កីឡា

អស្ចារ្យណាស់! ក្លិបអាស៊ាន២ឡើងវគ្គផ្តាច់ព្រ័ត្រ ពានរង្វាន់អាស៊ីក្នុងឆ្នាំតែមួយ

បានផុស

១ year មុន

នៅ

ថ្ងៃសុក្រ ១៨ មេសា ២០២៥

ដោយ

ក្រុម Lion City Sailors របស់ប្រទេសសិង្ហបុរី និង ក្រុមព្រះខ័នរាជស្វាយរៀង របស់ប្រទេសកម្ពុជា ដែលទាំងពីរជាក្រុមនៅតំបន់អាស៊ានបានឡើងវគ្គផ្តាច់ព្រ័ត្រ និងទទួលបានធ្វើម្ចាស់ផ្ទះដូចគ្នាសម្រាប់ពានរង្វាន់ក្លិបអាស៊ីកម្រិតទី២ និងកម្រិតទី៣ ក្នុងរដូវកាល២០២៤-២៥។ កន្លងមកពុំធ្លាប់មានក្លិបអាស៊ានពីរបានឡើងដល់វគ្គផ្តាច់ព្រ័ត្រសម្រាប់ពានរង្វាន់២ផ្សេងគ្នាក្នុងឆ្នាំតែមួយទេ។

ពាន AFC Champions League Two

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់ក្លិបអាស៊ីលំដាប់ទី២ AFC Champions League Two ធ្លាប់បានរៀបចំការប្រកួតវគ្គផ្តាច់ព្រ័ត្រនៅតំបន់អាស៊ាន២លើកគឺ ឆ្នាំ២០១៩ និង២០២២ នៅប្រទេសម៉ាឡេស៊ី។ រដូវកាល២០២៤-២៥ វគ្គផ្តាច់ព្រ័ត្រនៅប្រទេសសិង្ហបុរី។

ឆ្នាំ២០១៩ វគ្គផ្តាច់ព្រ័ត្រ នៅម៉ាឡេស៊ី ក្រុមលីបង់ Al-Ahed ឈ្នះជើងឯក
ឆ្នាំ២០២២ វគ្គផ្តាច់ព្រ័ត្រ នៅម៉ាឡេស៊ី ក្រុមអូម៉ង់ Al-Seeb ឈ្នះជើងឯក
ឆ្នាំ២០២៤-២៥ វគ្គផ្តាច់ព្រ័ត្រ នៅសិង្ហបុរី

ក្រុម Lion City Sailors បានបង្កើតប្រវត្តិសាស្ត្រជាលើកដំបូងក្នុងការឡើងដល់វគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី២ បន្ទាប់ពីឈ្នះក្រុមអូស្ត្រាលី Sydney FC ដោយលទ្ធផល ទាំងពីរជើង ២-១ (ជើងទី១ឈ្នះ ២-០ និងជើងទី២ចាញ់ ០-១)។

វគ្គផ្តាច់ព្រ័ត្រ Lion City Sailors ជួបក្រុមអារ៉ាប់រួម Sharjah នៅកីឡដ្ឋាន Jalan Besar ថ្ងៃទី១៨ ខែឧសភា ឆ្នាំ២០២៥ នៅប្រទេសសិង្ហបុរី។

ពាន AFC Challenge League

ពានរង្វាន់ក្លិបអាស៊ីលំដាប់ទី៣ ធ្លាប់ត្រូវបានរៀបចំការប្រកួតវគ្គផ្តាច់ព្រ័ត្រនៅតំបន់អាស៊ាន៣ដងគឺ ឆ្នាំ២០០៦ និង២០១៣ នៅប្រទេសម៉ាឡេស៊ី ហើយឆ្នាំ២០១០ នៅប្រទេសមីយ៉ាន់ម៉ា។ រដូវកាល២០២៤-២៥ វគ្គផ្តាច់ព្រ័ត្រ នៅកម្ពុជា។

ឆ្នាំ២០០៦ វគ្គផ្តាច់ព្រ័ត្រ នៅម៉ាឡេស៊ី ក្រុមគីជីស្ថាន Dordoi Dynamo ឈ្នះជើងឯក
ឆ្នាំ២០១០ វគ្គផ្តាច់ព្រ័ត្រ នៅមីយ៉ាន់ម៉ា ក្រុមមីយ៉ាន់ម៉ា Yadanarbon ឈ្នះជើងឯក
ឆ្នាំ២០១៣ វគ្គផ្តាច់ព្រ័ត្រ នៅម៉ាឡេស៊ី ក្រុមតួកមេនីស្ថាន Balkan ឈ្នះជើងឯក
ឆ្នាំ២០២៤-២៥ វគ្គផ្តាច់ព្រ័ត្រ នៅប្រទេសកម្ពុជា

ក្រុម ព្រះខ័នរាជស្វាយរៀង របស់ប្រទេសកម្ពុជា បានបង្កើតប្រវត្តិសាស្ត្រជាលើកដំបូងក្នុងការឡើងដល់វគ្គផ្តាច់ព្រ័ត្រ ពានរង្វាន់ក្លិបអាស៊ីលំដាប់ទី៣ បន្ទាប់ពីឈ្នះក្រុមឥណ្ឌូណេស៊ី Madura United ដោយលទ្ធផល ទាំងពីរជើង ៦-៣ (ជើងទី១ឈ្នះ ៣-០ និងជើងទី២ស្មើគ្នា ៣-៣ )។

ព្រះខ័នរាជស្វាយរៀង ត្រូវជួបក្រុមតួកមេនីស្ថាន FC Arkadag នៅពហុកីឡដ្ឋានជាតិមរតកតេជោ ថ្ងៃទី១០ ខែឧសភា ឆ្នាំ២០២៥ នៅប្រទេសកម្ពុជា៕

អត្ថបទ៖ វីរបុត្រ

ព័ត៌មានអន្ដរជាតិ១៦ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

ព័ត៌មានអន្ដរជាតិ៧ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា