កូនអាន តាំងចិត្តថានឹងពង្រឹងខ្លួនបន្ថែមពីកង្វះខាត ក្នុងនាមជាបេក្ខភាពបវកញ្ញា ឱ្យល្អស័ក្តិសមសម្រាប់ MUC 2025

នាដការីរបាំបុរាណកញ្ញាសុគា គីមលាង ហៅកូនអាន ដែលបច្ចុប្បន្នជាបេក្ខភាព Miss Universe Cambodia 2025 បានប្រកាសប្តេជ្ញាចិត្តក្នុងការខិតខំប្រឹងពង្រឹងខ្លួនបន្ថែមពីលើចំណុចកង្វះខាត ដើម្បីមានកាអភិវឌ្ឍន៍និងរីកចម្រើនសម្រាប់ការប្រកួតក្នុងកម្មវិធី MUC 2025។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាការពិតណាស់ ចំពោះការដាក់ខ្លួនចូលប្រឡូកក្នុងវិស័យបវរកញ្ញារបស់កញ្ញា សុគា គីមលាង នាពេលនេះ គឺបានធ្វើឲ្យអ្នកគាំទ្រមួយចំនួនបង្ហាញការលើកទឹកចិត្ត ខណ:កន្លងមកនាងធ្លាប់ប្តេជ្ញាយកជ័យជំនះដើម្បីក្លាយជាតំណាងកម្ពុជាឈានទៅដល់ឆាកអន្តរជាតិនាពេលខាងមុខ។

តួយ៉ាងពេលនេះ នាដការីរបាំបុរាណរូបនេះ បានបញ្ជាក់ថា យើងចាប់ផ្តើមថ្ងៃថ្មីដោយថាមពលរៀនសូត្របន្ថែមពីកង្វះខាតដើម្បីការអភិវឌ្ឍន៍និងរីកចម្រើននៅថ្ងៃខាងមុខ។ សូមកុំបន្ទោសខ្លួនឯងប្រសិនបើអ្នកជួបបញ្ហានៅថ្ងៃនេះ ព្រោះអ្នកបានខិតខំធ្វើវាបានយ៉ាងល្អរួចហើយ ចូលបន្តដំណើរទៅមុខព្រោះភាពល្អប្រសើរកំពុងរង់ចាំអ្នកនៅខាងមុខ ។

គេចាំបានថានាដការីកញ្ញា សុគា គីមលាង ហៅ កូនអាន ក៏បានបញ្ជាក់កាលពីថ្មីៗដែរថា ឥឡូវនេះនាងគឺផ្តើមចាប់យកពេលវេលាដែលបោះជំហានទៅមុខជា មួយក្តីស្រមៃនិងគោលដៅ MUC 2025 ហើយនាងក៏អរគុណសម្រាប់ការគាំទ្ររបស់ទស្សនិកជនដែលតែងផ្តល់កម្លាំងចិត្តផងដែរ។

តាមការកត់សម្គាល់ ឃើញថា នាដការី សុគា គីមលាង ក៏ធ្លាប់បានតាំងចិត្តខ្ពស់ក្នុងការចូលរួមថែរក្សាសម្បត្តិវប្បធម៌- អរិយធម៌ ខណ:កន្លងមកក៏ត្រូវបានទស្សនិកជនដឹងថា នាងតែងតែមានភាពលេចធ្លោលើសកម្មភាពផ្សព្វផ្សាយវប្បធម៌សិល្ប:ខ្មែរ។ សកម្មភាពនេះ តែងទទួលបានការកោតសរសើរនិងគាំទ្រពីសំណាក់មហាជនខ្មែរគ្រប់វ័យ៕ ចាន់រ៉ា