ថ្ងៃស្អែក ព្រះសង្ឃ២៥៦៩អង្គ នឹង​ជួប​ជុំ​នៅ​រមណីយដ្ឋាន​វប្បធម៌ប្រវត្តិសាស្ត្រវត្តភ្នំ ដើម្បី​ធ្វើ​ធម្មយាត្រា​សន្តិភាព គោរព​បទ​ឈប់បាញ់​ជា​និរន្តរ៍

ធម្មយាត្រាសន្តិភាពព្រះសង្ឃ ក្នុងរាជធានីភ្នំពេញ ដើម្បី​ឱ្យ​មាន​ការ​គោរព​បទ​ឈប់​បាញ់​ជានិរន្តរ៍ រក្សាសន្តិភាព សុវត្ថិភាព ស្ថេរភាព នៃប្រទេសទាំងពីរ នឹងប្រព្រឹត្តទៅនៅរសៀលថ្ងៃទី១០ ខែសីហា ឆ្នាំ២០២៥ វេលាម៉ោង ១៥:០០នាទី ដោយមានព្រះសង្ឃចូលរួម សរុបចំនួន២៥៦៩អង្គ ដោយជួបជុំនៅរមណីយដ្ឋានវប្បធម៌ប្រវត្តិសាស្ត្រវត្តភ្នំ រួចដង្ហែក្បួនធម្មយាត្រាឆ្ពោះទៅ កាន់វិមានឯករាជ្យ។

តាម​សេចក្តី​ជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា រដ្ឋបាលរាជធានីភ្នំពេញ សូមជម្រាបជូនដំណឹងដល់បងប្អូនប្រជាពលរដ្ឋទាំងអស់ក្នុងរាជធានីភ្នំពេញ ឱ្យបានជ្រាបថា គណៈសង្ឃនាយកទាំងពីរគណៈ នឹងរៀបចំពិធីធម្មយាត្រាសន្តិភាពព្រះសង្ឃ ក្នុងរាជធានី ភ្នំពេញ ដើម្បីឱ្យមានការគោរពបទឈប់បាញ់ជានិរន្តរ៍ រក្សាសន្តិភាព សុវត្ថិភាព ស្ថេរភាព នៃប្រទេសទាំងពីរ ដែល​នឹង​ប្រព្រឹត្តទៅនៅថ្ងៃទី១០ ខែសីហា ឆ្នាំ២០២៥ វេលាម៉ោង ១៥:០០នាទី ដោយ​មាន​ព្រះសង្ឃ​ចូលរួម សរុប​ចំនួន ២៥៦៩អង្គ ដោយ​ជួប​ជុំ​នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ រួច​ដង្ហែ​ក្បួន​ធម្មយាត្រាឆ្ពោះទៅ កាន់វិមានឯករាជ្យ។

ដើម្បី​ឱ្យ​ពិធី​ធម្មយាត្រាខាងលើ​ប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់​ធ្នាប់ និង​របៀប​រៀប​រយ​សាធារណៈ ព្រមទាំងបញ្ចៀសបាននូវការកកស្ទះចរាចរ អាជ្ញាធរ​មាន​សមត្ថកិច្ច​នឹង​បញ្ចៀស ចរាចរ​ចំពោះ​យានយន្តគ្រប់ប្រភេទ លើកំណាត់មហាវិថីព្រះនរោត្តម រហូតដល់វិមានឯករាជ្យ ចាប់ពីវេលាម៉ោង ១៥:០០នាទី រហូត​ដល់បញ្ចប់កម្មវិធី៕

ដោយ ៖ ស្រីរ័ត្ន