ព័ត៌មានជាតិ

ផ្ទះបណ្តែតទឹកនៅបឹងទន្លេសាប សម្រាប់បម្រើភ្ញៀវទេសចរ ត្រូវអគ្គិភ័យឆាបឆេះខ្ទេច

បានផុស

៤ years មុន

នៅ

ថ្ងៃពុធ ៣១ មីនា ២០២១

ដោយ

ផ្ទះផែបណ្តែតទឹក ក្នុងដែនបឹងទន្លេសាបនៃខេត្តបាត់ដំបងចំនួន០៣ខ្នង ដែលគេដឹងថា ជារបស់ក្រុមហ៊ុនEasiaTravelសម្រាប់ទទួលភ្ញៀវទេសចរបរទេស ត្រូវបានអគ្គិភ័យឆាបឆេះគ្មានសល់រហូតមកដល់ពេលនេះ នៅមិនទាន់រកឃើញមូលហេតុឃើញនៅឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចប្រាប់ឲ្យដឹងថា ករណីអគ្គិភ័យឆាបឆេះខាងលើនេះ បានកើតឡើងកាលពីវេលាម៉ោង០៤និង៤០នាទីទៀបភ្លឺឈានចូលថ្ងៃទី៣០ ខែមីនា ឆ្នាំ២០២១ ស្ថិតនៅក្នុងចំណុចកោះដាច់ភូមិព្រែកទាល់ ឃុំកោះជីវាំង ស្រុកឯកភ្នំ ខេត្តបាត់ដំបង។ ផ្ទះបណ្តែតទឹកនេះ របស់ក្រុមហ៊ុនEasiaTravel សម្រាប់ទទួលភ្ញៀវទេសចរទេស ដើម្បីស្នាក់នៅទស្សនាកម្សាន្តនាតំបន់បឹងទន្លេសាប។ ប្រភពដដែលបន្តថា ផ្ទះផែបណ្តែតទឹកទាំង៣ខាងលើរួមមាន ទី១ផ្ទះពណ៌សទំហំ១៥ម៉ែត្រx៨ម៉ែត្រកម្ពស់៤.៥០ម៉ែត្រជញ្ជាំងក្តារដំបូលប្រក់ស័ង្កសី។ ទី២ផ្ទះផែពណ៌ក្រហមទំហំ១៤ម៉ែត្រx៧ម៉ែត្រកម្ពស់៤ម៉ែត្រជញ្ជាំងឈើដំបូលប្រក់ស័ង្កសី។ ទី៣ផ្ទះផែពណ៌បៃតងទំហំ១២ម៉ែត្រx៦ម៉ែត្រកម្ពស់៤ម៉ែត្រជញ្ជាំងស័ង្កសីលាយឈើដំបូលប្រក់ស័ង្កសី ដែលមានម្ចាស់ឈ្មោះ អោម សីចាន់ ភេទស្រី អាយុ៣៥ឆ្នាំ មុខរបរជាបុគ្គលិកក្រុមហ៊ុនទេសចរណ៍EasiaTravelមានទីលំនៅភូមិក្តីឃុំព្រៃតាហ៊ួ ក្រុងស្ទឹងសែន ខេត្តកំពង់ធំ។

ចំណែកសម្ភារៈខូចខាតក្នុងហេតុការខាងលើរួមមាន ឆេះគ្រែដេក, កង្ហារលើតុ, ឆេះម៉ាស៊ីនភ្លើង,ម៉ាស៊ីនបូមទឹក និងសម្ភារៈសម្រាប់ចម្អិនអាហារទទួលភ្ញៀវបរទេសមួយចំនួនផងដែរ សរុបគិតជាទឹកប្រាក់អស់ប្រហែល៤២.៩០០ដុល្លារ។ បច្ចុប្បន្នសមត្ថកិច្ច កំពុងបើកការស្រាវជ្រា វខណៈដែលមូលហេតុនៃការឆេះនេះ ត្រូវបានសមត្ថកិច្ចដាក់ការសង្ស័យថា បង្កដោយមនុស្សដោយមានជនមិនស្គាល់មុខលួចដុតបំផ្លាញចោល៕

អត្ថបទ៖ សៅ សារិទ្ធ

សូមចុចអាន៖ លួចសង់ផ្ទះក្បែរច្រាំងទន្លេទាំងយប់ រំពឹងទទួលបានលុយកាក់ខ្លះ មានអីឲ្យរុះរើជាបន្ទាន់