កីឡា

យុវជន ឃួន វេជ្ជបុត្រ មិននឹកស្មានក្រុមអាចឈានដល់វគ្គផ្ដាច់ព្រ័ត្រដូចនេះផង

បានផុស

១១ ខែ មុន

នៅ

ថ្ងៃអាទិត្យ ២៤ សីហា ២០២៥

ដោយ

យុវជន ឃួន វេជ្ជបុត្រ តំណាងក្រុមបាល់បោះ Bong Kror ដែលទទួលបានលេខ២ នៃពានរង្វាន់ CamEd Men’s & Women’s Basketball Tournament 2025 មិននឹកស្មានថាក្រុមប្រកួតអាចឈានដល់វគ្គផ្ដាច់ព្រ័ត្រដូចនេះទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុម Bong Kror

ឃួន វេជ្ជបុត្រ បានឲ្យដឹងថា បើទោះជាទទួលបានចំណាត់ថ្នាក់ត្រឹមលេខ២ក៏ក្រុមទាំងមូលសប្បាយរីករាយផងដែរ ដោយសារតែម្នាក់ៗបានខំប្រឹងហ្វឹកហាត់ និងប្រកួតអស់ពីសមត្ថភាព។ ក្រុម Bong Kror ប្រមូលផ្ដុំទើបបាន ៤សប្ដាហ៍នោះទេ ដូច្នេះការហ្វឹកហាត់ជាមួយគ្នាមានពេលតិចតួច និងទើបប្រកួតជាមួយប៉ុណ្ណោះ។ និយាយជារួមក៏មិននឹកស្មានថាក្រុមតស៊ូប្រកួតរហូតអាចឡើងដល់វគ្គផ្ដាច់ព្រ័ត្រ និងទទួលបានលេខ២ ដូចនេះទេ។

ទិដ្ឋភាពប្រកួតផ្ដាច់ព្រ័ត្រ

យុវជនខាងលើនេះបន្ថែមទៀតថា សម្រាប់ការប្រកួតនេះបានធ្វើឲ្យក្រុមចេះស្រឡាញ់សាមគ្គីគ្នា និងចេះបង្ហាត់បង្រៀន យោគយល់គ្នា និងចេះតស៊ូខំប្រឹងឆ្ពោះទៅមុខជានិច្ច។ រូបគេក៏ដូចជាសមាជិកក្រុមសប្បាយរីករាយ និងបានស្គាល់មិត្តភ័ត្តថ្មីៗហើយបានចូលរួលការប្រកួតពានរង្វាន់ដែលវិទ្យាស្ថានរៀបចំនេះឡើយជាមួយគ្នា។

ទិដ្ឋភាពបិទការប្រកួត

បញ្ជាក់ដែរថា ពានរង្វាន់បាល់បោះនេះ បានបិទបញ្ចប់ហើយនៅល្ងាចថ្ងៃអាទិត្យ ទី២៤ ខែសីហា ឆ្នាំ២០២៥ ក្រោយរៀបចំឡើងអស់រយៈពេល ៧ថ្ងៃមកនេះ។ ផ្នែកបុរស ក្រុមជើងឯកបានលើក្រុម Centurion លេខ២ បានលើក្រុម Bong Kror លេខ៣ បានលើក្រុម CFS។ ផ្នែកនារី ក្រុមជើងឯកបានលើក្រុម The Vixens លេខ២ បានលើក្រុម DE ROOKIES លេខ៣ បានលើក្រុម CPSDC៕