ព័ត៌មានអន្ដរជាតិ
អនុប្រធានាធិបតីអាមេរិក ប្រកាសថា អ៊ីរ៉ង់អស់សមត្ថភាពផលិតអាវុធនុយក្លេអ៊ែរហើយ
អនុប្រធានាធិបតីអាមេរិក លោក JD Vance បាននិយាយថា ពេលនេះអ៊ីរ៉ង់មិនអាចផលិតអាវុធនុយក្លេអ៊ែរបានទេ ដោយអះអាងថា ការវាយប្រហារនាពេលថ្មីៗនេះរបស់ក្រុងវ៉ាស៊ីនតោនបានបំផ្លាញហេដ្ឋារចនាសម្ព័ន្ធនុយក្លេអ៊ែរដ៏សំខាន់របស់ទីក្រុងតេហេរ៉ង់។
នៅក្នុងបទសម្ភាសន៍មួយជាមួយ Fox News កាលពីថ្ងៃទី២៣ខែមិថុនា លោក Vance បានលើកឡើងថា «អ៊ីរ៉ង់គឺជិតមានអាវុធនុយក្លេអ៊ែរហើយ។ ឥឡូវនេះ អ៊ីរ៉ង់មិនមានសមត្ថភាពក្នុងការបង្កើតអាវុធនុយក្លេអ៊ែរជាមួយឧបករណ៍ដែលពួកគេមានទេ ព្រោះយើងបានបំផ្លាញវា»។
លោកបានសង្កត់ធ្ងន់ថា សកម្មភាពយោធារបស់សហរដ្ឋអាមេរិកបានកំណត់គោលដៅលើកម្មវិធីនុយក្លេអ៊ែររបស់អ៊ីរ៉ង់ មិនមែនប្រទេសអ៊ីរ៉ង់នោះទេ ហើយថា ការវាយប្រហារនេះបានបំផ្លាញកិច្ចខិតខំប្រឹងប្រែងរបស់អ៊ីរ៉ង់ជាច្រើនឆ្នាំនៅក្នុងការអភិវឌ្ឍនុយក្លេអ៊ែរ។
លោក Vance បានរៀបរាប់ថា «ថ្ងៃស្អែកពិតជាថ្ងៃថ្មី។ ការបញ្ចប់នៃសង្រ្គាមរយៈពេល ១២ថ្ងៃ ការបញ្ចប់កម្មវិធីនុយក្លេអ៊ែរអ៊ីរ៉ង់ និង … ការចាប់ផ្តើមនៃអ្វីមួយដ៏ធំសម្រាប់សន្តិភាពនៅមជ្ឈិមបូព៌ា»។
ទន្ទឹមនោះ លោកក៏បានព្រមានថា ប្រសិនបើអ៊ីរ៉ង់ព្យាយាមចាប់ផ្តើមកម្មវិធីអាវុធនុយក្លេអ៊ែររបស់ខ្លួនឡើងវិញ នោះនឹង«ត្រូវប្រឈមជាមួយនឹងយោធាអាមេរិកដ៏ខ្លាំងមួយទៀត»។
សូមរឭកជាថ្មីថា មេដឹកនាំអាមេរិក លោក ដូណាល់ ត្រាំ បើកការវាយប្រហារកម្ទេចទីតាំងនុយក្លេអ៊ែរចំនួនបីដូចជា Fordow, Natanz និង Esfahan នៅក្នុងប្រទេសអ៊ីរ៉ង់ កាលពីថ្ងៃទី២២មិថុនា។ ក្រោយមក អ៊ីរ៉ង់បានថ្កោលទោសលោក ត្រាំ ហើយប្រកាសថា អាមេរិកបានចាប់ផ្តើមសង្គ្រាមដ៏គ្រោះថ្នាក់ប្រឆាំងទីក្រុងតេហេរ៉ង់ហើយ៕
ដោយ៖ ឈាង
ចុចអាន៖ អ៊ីរ៉ង់ផ្លោងគ្រាប់ដាក់មូលដ្ឋានទ័ពអាមេរិកនៅកាតា ហើយព្រមានថានឹងវាយថែមទៀត
