ព័ត៌មានអន្ដរជាតិ
កូរ៉េខាងជើង ត្រៀមបញ្ជូនកម្លាំងបន្ថែម ៦ ០០០នាក់ទៅកាន់តំបន់ Kursk របស់រុស្ស៊ី
កូរ៉េខាងជើង នឹងដាក់ពង្រាយបុគ្គលិកយោធាប្រមាណ ៦ ០០០នាក់ ដែលរួមមានក្រុមសាងសង់ ៥ ០០០នាក់ និងអ្នកដោះមីន ១ ០០០នាក់ ដើម្បីជួយសម្រួលដល់ការកសាងឡើងវិញ និងការបោសសម្អាតមីននៅក្នុងតំបន់ Kursk របស់រុស្ស៊ី។
ការប្រកាសនេះ ធ្វើឡើងបន្ទាប់ពីដំណើរទស្សនកិច្ចរបស់មន្ត្រីជាន់់ខ្ពស់រុស្ស៊ី លោក Sergey Shoigu លេខាធិការក្រុមប្រឹក្សាសន្តិសុខរុស្ស៊ី នៅក្នុងប្រទេសកូរ៉េខាងជើង កាលពីថ្ងៃអង្គារទី១៧ខែមិថុនាឆ្នាំ២០២៥។ ការដាក់ពង្រាយកងកម្លាំងនេះ ត្រូវបានគេពិពណ៌នាថាជា«ជំនួយសម្រាប់បងប្អូនល្អ» និងជាផ្នែកមួយនៃភាពជាដៃគូយុទ្ធសាស្ត្រកាន់តែស៊ីជម្រៅរបស់ទីក្រុងមូស្គូ និងទីក្រុងព្យុងយ៉ាង។
លោក Shoigu បាននិយាយថា កងទ័ពទាំងនោះ នឹងគាំទ្រដល់ការកសាងឡើងវិញក្រោយជម្លោះជាមួយអ៊ុយក្រែន ជាមួយនឹងផែនការបន្ថែមក្នុងការសាងសង់ស្តូបអនុស្សាវរីយ៍ជាកិត្តិយសដល់ទាហានកូរ៉េខាងជើងដែលបានស្លាប់នៅក្នុងតំបន់។
លោក Shoigu បានរៀបរាប់ថា «ប្រធានកិច្ចការរដ្ឋរបស់កូរ៉េខាងជើង លោក គីម ជុងអ៊ុន បានសម្រេចចិត្តបញ្ជូនទាហានដោះមីនចំនួន ១ ០០០នាក់ទៅកាន់ប្រទេសរុស្ស៊ី ដើម្បីបោសសម្អាតមីននៅលើទឹកដីរុស្ស៊ី ក៏ដូចជាកម្មករសំណង់យោធាចំនួន ៥ ០០០នាក់ ដើម្បីស្តារហេដ្ឋារចនាសម្ព័ន្ធដែលត្រូវបានបំផ្លាញដោយអ្នកលុកលុយ»។
ដំណើរទស្សនកិច្ចរបស់លោក Shoigu គឺជាជំនួបកម្រិតខ្ពស់លើកទីពីរជាមួយលោក គីម ក្នុងរយៈពេលតិចជាង២សប្តាហ៍កន្លងមកនេះ ដែលជាសញ្ញាបង្ហាញពីសន្ទុះប្រកបដោយនិរន្តរភាពក្រោមភាពជាដៃគូយុទ្ធសាស្ត្រដ៏ទូលំទូលាយដែលបានពង្រឹងនៅក្នុងខែមិថុនាឆ្នាំ២០២៤។ សន្ធិសញ្ញានោះតម្រូវឲ្យប្រទេសទាំងពីរការពារគ្នាទៅវិញទៅមក និងសម្របសម្រួលការគាំទ្រផ្នែកយោធា។
កូរ៉េខាងជើងត្រូវ បានគេប៉ាន់ប្រមាណថាបានបញ្ជូនទាហាន ៣ ០០០នាក់បន្ថែមទៀតទៅកាន់តំបន់ Kursk ក្នុងឆ្នាំ២០២៥នេះ បន្ទាប់ពីបានបញ្ជូនទាហានប្រហែល ១១ ០០០នាក់ទៅកាន់ប្រទេសរុស្ស៊ីកាលពីឆ្នាំមុន ដែលជាថ្នូរនឹងការទទួលបានអាវុធ និងបច្ចេកវិទ្យាយោធាពីទីក្រុងមូស្គូមកវិញ។
