កីឡា

ស៊ន់ បញ្ញាវឌ្ឍន៏ ការលើកទឹកចិត្តពីថ្នាក់ដឹកនាំជំរុញឲ្យឈ្នះមេដាយមាស ២គ្រឿងនៅ World Police

បានផុស

១ year មុន

នៅ

ថ្ងៃអង្គារ ១ កក្កដា ២០២៥

ដោយ

កីឡាករ ស៊ន់ បញ្ញាវឌ្ឍន៏ ថាការជំរុញលើកទឹកចិត្តពីថ្នាក់ដឹកនាំគឺរឹតតែធ្វើឲ្យរូបគេមានកម្លាំងចិត្តប្រកួតប្រជែងរហូតឈានអាចឈ្នះមេដាយមាស ២គ្រឿង លើប្រភេទកីឡាជឺជីតស៊ូ នៃព្រឹត្តិការណ៍ World Police and Fire Games ដែលកំពុងធ្វើនៅអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបភាពក្រុមប្រឹក្សាកីឡាក្រសួងមហាផ្ទៃ

ស៊ន់ បញ្ញាវឌ្ឍន៏ បានលើកឡើងបន្ទាប់ពីឈ្នះមេដាយមាសថា ដោយសារតែការតាំងចិត្តខ្ពស់ប្រជែងយកមេដាយជូនប្រទេសកម្ពុជាឲ្យបានទើបធ្វើឲ្យរូបគេខំប្រឹងរហូតឈ្នះមេដាយមាស ២គ្រឿងនេះ។ ដៃគូសុទ្ធតែជាកីឡាករល្អៗប្រចាំសហរដ្ឋអាមេរិក ប៉ុន្តែដោយការខំប្រឹង និងមានការមកលើកទឹកចិត្តផ្ទាល់ពីថ្នាក់ដឹកនាំដល់កន្លែងប្រកួតរបស់ខ្លួនផងរឹតតែមានកម្លាំងក្នុងការយកឈ្នះគូប្រកួត។

រូបភាពក្រុមប្រឹក្សាកីឡាក្រសួងមហាផ្ទៃ

ម្ចាស់មេដាយមាសជឺជីតស៊ូរូបនេះបន្ថែមទៀតថា តាមដែលការមើលឃើញក្រុមកីឡាករ កីឡាការិនីក្រសួងមហាផ្ទៃទាំងអស់ប្រកួតនៅសហរដ្ឋអាមេរិកនេះគឺមានសមត្ថភាព បច្ចេកទេសល្អហើយ គ្រាន់តែពង្រឹងលើការហ្វឹកហាត់ឲ្យបានច្រើនជាងនេះ។

រូបភាពក្រុមប្រឹក្សាកីឡាក្រសួងមហាផ្ទៃ

បញ្ជាក់ដែរថា ក្រុមកីឡាក្រសួងមហាផ្ទៃ ចំនួន ៩ប្រភេទ សរុបកីឡាករ កីឡការិនីមាន ៥២នាក់កំពុងចូលរួមការប្រកួតកីឡានគរបាល និងកងពន្លត់អគ្គិភ័យពិភពលោក លើកទី២១ (the 21st World Police and Fire Games) នៅទីក្រុង Birmingham រដ្ឋ Alabama សហរដ្ឋអាមេរិក។ គិតមកដល់ពេលនេះក្រុមកីឡានគរបាលកម្ពុជាឈ្នះបានមេដាយ ២០គ្រឿងហើយ មាស ១១ ប្រាក់ ៧ សំរឹទ្ធ ២៕

អត្ថបទដោយ៖ នួន ស៊ីណា