អនុប្រធានាធិបតីអាមេរិក ប្រកាសថា អ៊ីរ៉ង់អស់សមត្ថភាពផលិតអាវុធនុយក្លេអ៊ែរហើយ
ការនាំចេញរបស់កម្ពុជាទៅកាន់ទីផ្សារអឺរ៉ុប សម្រេចបានជិត២ពាន់លានដុល្លារក្នុងរយៈពេល៥ខែឆ្នាំនេះ
ថ្នាំញៀនជាង២តោនបន្លំជាម្សៅពោត តម្លៃ៩០លានដុល្លារ ត្រូវចាប់នៅថៃ
ជារឿងចម្លែក បុរសចិនវ័យ ៦៤ ឆ្នាំ ធ្លាក់ច្រាសដុសធ្មេញចូលក្នុងពោះវៀន អស់រយៈពេល ៥២ ឆ្នាំ
អ៊ីស្រាអែលបន្តវាយប្រហារនៅហ្គាហ្សាឥតបន្ធូរដៃ សម្លាប់ដោយទាំងអ្នកកំពុងចាំបើកជំនួយ
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
ត្រាំ ប្រកាសថា អ៊ីស្រាអែល-អ៊ីរ៉ង់ យល់ព្រមលើឈប់បាញ់ហើយ តែទីក្រុងតេហេរ៉ង់ ថា មិនពិត
មេទ័ពអ៊ីរ៉ង់ ចេញមុខគំរាមសងសឹកអាមេរិក ជាមួយកម្លាំងដ៏ខ្លាំងបំផុត
ពូទីន៖ មូលហេតុមិនជួយអ៊ីរ៉ង់ ព្រោះពលរដ្ឋអ៊ីស្រាអែលភាគច្រើននិយាយភាសារុស្ស៊ី
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ ថា ប៉ាគីស្ថាន ចេញមុខធានាទម្លាក់គ្រាប់បែកនុយក្លេអ៊ែរ លើអ៊ីស្រាអែល ក្នុងលក្ខខណ្ឌមួយ
-
ព័ត៌មានអន្ដរជាតិ៥ ថ្ងៃ agoរដ្ឋមន្ត្រី៨រូបដាក់ពាក្យលាឈប់ពីរដ្ឋាភិបាលចម្រុះ ដឹកនាំដោយគណបក្សភឿថៃ
-
សន្តិសុខសង្គម៥ ថ្ងៃ agoក្រោយពីភ្លើងឆេះហាង ពេជ្រ ចរណៃ ត្រូវជួសជុលសងម្ចាស់ដើមវិញខ្ទង់ ៥០ ទៅ៦០ម៉ឺនដុល្លារ
-
ព័ត៌មានអន្ដរជាតិ៥ ថ្ងៃ agoផែថងថាន រក្សាភាពស្ងប់ស្ងាត់ និង គ្មានការលាលែងពីអំណាច រហូតពេលនេះ
-
ព័ត៌មានអន្ដរជាតិ១ ថ្ងៃ agoរុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងអាមេរិក ចាកចេញពីមូលដ្ឋាននៅអង់គ្លេសហើយ ដើម្បីទៅជួយអ៊ីស្រាអែល ប្រយុទ្ធជាមួយអ៊ីរ៉ង់
-
ព័ត៌មានអន្ដរជាតិ៥ ថ្ងៃ agoក្រោយធ្លាយសារសំឡេង ផែថងថាន ប្រឈមរឿងសំខាន់៣ លំបាករើខ្លួនរួច
-
ព័ត៌មានអន្ដរជាតិ៦ ថ្ងៃ agoគណបក្ស Bhumjaithai ដកខ្លួនចេញពីរដ្ឋាភិបាលចម្រុះដឹកនាំដោយបក្សភឿថៃ