ពលករខ្មែរជាង ៣ពាន់នាក់ចូលមកប្រទេសវិញតាមច្រកអូស្មាច់មុនចូលឆ្នាំខ្មែរ

ពលករខ្មែរជាង ៣០០០ នាក់បានចូលកមកម្ពុជាវិញជាបន្តបន្ទាប់ ដើម្បី​ជួបជុំ​គ្រួសារ​ក្នុង​ពិធី​បុណ្យ​ចូល​ឆ្នាំ​ខ្មែរ​ខាង​មុខ​។

​លោក ឌី រ៉ាដូ ​អភិបាល​រង​ខេត្ត​ឧត្តរមានជ័យ​ បានប្រាប់ថា ក្នុងមួយថ្ងៃយ៉ាងហោចណាស់មានពលករពី១០០ ទៅ២០០ នាក់បានវិលត្រលប់ចូលមកតាមច្រកអន្តរជាតិអូស្មាច់ ខេត្តឧត្តរមានជ័យ ដើម្បីត្រៀម ជួបជុំគ្រួសារនៅអំឡុងពេលបុណ្យចូលឆ្នាំខ្មែរនា១០ថ្ងៃខាងមុខ។

នៅចំពោះមុខនៃពិធីបុណ្យចូលឆ្នាំខ្មែរ លោកឌី រ៉ាដូ អះអាងថា អាជ្ញាធរនឹងមិនទាន់ពិចារណាលើការរឹតត្បិតចរាចរណ៍របស់ប្រជាពលរដ្ឋក្នុងខេត្តនោះទេ ទោះបីជាចំនួនពលករសម្រុកមកកម្ពុជាវិញនៅតែមានបន្តក្តី។ ក៏ប៉ុន្តយ៉ាងណា លោកអភិបាលរងខេត្តនេះ អាជ្ញាធរនៅតែអប់រំណែនាំឲ្យពលរដ្ឋមានការប្រុងប្រយ័ត្នខ្ពស់ ជាពិសេសនៅពេលបុណ្យចូលឆ្នាំខ្មែរតែម្តង។

គួរជម្រាបជូនថា រាប់ចាប់តាំងពីមានការផ្ទុះការរកឃើញមានឆ្លងជំងឺកូវីដ១៩នៅខេត្តសាមុតសាខន ប្រទេសថៃកាលពីថ្ងៃទី០៣ធ្នូ២០២០មកពលករខ្មែរដែលធ្វើការនៅប្រទេសថៃបានសម្រុកចូលមកកម្ពុជាវិញជាប្រចាំ។ 

តាមតួលេខពីខេត្តឧត្តរមានជ័យ ខេត្តបានទទួលពលករខ្មែរប្រមាណជាង១ម៉ឺននាក់ ចូលមកប្រទេសកម្ពុជាវិញតាមច្រកព្រំដែនអូស្មាច់ ក្រោយមានព្រឹត្តិការណ៍កូវីដជាសហគមន៍នៅប្រទេសថៃ៕

អត្ថបទ៖ចាន់ ធី