ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន

យោធាមីយ៉ាន់ម៉ា បានប្រយុទ្ធជាមួយកងកម្លាំងប្រឆាំងរដ្ឋាភិបាល ថែមទាំងមានការទម្លាក់គ្រាប់បែកនៅតំបន់ព្រំដែន Muang Phakhong កម្ទេចផ្ទះសម្បែងនិងបង្កការខូចខាតធ្ងន់ធ្ងរលើប្រាសាទនានា បង្ខំឲ្យពលរដ្ឋ Shan រាប់ម៉ឺននាក់ត្រូវភៀសខ្លួនទៅកន្លែងសុវត្ថិភាព ចំណែកប្រជាជនថៃនៅខេត្ត Mae Hong Son ជាប់នោះ ក៏ត្រូវរត់ភៀសខ្លួនផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Amarin TV, នេះគឺជាការប្រយុទ្ធទ្រង់ទ្រាយធំរវាងយោធាមីយ៉ាន់ម៉ាដែលចូលរួមដោយក្រុមស្ម័គ្រចិត្ត PNO ត្រូវតទល់ជាមួយកងកម្លាំង KNDF និង PNLA។

ការប្រយុទ្ធដ៏ខ្លាំងក្លានេះកើតឡើងនៅតាមភូមិជាប់ច្រាំងទន្លេ Phae Khong ត្រើយខាងកើត។ ក្នុងការប្រយុទ្ធនោះ កងទ័ពអាកាសមីយ៉ាន់ម៉ា ក៏បានបញ្ជូនយន្តហោះចម្បាំងទៅទម្លាក់គ្រាប់លើផ្ទះពលរដ្ឋនិងប្រាសាទ បង្កឲ្យមានអគ្គិភ័យឆាបឆេះយ៉ាងសន្ធោសន្ធៅផងដែរ។

ទោះបីជាយ៉ាងណាក៏ដោយ ភ្លាមៗមិនទាន់មានសេចក្តីរាយការណ៍អំពីតួលេខមនុស្សស្លាប់ឬរងរបួសនោះទេក្នុងការប្រយុទ្ធគ្នានេះ៕

អត្ថបទ៖ សុខ សុវណ្ណ

ចុចអាន៖ ជម្លោះ​នៅ​មីយ៉ាន់ម៉ា​ បន្តជំរុញឲ្យ​ប្រជាជនរត់​ភៀស​ខ្លួន​​​ ដើម្បី​​សុវត្ថិភាព​