ប្រទេស​ដែលមាន​ទុនបម្រុងមាសច្រើនជាងគេបំផុតលើពិភពលោ​ក

តម្លៃមាសអន្តរជាតិ បាន​ហក់ឡើងដល់ចំណុចខ្ពស់បំផុតក្នុងប្រវត្តិសាស្រ្ត ៣ ៥០០ ដុល្លារ/អោន កាលពីថ្ងៃទី ២២ ខែមេសា ដោយសារតែភាពតានតឹង​នៃសង្រ្គាមពាណិជ្ជកម្ម​ បញ្ហាភូមិសាស្រ្តនយោបាយ ភាពមិនប្រាកដប្រជានៃសេដ្ឋកិច្ច និងតម្រូវការច្រើនពីធនាគារកណ្ដាលនៃប្រទេស​នានាជុំវិញពិភព​លោក​។

គិតត្រឹមថ្ងៃទី ២៨ មេសា នេះ​ តម្លៃមាសបាន​ធ្លាក់ចុះមកវិញត្រឹមជិត ៣ ៣០០ ដុល្លារ/អោន ដោយសារតែភាពតានតឹង​នៃសង្រ្គាមពាណិជ្ជកម្មរវាងចិន​ និងសហរដ្ឋអាមេរិក​បាន​ថយចុះស្រាកស្រាន្ត ក្រោយភាគីវិវាទ​ទាំង២ បន្ទន់ជំហរដាក់គ្នា។ យ៉ាងណាមិញ វា​នៅតែស្ថិត​ក្នុងកម្រិតខ្ពស់ ដោយ​កើនឡើងប្រមាណជិត ២៦ ភាគរយ ​រាប់តាំងពីថ្ងៃទី ១ មករា។

បើតាមក្រុមប្រឹក្សាមាសពិភពលោក តម្លៃមាសបាន​កើនឡើង ២៧ ភាគរយ កាលពីឆ្នាំមុន ដែលជំរុញ​ខ្លាំងដោយការទិញ​​​ធនាគារកណ្ដាល ដែល​បន្ថែមមាសប្រមាណ ១ ០៤៥ តោន ទៅក្នុងទុនបម្រុងពិភពលោក​ក្នុងឆ្នាំ ២០២៤។ ធនាគារកណ្ដាលរបស់ប៉ូឡូញនាំមុខគេលើការទិញមាសប្រមាណ ៩០ តោន បញ្ចូលទៅក្នុងទុនបម្រុង ហើយបន្ទាប់មកគឺឥណ្ឌា (៧៧ តោន)។

ទុនបម្រុងមាសដើរតួនាទីយ៉ាងសំខាន់ក្នុងស្ថិរភាពហិរញ្ញវត្ថុរបស់ប្រទេសមួយ ​ដោយ​បម្រើជាទ្រព្យសម្បត្តិដ៏មានតម្លៃសម្រាប់ធនាគារកណ្តាល និងរដ្ឋាភិបាល។ ​ទុនបម្រុសមាសដែលកាន់កាប់ដោយប្រទេសមួយ ជួយរក្សាស្ថិរភាពតម្លៃរូបិយប័ណ្ណ និងផ្តល់សុវត្ថិភាពក្នុងអំឡុងពេលមិនប្រាកដប្រជាសេដ្ឋកិច្ច។ តាមប្រវត្តិសាស្ត្រ មាសត្រូវបានគេមើលឃើញថាជាទ្រព្យសម្បត្តិដែលមានសុវត្ថិភាព ​ហើយ​មានសារៈសំខាន់ក្នុងអំឡុងពេលមានវិបត្តិ ឬវិបត្តិហិរញ្ញវត្ថុ។

នេះគឺជាបញ្ជីចុងក្រោយ​នៃ​ប្រទេស​ដែល​មាន​ទុនបម្រុងមាសច្រើនជាងគេបំផុតនៅលើពិភព​លោក ​ដែលចងក្រងដោយក្រុមប្រឹក្សាមាសពិភពលោក៖