ព័ត៌មានជាតិ

វាលស្មៅក្រៀមស្រពោននៅខេត្តមណ្ឌលគិរី ប្រែពណ៌ខៀវខ្ចី ក្រោយពីទទួលទឹកភ្លៀង និង សន្សើម

បានផុស

១ year មុន

នៅ

ថ្ងៃពុធ ២១ ឧសភា ២០២៥

ដោយ

អ៊ិន ពិសី

វាលស្មៅនៅខេត្តមណ្ឌលគិរី បានប្រែពណ៌ខៀវខ្ចី បន្ទាប់ពីទទួលទឹកភ្លៀង និង សន្សើម ក្រោយពីក្រៀមស្រពោន នារដូវប្រាំងកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តមណ្ឌលគិរី ស្ថិតនៅភូមិភាគឦសានប្រទេសកម្ពុជា សម្បូរទៅដោយភ្នំ ជ្រោះជ្រលង ដងអូរ ដ៏សម្បូរបែប ប៉ុន្តែវាលស្មៅតាមខ្នងភ្នំក្នុងខេត្តនេះវិញ ក៏បែងចែកជាពីររដូវផងដែរ។

រដូវប្រាំង តាមខ្នងភ្នំ វាលស្មៅហាក់មានសភាពក្រៀម ស្រពោន ដោយឡែកនៅខែឧសភា ឆ្នាំ ២០២៥ នេះ ភ្លៀងធ្លាក់ជោកជាំ និង សន្សើមជ្រួតជ្រាប តាមដងភ្នំ វាលស្មៅទាំងនោះ ក៏ប្រែជាសភាពពណ៌បៃតងខៀវខ្ចី ដែលជាទេសភាពធម្មជាតិដ៏ល្អប្រណិត ធ្វើឲ្យទាក់ទាញភ្ញៀវទេសចរជាតិ-អន្តរជាតិ និងប្រជាពលរដ្ឋក្នុងមូលដ្ឋាន ចង់ទៅទស្សនាកម្សាន្តនារដូវនេះផងដែរ។

ជាក់ស្ដែងទិដ្ឋភាពវាលស្មៅខៀវខ្ចីដ៏ធំល្វឹងល្វើយដែលមានទេសភាពស្អាតជាងគេនោះ ស្ថិតនៅក្នុងឃុំដាក់ដាំ ស្រុកអូររាំងឪ ខេត្តមណ្ឌលគិរី។ នៅតំបន់នោះមានទេសភាព វាលស្មៅខៀវខ្ចីគ្របដណ្ដប់លើភ្នំទាបខ្ពស់ លាយឡំអាកាសធាតុត្រជាក់គួរជាទីស្រស់ស្រាយសម្រាប់ភ្ញៀវទេសចរទៅទស្សនា និងរីករាយ ពេលបានឃើញទិដ្ឋភាពវាលស្មៅតាមជួរភ្នំជាក់ស្ដែងនារដូវនេះ៕

អត្ថបទ ៖ រៀម សុខហេង