ជាងពាក់កណ្តាលនៃទាហានទាំង ១១ ០០០នាក់ដែលបានដាក់ពង្រាយដំបូង ត្រូវគេប៉ាន់ប្រមាណថាបានស្លាប់ និងរងរបួស។ នេះបើយោងតាមការវាយតម្លៃនាពេលថ្មីៗរបស់ក្រសួងការពារជាតិរបស់ចក្រភពអង់គ្លេស៕
ដោយ៖ ឈាង
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
ថៃផ្ទុះជម្លោះផ្ទៃក្នុង ឈានដល់ការដាក់សម្ពាធឲ្យលោកស្រី ផែថងថាន លាលែងតំណែង
ក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
Update៖ ករណីឆេះអាហារដ្ឋាន ពេជ្រ ចរណៃ ល្បុក្កតោ អស់សម្ភារស្ទើរទាំងស្រុង
កាយឫទ្ធិនារីកម្ពុជា ធ្វើពិធីសច្ចាបញ្ចូលសមាជិកថ្មីលើកទី៣៣ ចំនួន៣៨៤រូប នៅសាខាខេត្តកំពត
យន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
ឆ្ងល់អត់ ហេតុអ្វីមីស៊ីលភាគច្រើនត្រូវបានបាញ់នៅពេលយប់ជាជាងពេលថ្ងៃ ក្នុងអំឡុងពេលសង្គ្រាម?
រដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
គណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ
ការរុះរើគណៈរដ្ឋមន្ត្រីថៃ គ្រោងធ្វើនៅថ្ងៃសុក្រ រដ្ឋាភិបាលចម្រុះថៃអាចជាប់គាំងជាថ្មី
-
ព័ត៌មានអន្ដរជាតិ១ សប្តាហ៍ agoសេដ្ឋវិទូ៖ សេដ្ឋកិច្ចថៃប្រឈមហានិភ័យធ្លាក់ចូលក្នុងវិបត្តិបរិត្តផរណា
-
នយោបាយ៦ ថ្ងៃ agoរយៈពេលមិនដល់១២ម៉ោងកម្ពុជាទះថៃ៣កំផ្លៀង
-
ព័ត៌មានអន្ដរជាតិ៣ ថ្ងៃ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៦ ថ្ងៃ agoBreaking News! អ៊ីស្រាអែល វាយប្រហារអ៊ីរ៉ង់ហើយ! សង្គ្រាមធំអាចផ្ទុះឡើង
-
ព័ត៌មានអន្ដរជាតិ៦ ថ្ងៃ agoមហាសំណាង! មនុស្សម្នាក់គត់នៅរស់ពីការធ្លាក់យន្តហោះឥណ្ឌា ដោយសារលោតចុះតាមច្រកចេញអាសន្ន
-
នយោបាយ៦ ថ្ងៃ agoសម្ដេចតេជោប្រាប់ទៅរដ្ឋាភិបាលត្រៀមផ្ទុះអាវុធគ្រប់ពេលដែលថៃឈ្លានពាន
-
ព័ត៌មានអន្ដរជាតិ៤ ថ្ងៃ agoអ្នកស្លាប់និងរបួសនៅអ៊ីស្រាអែលកើនឡើងយ៉ាងគំហុក ខណៈអ៊ីរ៉ង់បាញ់ស្រោចមីស៊ីល
-
ព័ត៌មានជាតិ៧ ថ្ងៃ agoងាកចេញពីព្រំដែនកម្ពុជា-ថៃ ទៅមើលការកសាងផ្លូវក្រវាត់ព្រំដែនកម្ពុជា-វៀតណាម សម្រេចបានអ្វីខ្លះ?