដែលគាំទ្រដោយកាកបាទក្រហម និងអាជ្ញាធរកុងហ្គោ។

ទូកដែលបានឆេះនេះជាទូកឈើផ្ទុកអ្នកដំណើរប្រហែល៤០០នាក់បានឆាបឆេះនៅជិតទីក្រុង Mbandaka បន្ទាប់ពីបានចាកចេញពីកំពង់ផែ Matankumu ទៅកាន់តំបន់ Bolomba ក្នុងខេត្ត Equateur។ ឧប្បត្តិហេតុនេះកើតឡើងដោយសារមានអ្នកចម្អិនអាហារនៅលើទូក។

អ្នកដំណើរជាច្រើននាក់រួមទាំងស្ត្រី និងកុមារបានស្លាប់បន្ទាប់ពីលោតចូលទឹក។ អ្នកនៅរស់រានមានជីវិតប្រហែល ១០០នាក់ត្រូវបានត្រូវបានជួយសង្គ្រោះ ដែលភាគច្រើននៃពួកគេរងរបួសរលាកធ្ងន់ធ្ងរ។

បើតាមទីភ្នាក់ងារ របស់ Al Jazeera ឧបទ្ទវហេតុទូកបណ្ដាលឲ្យស្លាប់មនុស្សគឺជារឿងធម្មតានៅក្នុងប្រទេសអាហ្វ្រិកកណ្តាលនេះ បូករួមជាមួយក្រុមជួយសង្គ្រោះច្រើនតែគ្មានបទពិសោធន៍ និងគ្មានសមត្ថភាពក្នុងការគ្រប់គ្រងគ្រោះអាសន្ន។

មនុស្សរាប់រយនាក់បានស្លាប់នៅក្នុងគ្រោះថ្នាក់ទូកក្នុងរយៈពេលប៉ុន្មានឆ្នាំចុងក្រោយនេះ។ កាលពីខែធ្នូឆ្នាំមុន មនុស្សយ៉ាងហោចណាស់ ៣៨ នាក់បានស្លាប់ បន្ទាប់ពីសាឡាងដឹកមនុស្សជាង ៤០០ នាក់ធ្វើដំណើរទៅបុណ្យណូអែលបានក្រឡាប់នៅលើទន្លេមួយនៅភាគឦសានប្រទេស។ ទូកមួយក៏បានក្រឡាប់នៅបឹង Kivu ភាគខាងកើតប្រទេសផងដែរកាលពីខែតុលាឆ្នាំមុន ដោយបានសម្លាប់មនុស្ស ៧៨ នាក់៕