ប្រតិភូសមាគមន៍វប្បធម៌ទីក្រុងម៉ាកាវ និងរដ្ឋបាលខេត្តកែប គ្រោងរៀបចំពិពណ៌ម្ហូបអាហារក្តាម ” ឆ្នាំទេសចរណ៍ចិន-កម្ពុជា”

កែប ៖ នៅថ្ងៃទី ១៥ ខែឧសភា ឆ្នាំ២០២៥នេះលោក ប៉ុន យោង អភិបាលរងខេត្តកែបបានបញ្ជាក់ឲ្យដឹងថា សមាគមន៍លើកកម្ពស់វប្បធម៌ផ្លូវសូត្រ​ សមុទ្រម៉ាកាវ ប្រទេសចិន​ ដឹកនាំដោយលោក វ៉ាង ជី ជាអនុប្រធានសមាគម រួមជាមួយគណៈប្រតិភូមកធ្វើទស្សនកិច្ចនៅខេត្តកែប ដោយមានការទទួលស្វាគមន៍ពីលោក ប៊ុន យោង អភិបាលរងខេត្ត បានតំណាង​ដ៏ខ្ពង់ខ្ពស់​ លោក សោម​ ពិសិដ្ឋ​ អភិបាល​ខេត្ត​កែប​ ដោយក្នុងនោះភាគីទាំងពីរបានពិភាក្សាអំពីការរៀបចំពិធី ពិពរណ៍ម្ហូបអាហារក្តាម ឆ្នាំទេសចរណ៍ចិន-កម្ពុជា។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប៉ុន យោង អភិបាលរងខេត្តកែបបានប្រាប់ឲ្យដឹងថា សមាគមលើកកម្ពស់វប្បធម៌ផ្លូវសូត្របានធ្វើដំណើរមកទស្សនកិច្ចរយៈពេល៥ថ្ងៃ លើទឹកដីខេត្តកែប ប្រតិភូសមាគមន៍វប្បធម៌ក្រុងម៉ាកាវ ប្រទេសចិន​ បានចាប់អារម្មណ៍ជាមួយ សក្តានុពលទេសចរណ៍របស់ខេត្តកែប ដូចជាឆ្នេរដ៏ស្រស់ស្អាត ទិដ្ឋភាពកោះ និងខ្យល់អាកាសដ៏បរិសុទ្ធជាដើម។

ក្នុងអំឡុងពេលពិភាក្សាគ្នា លោក ប៊ុន យោង អភិបាលរងខេត្តកែបបានលើកឡើងថា ខេត្តកែប​ និងពិភាក្សាជាមួយដៃគូរលើវិស័យទេសចរណ៍ ដើម្បីរៀបចំ ពិធីពិពរណ៍អាហារក្តាម ដោយប្រើធនធានក្តាមរបស់ខេត្តកែប ដើម្បីផលិតអាហារដ៏សម្បូរបែបជូនដល់ភ្ញៀវទេសចរ។

ក្តាមសេះខេត្តកែប ត្រូវបានទទួលស្គាល់ថា មានរសជាតិឆ្ងាញ់ពិសេស ជាងនៅតំបន់ដទៃផ្សេងទៀតក្នុងពិធីពិពណ៌ អាហារក្តាម ក៏មានគោលបំណងក្នុងការផ្ដល់នូវការស្វែងយល់ និងផ្សព្វផ្សាយវប្បធម៌ម្ហូបអាហារក្នុងស្រុក ដើម្បីទាក់ទាញភ្ញៀវទេសចរឲ្យមកភ្លក់រសជាតិអាហារដ៏ឈ្ងុយឆ្ងាញ់ និងទទួលបាននូវបទពិសោធន៍ថ្មីៗអំពីអាហារសមុទ្ររបស់ខេត្តកែប។

បន្ថែមពីនោះ លោក ប៊ុន យោង អភិបាលរងខេត្តកែបជាអ្នកនាំពាក្យឲ្យរដ្ឋបាលខេត្តបានគូសបញ្ជាក់ថា ខេត្តកែបជាទីកន្លែងដ៏ស្រស់ស្អាតសម្រាប់សម្រាកលម្លែកម្សាន្ត ក្នុងថ្ងៃ វិស្សមកាល ក្រុងកែបត្រូវបានទទួលស្គាល់ ថា ជាទីក្រុងដែលមានខ្យល់អាកាសបរិសុទ្ធ ហើយជឿជាក់ថា ខ្យល់សមុទ្រក្រុងកែប អាចព្យាបាលអ្នកមានជំងឺសួតថែមទៀតផង។

​លោក វ៉ាង ជី អនុប្រធានសមាគម បានសម្ដែងនៅការឯកភាពយ៉ាងជ្រាលជ្រៅលើកិច្ចសហប្រតិបត្តិការនេះ។

លោក វ៉ាង ជី អនុប្រធានសមាគមបានមានប្រសាសន៍ថា សមាគមលើកកម្ពស់វប្បធម៌ផ្លូវសូត្រ​ សមុទ្រម៉ាកាវនឹងឆ្លើយតបជាវិជ្ជមានចំពោះការអំពាវនាវនៃ  ឆ្នាំទេសចរណ៍កម្ពុជា-ចិន និងគាំទ្រយ៉ាងពេញទំហឹង ក្នុងការរៀបចំធនធាន និងការផ្សព្វផ្សាយទីផ្សារ ព្រមទាំងការជួយសម្រួលដល់ដំណើរអ្នកទេសចរម៉ាកាវ ក្រុមអ្នកទេសចរ និងក្រុមដែលមានតម្រូវការថែទាំសុខភាពឲ្យមកកាន់ ខេត្តកែប។ 

លោកសង្ឃឹមថា ភាគីទាំងពីរ​ និងយកដំណើរទស្សនកិច្ចនេះជាឱកាសមួយដើម្បីពង្រឹងកិច្ចសហប្រតិបត្តិការ ក្នុងការរៀបចំផែនការទេសចរណ៍ ការអភិវឌ្ឍន៍ផលិតផល ការបណ្ដុះបណ្ដាលទេពកោសល្យ និងមុខជំនាញផ្សេងៗទៀត កសាងនិមិត្តសញ្ញាទេសចរណ៍អន្តរជាតិ និងសម្រេចបានផលប្រយោជន៍ជូនគ្នាទៅវិញទៅមកក្នុងយុទ្ធសាស្ត្រឈ្នះៗ៕

ដោយ ៖ សឹង រ៉ាត់