មន្ទីរពេទ្យ​ហ្លួង​ម៉ែ បំពាក់ម៉ាស៊ីន RFA ablation ដ៏ទំនើបដែលជាបច្ចេកវិទ្យាចុងក្រោយ សម្រាប់​ដុតដុំមហារីក

មន្ទីរពេទ្យហ្លួងម៉ែ ជាមន្ទីរពេទ្យឯកទេសជំងឺមហារីក ដែលត្រូវបានបង្កើតឡើងតាមការចង្អុលបង្ហាញ និងយកចិត្តទុកដាក់ដ៏ខ្ពង់ខ្ពស់ពីសំណាក់ សម្ដេចតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា និងបន្តការគាំទ្រអនុវត្តដោយសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ក៏ដូចជាពីសំណាក់ រដ្ឋមន្ត្រីក្រសួងសុខាភិបាល។ 

ដើម្បីឆ្លើយតបទៅនឹងការព្យាបាលជំងឺមហារីកកាន់តែមានប្រសិទ្ធិភាពខ្ពស់ កាលពីថ្ងៃទី២៨​ ខែឧសភា ឆ្នាំ២០២៥ មន្ទីរពេទ្យ​ហ្លួង​ម៉ែ បានបំពាក់ម៉ាស៊ីន RFA ablation ​(Radiofrequency Ablation) ដ៏ទំនើប ដែលជាបច្ចេកវិទ្យាចុងក្រោយ សម្រាប់​ដុតដុំមហារីក ដើម្បីបំផ្លាញកោសិកាមហារីក ដូចជា ដុំមហារីកថ្លើម, សួត, ក្រពេញទីរ៉ូអ៊ីត, កូនកណ្តុរ ។ល។

ចំពោះអត្ថប្រយោជន៍សំខាន់ៗនៃម៉ាស៊ីននេះ ទី១.មានប្រសិទ្ធភាពខ្ពស់ក្នុងការដុតបំផ្លាញដុំមហារីកតូចៗ​។ ទី២.ឈឺចាប់តិចតួច ដោយវិធីចាក់ម្ជុលតូចតាមស្បែក (mini-invasive) និងសម្រាកពេទ្យរយៈពេលខ្លី។ ៣.ជម្រើសសម្រាប់អ្នកជំងឺដែលមិនអាចធ្វើការវះកាត់បាន(មនុស្សចាស់ ឬមានជំងឺរួមផ្សំច្រើនមុខ)​។

មន្ទីរពេទ្យហ្លួងម៉ែ មានទីតាំង ផ្លូវលេខ១០៩ ភូមព្រៃសខាងកើត សង្កាត់ព្រៃស ខណ្ឌដង្កោ រាជធានីភ្នំពេញ សម្រាប់ព័ត៌មានបន្ថែម អាចទំនាក់ទំនងតាមរយៈលេខ ០១០ ២២៨ ៩៦៥៕