កីឡា

ប្រវត្តិមិនធ្លាប់ឈ្នះ ក្រុមបាល់ទះ កម្ពុជា ប៉ះ ឥណ្ឌូណេស៊ី លើកទី៧ រសៀលនេះ

បានផុស

៤ ថ្ងៃ មុន

នៅ

ថ្ងៃសុក្រ ១១ កក្កដា ២០២៥

ដោយ

ក្រុមបាល់ទះជម្រើសជាតិ កម្ពុជា ត្រូវប៉ះក្រុមខ្លាំង ឥណ្ឌូណេស៊ី វេលាម៉ោង ១:៣០នាទី រសៀល ថ្ងៃទី១១ ខែកក្កដា ឆ្នាំ ២០២៥ ជុំទី១ ពាន SEA V. League នៅប្រទេសហ្វីលីពីន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតលើកទី១ ក្រុមទាំងពីរសុទ្ធតែខកចិត្តដូចគ្នា ដោយ ឥណ្ឌូណេស៊ី បានចាញ់ ក្រុមខ្លាំងថៃ ដោយលទ្ធផល ១-៣ ខណៈ កម្ពុជា បានចាញ់ វៀតណាម ០-៣។ ថ្ងៃនេះជាការប្រកួតដែលក្រុមទាំងពីរត្រូវស្វែងរកជ័យជម្នះលើកដំបូងដូចគ្នា ប៉ុន្តែបើនិយាយពីសមត្ថភាពគឺ ក្រុមកម្ពុជាស្ថិតនៅក្រោម ឥណ្ឌូណេស៊ី។

កាលពី ចាញ់វៀតណាម ដោយលទ្ធផល ០-៣ ក្រុមកម្ពុជា បានបង្ហាញទម្រង់លេងមិនល្អសោះឡើយ បើទោះជាមានកីឡាករវាយផ្តាច់ឆ្នើមៗដូចជា វឿន វាសនា និង គួន ម៉ុម ក៏ដោយ។ អ្វីដែលមើលឃើញជាបញ្ហាគឺ កីឡាករប៉ះសេ នៅស្ទើរ ហើយការទទួលបាល់មិនសូវល្អ និងវាយសេវាខូចច្រើន សូម្បីតែជើងក្រោមក៏ធ្វើមិនបានល្អ។ និយាយរួមគឺ ក្រុមកម្ពុជាខ្វះសហការជាក្រុម។

គិតចាប់តាំងពីឆ្នាំ ២០១១ ជាពេលដែលកម្ពុជាមានក្រុមបាល់ទះចូលរួមប្រកួតក្នុងព្រឹត្តិការណ៍កីឡាស៊ីហ្គេម ក្រោយសម័យសង្គ្រាម កម្ពុជា ធ្លាប់បានជួប ឥណ្ឌូណេស៊ី ៦ លើក ប៉ុណ្ណោះមិនធ្លាប់ឈ្នះឡើយ។